ଓଡିଆ ସିନେମା ଜଗତର “ମୁଭି ମୋଗଲ” ତଥା ବ୍ରଜରାଜ ମୁଭିଜ୍ ପ୍ରଡ଼କ୍ସନ ହାଉସର ପ୍ରତିଷ୍ଠାତା ବସନ୍ତ ନାୟକ ଆଜି ଆମ ଗହଣରେ ନଥିଲେ ମଧ୍ୟ ଓଡିଆ ଫିଲ୍ମ ଜଗତ ପ୍ରତି ତାଙ୍କ ଅବଦାନ ଚିର ସ୍ମରଣୀୟ । ଗତକାଲି ବେଶ ଧୁମଧାମରେ ପାଳିତ ହୋଇଛି ବସନ୍ତ ନାୟକଙ୍କ 86ତମ ଜନ୍ମ ଜୟନ୍ତୀ । ଫିଲ୍ମ ପ୍ରଯୋଜକ ଟୁଟୁ ନାୟକ ତଥା ପରିବାର ବସନ୍ତ ନାୟକଙ୍କ ଜନ୍ମ ଜୟନ୍ତୀରେ ଏକ ଭବ୍ୟ ଇଭେଣ୍ଟ ର ଆୟୋଜନ କରିଥିଲେ । ଏହି କାର୍ଯ୍ୟକ୍ରମରେ ଓଲିଉଡ ଜଗତର ସମସ୍ତ ସୁପରିଚିତ ଓ ଲୋକରୀୟ କଳାକାରମାନେ ଯୋଗ ଦେଇଥିଲେ ।
ସୁପରଷ୍ଟାର ଅନୁଭବ ମହାନ୍ତି ମଧ୍ୟ ଏହି କାର୍ଯ୍ୟକ୍ରମରେ ଯୋଗ ଦେଇଥିଲେ । ଅନୁଭବ ଓଲିଉଡ ଜଗତରେ ପାଖାପାଖି ଦୁଇ ଦଶନ୍ଧି ଧରି ଜଡିତ ଅଛନ୍ତି । ମଡେଲିଙ୍ଗ ଓ ଆଲବମରୁ ସେ ଓଲିଉଡରେ ପ୍ରବେଶ କରିଥିଲେ । ବସନ୍ତ ନାୟକ ତାଙ୍କୁ ପ୍ରଥମେ ଫିଲ୍ମରେ ସୁଯୋଗ ଦେଇଥିଲେ । 11 ଜାନୁୟାରୀ 2004 ରେ ତାଙ୍କର ପ୍ରଥମ ଫିଲ୍ମ “ଆଇ ଲଭ ୟୁ” ରିଲିଜ ହୋଇଥିଲା । ସେତେବେଳେ ଅନୁଭବ ବହୁତ ପତଳା ଥିଲେ ଏବଂ ବୟସ ବି ବହୁତ କମ୍ ଥିଲା ।
ତେଣୁ ସମସ୍ତେ କହୁଥିଲେ ଠାକରା ଗାଲିଆ ଟା’ ଇଏ କଣ ହିରୋ ହେବ । ହେଲେ ବସନ୍ତ ନାୟକ ତାଙ୍କ ଉପରେ ଭରସା କରିଥିଲେ । ଦିଳ୍ମ ରିଲିଜ ହେବା ପୂର୍ବରୁ ଅନୁଭବ ବହୁତ ଚିନ୍ତିତ ରହୁଥିଲେ । ଏମିତି ରାତିରାତି ଧରି ତାଙ୍କୁ ନିଦ ହେଉ ନଥିବା ସେ ପ୍ରକାଶ କରିଛନ୍ତି । ଯେଉଁ ଦିନ ଫିଲ୍ମଟି ରିଲିଜ ହେଲା ସେଦିନ ସକାଳୁ ସେ ରେଡି ହୋଇ ଘରେ ଗୁରୁଜନ ମାନଙ୍କ ଆଶୀର୍ବାଦ ନେଇ ମନ୍ଦିରରେ ମା’ଙ୍କ ଦର୍ଶନ କରି ବସନ୍ତ ନାୟକଙ୍କ ପାଖରେ ପହଞ୍ଚିଥିଲେ ଓ ତାଙ୍କ ପାଦଧୂଳି ଗ୍ରହଣ କରିଥିଲେ ।
ଏତିକି ବେଳେ ଅନୁଭବଙ୍କୁ ଦେଖି ବସନ୍ତ ନାୟକ ଜାଣି ପଡ଼ିଥିଲେ କି ଅନୁଭବ ନର୍ଭସ ହେଉଛନ୍ତି । ତେଣୁ ସେ କହିଥିଲେ କି, ନର୍ଭସ ହଅନା । ତୋ ଫିଲ୍ମ ବହୁତ ଭଲ ହେବ ଆଉ ସୁପରହିଟ୍ । ସମସ୍ତେ ଭଲପାଇବେ । ତାଙ୍କର ଏତିକି ପଦକ କଥା ଅନୁଭବଙ୍କୁ ଆଶ୍ଵାସନା ଦେଇଥିଲା । ଆଉ ସତକୁ ସତ ଫିଲ୍ମଟିକୁ ଦର୍ଶକ ଏତେ ଭଲ ପାଇଥିଲେ ଯେ ଆଜି ବି ଲୋକେ ମନେ ରଖିଛନ୍ତି । ବସନ୍ତ ନାୟକ ଏମିତି କଳାକାରଙ୍କୁ ଫିଲ୍ମ ଦୁନିଆକୁ ଆଣିଛନ୍ତି ଓ ଗଢିଛନ୍ତି ।
ଏମିତି ଅନେକ ପୁରୁଣା ସ୍ମୃତି ଅନୁଭବ ଗଣମାଧ୍ୟମରେ ଶେୟାର କରିଛନ୍ତି, ଯାହା ଶୁଣିଲେ ଆପଣଙ୍କୁ ବି ବିଗତ ଦିନର ଅନେକ କଥା ମନେ ପଡିଯିବ । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।