ପୁଅକୁ ନ୍ୟାୟ ଦେବା ପାଇଁ ଜଟଣୀ କଂଗ୍ରେସ ବିଧାୟକ ସୁରେଶ ରାଉତରାୟଙ୍କ ଗୋଡତଳେ ଭଳି ନ୍ୟାୟ ଭିକ୍ଷା କଲେ ବାପାମା । ହାତ ଯୋଡି କାନ୍ଦି କାନ୍ଦି ବାପାମା’ ଦୁହେଁ ଯେଭଳି ଭାବେ ନେହୁରା ହେଉଛନ୍ତି ଦେଖିଲେ ଆପଣଙ୍କ ମନରେ ବି ଦୟା ଆସିବ । ତାଙ୍କର ୨୧ ବର୍ଷୀୟ ପୁଅ ଅଜିତ ମହାପାତ୍ର ଆତ୍ମହତ୍ୟା କରିଥିବା ପୋଲିସ ରିପୋର୍ଟରେ ଲେଖା ଯାଇଥିଲେ ମଧ୍ୟ ବାପମା ଏକଥା ମାନିବାକୁ ନାରାଜ । ପୁଅ ଅଜିତକୁ ହତ୍ୟା କରା ଯାଇଥିବା ନେଇ ସେମାନେ ଅଭିଯୋଗ କରିବା ସହ ସଠିକ ତଦନ୍ତ କରି ଅଭିଯୁକ୍ତଙ୍କୁ ଦଣ୍ଡ ଦିଆଯାଉ ବୋଲି ଗୁହାରି କରିଛନ୍ତି ।
କିଛିଦିନ ହେବ ନ୍ୟାୟ ପାଇଁ ଥାନାକୁ ଦୌଡି ଦୌଡି ନିରାଶ ହୋଇଥିବା ଅଜିତଙ୍କ ବାପାମା’ ବର୍ତ୍ତମାନ କଂଗ୍ରେସ ବିଧାୟକ ସୁର ଭାଇଙ୍କ ଶରଣ ପଶିଛନ୍ତି । ମୃତ ଅଜିତଙ୍କ ପିତାମାତାଙ୍କ କହିବା ଅନୁଯାୟୀ, ଢେଙ୍କାନାଳ ତାଲିମ ଥାନା ଅନ୍ତର୍ଗତ ଖଜୁରୀକଟାରେ କ୍ୟାପିଟାଲ ଟ୍ରଷ୍ଟ ନାମକ ଏକ ଘରୋଇ ସଂସ୍ଥାରେ ଗତ ତିନି ବର୍ଷ ଧରି କାମ କରି ଆସୁଥିଲେ ଅଜିତ । ସେ ବେଶ ଭଲ କାମ କରିବା ସହ ଅଫିସ ତରଫରୁ ଅନେକ ପୁରସ୍କାର ଓ ସମ୍ମାନ ମଧ୍ୟ ପାଇଛନ୍ତି । କିନ୍ତୁ ଗତ ୬ ମାସ ହେବ ତାଙ୍କ ଅଫିସକୁ ଜଣେ ନୂଆ ବ୍ରାଞ୍ଚ ମ୍ୟାନେଜର ଆସିଥିଲେ ।
ଯିଏକି ନିଜେ ମଦ୍ୟପାନ କରିବା ସହ ଷ୍ଟାଫମାନଙ୍କୁ ମଧ୍ୟ କମ କରିବା ପାଇଁ ମଦ ଦେଉଥିଲେ । ଏହାସହ କର୍ମଚାରୀ ମାନଙ୍କ ସହ ତାଙ୍କର ବ୍ୟବହାର ମଧ୍ୟ ଖୁବ କଠୋର ଥିଲା । ଏସବୁ କଥା ଅଜିତଙ୍କ ବାପା ଜାଣିବା ପରେ ପୁଅକୁ ଚାକିରି ଛାଡି ଘରକୁ ପଳେଇ ଆସିବାକୁ କହିଥିଲେ । ବାରମ୍ବାର କହିବା ପରେ ଅଜିତ ରିଜାଇନ ଦେଉଥିଲେ ମଧ୍ୟ ବ୍ରାଞ୍ଚ ମ୍ୟାନେଜର ତାହା ଗ୍ରହଣ କରୁ ନଥିଲେ । ଫଳରେ ଅଜିତ ଚାକିରି ଛାଡି ଆସି ପାରୁ ନଥିଲେ ।
ଗତ ଗଣେଶ ପୂଜା ଭସାଣି ବେଳେ ଅଜିତ ତାଙ୍କ ଘର ମୁକ୍ତାପୁରକୁ ଆସିଥିଲେ ଓ ପରେ ଢେଙ୍କାନାଳ ଫେରି ଯାଇଥିଲେ । ମୃତ୍ୟୁ ପୂର୍ବଦିନ ରାତିରେ ସେ ନିଜ ମାଆ ସହ ମଧ୍ୟ ଫୋନରେ କଥା ହୋଇଥିଲେ । କିନ୍ତୁ ସକାଳେ ପୁଅ ଆତ୍ମହତ୍ୟା କରିଥିବା ଖବର ପାଇଥିଲେ ଘରଲୋକେ । ହେଲେ ସେମାନେ ଯାଇ ଯେତେବେଳେ ଘଟଣାସ୍ଥଳରେ ପହଞ୍ଚିଥିଲେ ତାଙ୍କ ମନରେ ସନ୍ଦେହ ଉପୁଜିଥିଲା । କାରଣ ତାଙ୍କ ପୁଅର ମୃତଶରୀରକୁ ବାରଣ୍ଡାରେ ଶୁଆଇ ଦିଆଯାଇଥିଲା ଓ ତାଙ୍କ ବେକରେ ଦାଗ ଥିଲା ।
ଅଜିତ ଦଉଡି ଦେଇଥିବା ବେଳର କିଛି ପ୍ରମାଣ ମଧ୍ୟ ସେମାନେ ଦେଖାଇ ପାରି ନଥିଲେ । ତେଣୁ ଅଫିସର କିଛି କର୍ମଚାରୀ ଶାବଳରେ ଅଜିତଙ୍କୁ ମାଡି ବସି ହତ୍ୟା କରିଥିବା ଅଭିଯୋଗ କରୁଛନ୍ତି ତାଙ୍କର ପିତାମାତା । ଏନେଇ ଥାନାରେ ଯାଇ ଯେତେ ଗୁହାରି ହେଲେ ମଧ୍ୟ କେହି ନ ଶୁଣିବାରୁ ଶେଷରେ ସେମାନେ ସୁର ଭାଇଙ୍କ ପାଖକୁ ନ୍ୟାୟ ମାଗିବାକୁ ଆସିଛନ୍ତି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।