ଆଜି ଆମେ ଆପଣଙ୍କୁ ଏଭଳି ଏକ ବିଭତ୍ସ ଘଟଣା ବିଷୟରେ କହିବାକୁ ଯାଉଛି ଯାହା ଶୁଣିଲେ ଆପଣଙ୍କ ପାଦ ତଳୁ ହୁଏତ ମାଟି ଖସିଯିବ । ସ୍ଵାମୀ ନିଜେ ହାତ ଧରି ଆଣିଥିବା ସ୍ତ୍ରୀ ସହ ଯେ ଏମିତି କରିପାରେ କେହି କେବେ କଳ୍ପନା କରି ନଥିବେ । ପୁରା ଘଟଣାଟି ହେଉଛି, ଯୁବତୀଙ୍କୁ ପ୍ରେମ ଜାଲରେ ଫସେଇ ବିବାହ କରିଥିଲେ ବାଲେଶ୍ଵରର ଚନ୍ଦନ ରାଣା । ହେଲେ ଯୁବତୀ ଜଣକ ଜାଣି ନଥିଲେ କି ବରଣମାଳା ନୁହେଁ ବରଂ ମୃତ୍ୟୁର ଫାଶ ତାଙ୍କ ବେକରେ ପଡିଛି ବୋଲି ।
ଯୁବତୀଙ୍କ ବିଶ୍ବାସରେ ବିଷ ଦେବା ସହ ତାଙ୍କର ସର୍ବନାଶ ଉଦ୍ୟମ କରିଛନ୍ତି ଚନ୍ଦନ । ବାଲେଶ୍ଵର ଜିଲ୍ଲା ସହଦେବଖୁଣ୍ଟା ଥାନା ଭୀମପୁରା ଗାଁରୁ ସାମ୍ନାକୁ ଆସିଛି ଏଭଳି ହୃଦୟ ବିଦାରକ ଘଟଣା । ସୋମବାର ଦିନ ପ୍ରାୟ ସାଢେ 11ଟା ବେଳେ ଭୀମପୁରା ଗାଁରେ ଏକ ଭଡାଘରେ ରହୁଥିବା ବର୍ଷା ସିଂଙ୍କ ଘରକୁ ଆସିଥିଲେ ଅଭିଯୁକ୍ତ ଚନ୍ଦନ ରାଣା ଏବଂ ତାଙ୍କ ସହଯୋଗୀ । ଘରେ ବର୍ଷାଙ୍କ ସହ ତାଙ୍କର ସାନ ଭଉଣୀ ବନିତା ଓ ଦୁଇ ପୁଅ ଝିଅ ମଧ୍ୟ ଥିଲେ ।
ବନିତା ଓ ଚନ୍ଦନଙ୍କ ମଧ୍ୟରେ ଯୁକ୍ତିତର୍କ ପରେ ତାଙ୍କ ପରେ ଅତର୍କିତ ଏସିଡ ମାଡ କରିଥିଲା ଚନ୍ଦନ । ଖାଲି ସେତିକି ନୁହେଁ ବରଂ ପାଖରେ ଥିବା ଭଉଣୀ ବର୍ଷା ଓ ଦୁଇ ଛୁଆଙ୍କ ଉପରେ ମଧ୍ୟ ଏସିଡ ଛିଟିକି ପଡିବାରୁ ସେମାନେ ବି ଆହତ ହୋଇଥିଲେ । ଆହତ ହୋଇଥିବା ସମସ୍ତେ ଆର୍ତ୍ତ ଚିତ୍କାର କରୁଥିବା ବେଳେ ସେଠାରୁ ଫେରାର ହୋଇଥିଲା ଅଭିଯୁକ୍ତ ଚନ୍ଦନ ଓ ତା’ ସହଯୋଗୀ ।
ଉଭୟ ପରିବାରର ସହମତିରେ ଦେଢ ମାସ ତଳେ ଚନ୍ଦନଙ୍କ ସହ ବନିତାଙ୍କର ପ୍ରେମ ବିବାହ ହୋଇଥିଲା । କିନ୍ତୁ ଚନ୍ଦନ ପୂର୍ବରୁ ବିବାହିତ ହେବା ସହ ତାଙ୍କର ଦୁଇଟି ଛୁଆ ମଧ୍ୟ ଥିବା ଜାଣିବାକୁ ପାଇଥିଲେ ବନିତାଙ୍କ ପରିବାର । ଯାହାପରେ ବନିତା ନିଜ ବାପଘରକୁ ଚାଲି ଆସିଥିଲେ ଓ ନିଜ ବଡ ଭଉଣୀଙ୍କ ପାଖରେ ରହୁଥିଲେ । ଏହି କାରଣରୁ ଚନ୍ଦନ ପ୍ରତିଶୋଧ ନିଆଁରେ ଜଳୁଥିଲା ଓ ସୁଯୋଗ ଦେଖି ବନିତାଙ୍କ ପାଖକୁ ଆସି ତାଙ୍କୁ ଏସିଡ ମାଡ କରିଥିବା କୁହାଯାଉଛି ।
ବର୍ତ୍ତମାନ ସ୍ଥାନୀୟ ପୋଲିସ ଉକ୍ତ ଘଟଣାର ତଦନ୍ତ କରୁଛି । ଅନ୍ୟପଟେ ବନିତାଙ୍କ ଶରୀରର ପ୍ରାୟ 75 ପ୍ରତିଶତ ଜଳିଯାଇଛି ବୋଲି ଡାକ୍ତର କହୁଛନ୍ତି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।