ସାବିତ୍ରୀ ବ୍ରତ ପାଇଁ ମାର୍କେଟିଂ କରିବେ କହି ବଜାରକୁ ଗଲେ, କିନ୍ତୁ ସେଇଠୁ ଆଉ ଘରକୁ ନଫେରି କୁଆଡେ ଫେରରର ହୋଇଗଲେ ବୋହୂ । ସ୍ଵାମୀ କେରଳରେ ରହି କାମ ରହୁଥିବା ବେଳେ ଘରେ ତିନି ବର୍ଷର ପୁଅଟିଏ ଅଛି । କିନ୍ତୁ ସାବିତ୍ରୀ ପୂର୍ବଦିନରୁ ପୂଜା ସାମଗ୍ରୀ କିଣିବାକୁ ଯାଇ ବୋହୂ ଫେରାର ହୋଇ ଯାଇଛନ୍ତି । ସେଦିନ ସବୁ ନିତ୍ୟକର୍ମ ସାରି ଶାଶୁଙ୍କୁ କହିଲେ ପୁଅକୁ ଟିକେ ଦେଖୁଥିବେ ମୁଁ ବଜାର ଯାଇ ଆସୁଛି । କିନ୍ତୁ ବୋହୂ ଆଉ ଫେରିଲେନି । ଯାହାପରେ ଶାଶୁ ଯାଇ ଥାନାରେ ଏତଲା ଦେଇଛନ୍ତି ।
କିନ୍ତୁ ଶାଶୁଘର ଲୋକଙ୍କ ଅଭିଯୋଗ ପରେ ବୋହୂ ସଫେଇ ଦେବାକୁ ଏବେ ଥାନାକୁ ଫେରିଛନ୍ତି । ସେ କହିଛନ୍ତି କି ନିଜ ଇଚ୍ଛାରେ ଯାଇଛନ୍ତି ବୋଲି । ହେଲେ କୁଆଡେ ଓ କାହା ସାଙ୍ଗେ ଯାଇଛନ୍ତି ସେକଥା ଶାଶୁ ବି ଧରି ପାରୁନାହାନ୍ତି । କଣ ପାଇଁ ସାବିତ୍ରୀ ବ୍ରତ ଭଳି ଦିନରେ ସ୍ତ୍ରୀ ଘରୁ ପଳେଇ ଗଲେ ଓ କଣ ପାଇଁ ଫେରୁବାକୁ ଚାହୁଁ ନାହାନ୍ତି ଏଭଳି ପ୍ରଶ୍ନ ଏବେ ସମସ୍ତଙ୍କ ମନରେ । ପୁରୀ ଜିଲ୍ଲାର ବଙ୍ଗଳା ଥାନା ଅନ୍ତର୍ଗତ ବ୍ରହ୍ମଣଖଣ୍ଡି ଗ୍ରାମର ଶ୍ଵଶୁର ପ୍ରଭାକର ଥାନାରେ ଲିଖିତ ଅଭିଯୋଗ କରିଛନ୍ତି ।
ଅଭିଯୋଗ ଆଧାରରେ ପୋଲିସ ମାମଲା ରୁଜୁ କରି ତଦନ୍ତ ଆରମ୍ଭ କରିଥିବା ଜଣାପଡିଛି । ଗତ ଶନିବାର ଦିନ ୧୧ଟା ବେଳେ ପ୍ରଭାକରଙ୍କ ସାନ ବୋହୂ ଯମୁନା ବେହେରା ନିଜ ତିନି ବର୍ଷର ଶିଶୁପୁତ୍ରକୁ ଛାଡି ଅନ୍ୟ ଜାଆଙ୍କ ସହ ଏକ ଅଟୋରେ ବଙ୍ଗଳା ବଜାରକୁ ମାର୍କେଟିଂ ପାଇଁ ଯାଇଥିଲେ ।
ଜାଆମାନେ କିଣାକିଣି କରୁଥିବା ବେଳେ ଯମୁନା ମୋବାଇଲ ରିପାରିଙ୍ଗ ଦୋକାନକୁ ଯାଇଥିଲେ । ସମସ୍ତେ କାମ ସାରି ଅଟୋ ପାଖକୁ ଫେରି ଯାଇଥିଲେ । କିନ୍ତୁ ଯମୁନା ଆଉ ଫେରି ନଥିଲେ । ସେମାନେ ଆସି ଘରେ ଖବର ଦେବା ପରେ ଘରଲୋକ ଆସି ଯମୁନାଙ୍କୁ ବହୁ ସମୟ ଯାଏଁ ବଙ୍ଗଳା ବଜାରରେ ଖୋଜାଖୋଜି କରିବା ପରେ ବି ତାଙ୍କର ପତ୍ତା ମିଳି ନଥିଲା ।
ସମସ୍ତେ ତାଙ୍କୁ ଅନେକ ଖୋଜାଖୋଜି କରି ନିରାଶ ହେବା ପରେ ଶାଶୁ ଶ୍ଵଶୁର ଏବେ ଥାନାର ଦ୍ଵାରସ୍ଥ ହୋଇଛନ୍ତି । ପୋଲିସ ତଦନ୍ତ ଆରମ୍ଭ କରିବା ପରେ ଫେରାର ହୋଇଥିବା ବୋହୂ ଥାନାକୁ ଆସି ନିଜ ଇଚ୍ଛାରେ ଘରୁ ଯାଇଥିବା କଥା କହିଛନ୍ତି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।