ମଧ୍ୟ ପ୍ରଦେଶର କ୍ରିକେଟର ରବି ଯାଦବ ଚମତ୍କାର ବୋଲିଂ କରି ନିଜ ନାମରେ ଏକ ନୂଆ ରେକର୍ଡ ସୃଷ୍ଟି କରିଛନ୍ତି । ଗତ ସୋମବାର ଦିନ ରବି ଫର୍ଷ୍ଟ କ୍ଲାସ କ୍ରିକେଟରେ ଡେବ୍ୟୁ କରି ନିଜ କ୍ୟାରିୟରର ପ୍ରଥମ ହାଟ୍ରିକକୁ ପ୍ରଥମ ଓଭରରେ କରିଛନ୍ତି । ରଞ୍ଜୀ ଟ୍ରୋଫିରେ ୨୮ ବର୍ଷର ରବି ଯାଦବ ଏହି କାରନାମା ଉତ୍ତର ପ୍ରଦେଶ ବିପକ୍ଷରେ କରିଛନ୍ତି ।
ଇନ୍ଦୋରର ହୋଲ୍କର କ୍ରିକେଟ ଷ୍ଟାଡିୟମରେ ରବି ତାଙ୍କର ଏହି କାରନାମା ଦେଖାଇଛନ୍ତି । ରବି ଉତ୍ତର ପ୍ରଦେଶର ବାସିନ୍ଧା ଅଟନ୍ତି । ରବିଙ୍କ କ୍ରିକେଟ କ୍ୟାରିୟର ଆଘାତ କାରଣରୁ ବହୁତ ଉତ୍ଥାନ ପତ୍ତନ ର ସାମ୍ନା କରିଛି । ସେଥିପାଇଁ ସେ ରଣଜୀ ଟ୍ରୋଫିରେ ୨୮ ବର୍ଷରେ ଡେବ୍ୟୁ କରିଛନ୍ତି ।
ମ୍ୟାଚର ପ୍ରଥମ ଓଭରରେ ରବି ବୋଲିଂ କରି ଆର୍ୟନ ଜୁୟାଲ, ଅଙ୍କିତ ରାଜପୁତ ଓ ସମୀର ରିଜବୀଙ୍କୁ ରବି ଯାଦବ ନିଜର ଶିକାର ବନେଇଥିଲେ ଓ ଲଗାତାର ତିନୋଟି ବଲରେ ଆଉଟ କରିଥିଲେ ।
ICYMI: A hat-trick to remember! 👏👏👏
First First-Class Match ✅
First Over ✅
First Hat-trick ✅Watch Madhya Pradesh’s Ravi Yadav’s special hat-trick against Uttar Pradesh
Follow the #MPvUP game live 👇👇 https://t.co/VOeMfWfYhd#RanjiTrophy @paytm pic.twitter.com/i6dTGJtMhk
— BCCI Domestic (@BCCIdomestic) January 28, 2020
ରବିଙ୍କର ଏହି ଚମତ୍କାର ବୋଲିଂକୁ ବିସିସିଆଇ ସୋସିଆଲ ମିଡିଆରେ ସେୟାର କରିଥିଲେ । ପ୍ରଥମେ ରବି, ଯୁୟାଲଙ୍କୁ ୱିକେଟ କିପର ହାତରେ କ୍ୟାଚ ଧରାଇ ଆଉଟ କଲେ ଓ ଏହା ପରେ ଅନ୍ୟ ଦୁଇ ବଲରେ ସେ ଅଙ୍କିତ ରାଜପୁତ ଓ ସମୀର ରିଜବୀଙ୍କୁ ଆଉଟ କରିଥିଲେ ।
ଏହି ମ୍ୟାଚରେ ୬୧ ରନ ଦେଇ ରବି ୫ ୱିକେଟ ନେଇଥିଲେ । ଏହିପରି ପଦର୍ଶନ କରି ରବି ଏକ ନୂଆ ଇତିହାସ କରିଛନ୍ତି ଓ ତାଙ୍କର ଏହି ପଦର୍ଶନ ପାଇଁ ଲୋକମାନେ ତାଙ୍କର ବହୁତ ପ୍ରଶଂସା କରୁଛନ୍ତି ।