ଆଜିକାଲି ଏମିତି ସବୁ ଘଟଣା ଘଟୁଛି ଯାହା ସବୁ ସ୍ଥାନରେ ଚର୍ଚ୍ଚାର ବିଷୟ ପାଲଟିଛି, ଆପଣ ଏହି ସବୁ ଘଟଣା ବିଷୟରେ ଜାଣିଲେ ବୋଧେ ବିଶ୍ଵାସ କରିନପାରନ୍ତି, ହେଲେ ଏହା ସତ । ଏହି ପରି ଏକ ଘଟଣା ଘଟିଛି ଉତ୍ତର ପ୍ରଦେଶରେ । ଉତ୍ତର ପ୍ରଦେଶର ଇଟାବାରେ ଶିତରୁ ବଞ୍ଚିବା ପାଇଁ ଲଗାଇଥିଲେ ନିଆଁ, ହାତକୁ ନିଆଁରେ ସେକୁଥିବା ସମୟରେ ଏମିତି ଏକ ଘଟଣା ଘଟିଲା ଯାହାକୁ ଆପଣ ଜାଣିଲେ ଆଶ୍ଚର୍ଯ୍ୟ ହେବେ । ତେବେ ଆସନ୍ତୁ ଜାଣିବା ଏହି ଘଟଣା ବିଷୟରେ ।
ଏହି ଘଟଣାଟି ହେଉଛି ଫ୍ରେଣ୍ଡ୍ସ କଲୋନୀ ଥାନା କ୍ଷେତ୍ରର । ନିଆଁ ଲଗାଇବା ଫଳରେ ଏମିତି ଏକ ବିସ୍ପୋରଣ ହୋଇଥିଲା, ଯେଉଁଥିରେ ଯୁବକର ହାତ କଟି ଉଡି ଯାଇଥିଲା । ବହୁତ ଶୋଚନୀୟ ଅବସ୍ଥାରେ ଥିବା ଯୁବକକୁ ପୋଲିସ ହସ୍ପିଟାଲରେ ଭର୍ତ୍ତି କରାଇଥିଲା । ଏହି ଘଟଣାର ସୂଚନା ମିଳିବା ପରେ ଏସଏସପି , ଏସିପି ସିଟି, ସିଓ ସମେତ ଫରେନ୍ସିକ ଟିମ୍ ଘଟଣା ସ୍ଥଳରେ ପହଞ୍ଚିଥିଲା ଓ ଅନୁସନ୍ଧାନ ଆରମ୍ଭ କରିଥିଲା ।
ପ୍ରତକ୍ଷଦର୍ଶୀଙ୍କ ମତରେ, ମୂଲଚନ୍ଦ କୁଶବାହ ଙ୍କ ଖାଲି ପ୍ଲଟରେ ତାଙ୍କ ପୁଅ ଅରୁଣ କୁମାର ଶୀତରୁ ବଞ୍ଚିବା ପାଇଁ ଜାଳ ଜମା କରି ସେଠାରେ ନିଆଁ ଲଗାଇଥିଲା । ସେହି ଜାଳରେ ଏକ ପ୍ଲାଷ୍ଟିକର ବୋତଲ ମଧ୍ୟ ଥିଲା । ଯେଉଁଥିରେ ଧଳା ରଙ୍ଗର କିଛି ଦ୍ରବ୍ୟ ଥିଲା ।
ନିଆଁ ଜଳିବାର କିଛି ସମୟ ପରେ ହଠାତ ବିସ୍ପୋରଣ ହୋଇଥିଲା, ଯାହାଦ୍ୱାରା ଅରୁଣର ହାତ କଟି ଉଡିଯାଇଥିଲା । ଏହି ଘଟଣାର ସୂଚନା ମିଳିବା ପରେ ବରିଷ୍ଠ ପୋଲିସ ଅଧିକାରୀ ଆକାଶ ତୋମର ଘଟଣା ସ୍ଥଳରେ ପହଞ୍ଚିଥିଲେ ଓ ନିରକ୍ଷଣ କରିଥିଲେ । ଏହା ପରେ ସେଠାରେ ଉପସ୍ଥିତ ଥିବା ଲୋକମାନଙ୍କୁ ପଚରା ଉଚରା କରିବା ଦ୍ଵାରା ଘଟଣା ବିଷୟରେ ଜଣା ପଡିଥିଲା । ବର୍ତ୍ତମାନ ମଧ୍ୟ ପୋଲିସ ଏହାର ଯାଞ୍ଚ କରୁଛି ।