ପୁନେ : ରାସ୍ତା ଉପରେ ଗୁଟୁକା ଛେପ ପକାଉଥିବା ବ୍ୟକ୍ତିଙ୍କୁ କରିବାକୁ ପଡିଲା ଏମିତି କାମ, ଦେଖନ୍ତୁ

ଅନ୍ୟମାନଙ୍କୁ ପଢିବାର ସୁଯୋଗ ଦିଅନ୍ତୁ

ଆପଣମାନେ ଯଦି ଗୁଟୁକା ଖାଇ ଯେଉଁଠି ନାହିଁ ସେଠି ଛେପ ପକାଇ ଦେଉଛନ୍ତି, ତେବେ ପୁନେ ରେ ଆପଣମାନଙ୍କୁ ଏହି ଅଭ୍ୟାସକୁ ବଦଳାଇବାକୁ ପଡିବ । କାରଣ ଏଠି ସାର୍ବଜନୀକ ସ୍ଥାନରେ ଛେପ ପକାଇଲେ ୧୦୦ ଟଙ୍କା ଫାଇନ ଦେବାକୁ ପଡିଥାଏ । ଏହା ଛଡା ଏହି ଅଭ୍ୟାସକୁ ଛାଡିବା ପାଇଁ ବିବବେୱାଡୀ ଅଞ୍ଚଳରେ ନଗର ନିଗମର ଅଧିକାରୀମାନେ ଛେପ ପକାଉଥିବା ଲୋକମାନଙ୍କ ଦ୍ଵାରା ହିଁ ସେହି ଛେପକୁ ସଫା କରାଉଛନ୍ତି ।

ଏହା ଦ୍ଵାରା ଲୋକମାନେ ଶିଖିବେ ଅନୁଶାସନ

ବିବବେୱାଡୀର ୱାର୍ଡ ଅଧିକାରୀ ଅବିନାଶ ଶାକପାଳ ଙ୍କ ନେତୃତ୍ୱରେ ଏହି ଅଭିଯାନ ଆରମ୍ଭ କରାଯାଇଛି, ଯାହାର ଲକ୍ଷ୍ୟ ସ୍ଵଚ୍ଛତା ବିଷୟରେ ସମସ୍ତଙ୍କୁ ଜାଗୃତ କରାଇବା ଏବଂ ଲୋକମାନଙ୍କୁ ଅନୁଶାସନ ଶିଖାଇବା ଅଟେ । ଅଭିଯାନର ପ୍ରଥମ ଦିନରେ ହିଁ ଅଧିକାରୀମାନେ ସାର୍ବଜନିକ ସ୍ଥାନରେ ଛେପ ପକାଉଥିବା ୨୫ ଜଣ ବ୍ୟକ୍ତିଙ୍କୁ ଦଣ୍ଡିତ କରିଛନ୍ତି ।

କେଉଁଠି ବି ଛେପ ପକାଇବା ପୂର୍ବରୁ ଦୁଇ ଥର ଚିନ୍ତା କରନ୍ତୁ

ସାକପାଳ କହିଛନ୍ତି କି ଯେଉଁ ଲୋକମାନେ କେଉଁଠି ବି ପାନ – ମସଲା ଖାଇ ଛେପ ପକାଇ ଦିଅନ୍ତି, ଆମେ ତାଙ୍କର ଏହି ଅଭ୍ୟାସକୁ ସୁଧାରିବାକୁ ଚାହୁଁଛୁ । ଆମେ ଜାଣିଛୁ କି ଏହା ସବୁଠୁ କଠୋର ଦଣ୍ଡ ଅଟେ, କିନ୍ତୁ ଏହା ଦ୍ଵାରା ଭବିଷ୍ୟତରେ ସାର୍ବଜନିକ ସ୍ଥାନରେ ଯିଏ ବି ଗୁଟୁକା କିମ୍ବା ତମ୍ବାକୁର ପିଚକାରୀ ମାରିବ, ତା ପୂର୍ବରୁ ଦୁଇ ଥର ଚିନ୍ତା କରିବ ।

୪୧ ଅଧିକାରୀ ରଖୁଛନ୍ତି ନଜର

ସାର୍ବଜନିକ ସ୍ଥାନରେ ଯେମିତି କୌଣସି ବ୍ୟକ୍ତି ଛେପ ନ ପକାଇବେ, ସେଥିପାଇଁ ୪୧ଜଣ ଅଧିକାରୀ ସବୁଦିନ ରାସ୍ତା ଉପରେ ନଜର ରଖୁଛନ୍ତି । ଏହା ସହିତ ସେ ନିଜର ଆଖପାଖ ସଫା ରଖିବା ପାଇଁ ମଧ୍ୟ ଲୋକମାନଙ୍କୁ ଜାଗୃତ କରୁଛନ୍ତି । ଅଧିକାରୀଙ୍କର ଉଦ୍ଦେଶ୍ୟ ପୁନେକୁ ଏକଦମ ସଫା ରଖିବା । ପୁନେ ର କିଛି ଅଞ୍ଚଳରେ ଲୋକମାନଙ୍କୁ ଏମିତି ଦଣ୍ଡ ଦିଆ ଯାଉଛି କି ଯାହା ଦ୍ଵାରା ସେମାନେ ପୁଣି ଥରେ ରାସ୍ତାରେ କୌଣସି ପ୍ରକାର ଆବର୍ଜନା ପକାଇବା ପାଇଁ ଡରିବେ ।


ଅନ୍ୟମାନଙ୍କୁ ପଢିବାର ସୁଯୋଗ ଦିଅନ୍ତୁ

Reply