ନ୍ୟୁଜିଲାଣ୍ଡ ସହ ଦିନିକିଆ ସିରିଜରେ ଭାରତର ପରାଜୟ ହୋଇଛି ସତ କିନ୍ତୁ ଟିମ୍ ଇଣ୍ଡିଆକୁ ମିଳିଛି 4 ସୁପରଷ୍ଟାର । ଏମିତି 4ଜଣ ଖେଳାଳି ଟିମ୍ ଇଣ୍ଡିଆକୁ ମିଳିଛି ଯେଉଁମାନେ ଆଗକୁ ଭାରତ ପାଇଁ ଦିନିକିଆ ବିଶ୍ଵକପରେ ଭଲ ପ୍ରଦର୍ଶନ କରିପାରିବେ । ଚାଲନ୍ତୁ ଦେଖିବା କେଉଁମାନେ ସେହି 4 ଷ୍ଟାର । ଶ୍ରେୟସ ଆୟର ଗତ ଦିନିକିଆ ସିରିଜରେ ବେଶ ଗଜବ ବ୍ୟାଟିଂ କରିଛନ୍ତି । 3ଟି ମ୍ଯାଚ ଖେଳି 64.50 ଆଭରେଜ ଓ 95.55 ଷ୍ଟ୍ରାଇକ ରେଟ ସହ 129 ରନ୍ ବନେଇଛନ୍ତି ଶ୍ରେୟସ ।
ଟିମ୍ ଇଣ୍ଡିଆକୁ ଯେତେବେଳେ ମଧ୍ୟ ରନ୍ ର ଆବଶ୍ୟକତା ପଡିଛି ଶ୍ରେୟସ ଆୟର ଲଗାତାର ରନ୍ ବନାଉଥିବା ଦେଖିବାକୁ ମିଳିଛି । ସେହିଭଳି ଓପନର ଶୁଭମାନ ଗିଲ୍ ମଧ୍ୟ ଲଗାତାର ଶାନଦାର ପ୍ରଦର୍ଶନ କରି ଆସିଛନ୍ତି । ତୃତୀୟ ମ୍ଯାଚରେ ଭଲ ପ୍ରଦର୍ଶନ କରିପାରି ନଥିଲେ ମଧ୍ୟ ପୂର୍ବ ଦୁଇଟି ମ୍ଯାଚରେ ବେଶ ପ୍ରଦର୍ଶନ କରିଛନ୍ତି । ଶୁଭମାନଙ୍କୁ ଦିନିକିଆ ବିଶ୍ଵକପରେ ସ୍ଥାନ ମିଳୁ କି ନମିଳୁ, କିନ୍ତୁ ସେ ବିଶ୍ଵକପ ପାଇଁ ନିଜକୁ ଯୋଗ୍ୟ ପ୍ରଦର୍ଶିତ କରିଛନ୍ତି ।
ଶୁଭମାନ ମଧ୍ୟ 3ଟି ମ୍ଯାଚରେ 54.00 ଆଭରେଜ ଓ 83.72 ଷ୍ଟ୍ରାଇକ ରେଟ ସହ 108 ରନ୍ ବନେଇଛନ୍ତି । ଆଗକୁ ସୁଯୋଗ ମିଳିଲେ ସେ ଷ୍ଟ୍ରାଇକ ରେଟ ମଧ୍ୟ ଭଲ କରିପାରିବେ । ତୃତୀୟ ଷ୍ଟାର ହେଉଛନ୍ତି ୱାଶିଂଟନ ସୁନ୍ଦରଙ୍କ ରୂପରେ ଟିମ୍ କୁ ଜଣେ ଭଲ ଅଲରାଉଣ୍ଡର ମିଳିଛି । ସୁନ୍ଦରଙ୍କୁ ଅଫସ୍ପିନର ଭାବେ ଦଳରେ ସ୍ଥାନ ମିଳିଥିଲେ ମଧ୍ୟ ସେ ଦରକାର ବେଳେ ଭଲ ବ୍ୟାଟିଂ ମଧ୍ୟ କରିନିଅନ୍ତି । ଆଉ ଏହି ସିରିଜରେ ୱାଶିଂଟନ ବୋଲିଂ ଠୁ ଅଧିକ ବ୍ୟାଟିଂରେ ଭଲ ପ୍ରଦର୍ଶନ କରିଛନ୍ତି ।
ସୁନ୍ଦର 3ଟି ମ୍ଯାଚରେ 88.00 ଆଭରେଜ ଓ 110.00 ଷ୍ଟ୍ରାଇକ ରେଟ ସହ 88 ରନ୍ ସ୍କୋର କରିଛନ୍ତି । ସବୁଠୁ ଖାସ କଥା ହେଉଛି ସୁନ୍ଦରଙ୍କ ଷ୍ଟ୍ରାଇକ ରେଟ । ପ୍ରଥମ ମ୍ୟାଚରେ ଟିମ୍ ଇଣ୍ଡିଆର ସବୁ ବୋଲର ମାଡ ଖାଇଥିବା ବେଳେ ସୁନ୍ଦର ହିଁ ଏକା 10 ଓଭରରେ ମାତ୍ର 42 ରନ୍ ଦେଇଥିଲେ । ସେହିଭଳି ଟିମ୍ ଇଣ୍ଡିଆର ଏହି ନୂଆ ବୋଲର ଉମରାନ ମଲିକ ଯିଏକି ନ୍ୟୁଜିଲାଣ୍ଡକୁ ଚିନ୍ତାରେ ପକାଇ ଦେଇଥିଲେ । ପ୍ରଥମ ମ୍ଯାଚରେ ଲଗାତାର 2ଟି ୱିକେଟ ନେଇ ନ୍ୟୁଜିଲାଣ୍ଡକୁ ଦୁର୍ବଳ କରି ଦେଇଥିଲେ ।
ସେହିପରି ତୃତୀୟ ମ୍ଯାଚରେ ମଧ୍ୟ ଉମରାନ ଏକମାତ୍ର ୱିକେଟ ନିଜ ନାଁରେ ନେଇଥିଲେ । ଉମରାନ ମଲିକଙ୍କ ରୂପରେ ଭାରତକୁ ଜଣେ ଭଲ ବୋଲର ମଧ୍ୟ ମିଳିସାରିଛି । ଆଗକୁ ସିଲେକ୍ସନ ଟିମ୍ ଉପରେ ସବୁ ନିର୍ଭର କରେ । ଦେଖାଯାଉ ଏହି ସୁପରଷ୍ଟାରଙ୍କୁ ଦିନିକିଆ ବିଶ୍ଵକପ ପାଇଁ ସୁଯୋଗ ମିଳୁଛି କି ନାହିଁ । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।