କଟକ ଲିଙ୍କରୋଡ ଟ୍ରାଫିକ ଛକରେ ଏପରି ଏକ ଘଟଣା ଘଟିଛି ଯାହା ଦେଖାଣାହାରୀଙ୍କୁ ଚକିତ କରି ରଖି ଦେଇଥିଲା । ହେଲେ ଉଚିତ ସମୟରେ ଉଚିତ ପଦକ୍ଷେପ ନେଇଥିଲେ ଟ୍ରାଫିକ ପୋଲିସ ଜଣକ । ଯେଉଁଥି ପାଇଁ ତାଙ୍କୁ ଯେତେ ଧନ୍ୟବାଦ ଦେଲେ ମଧ୍ୟ କମ୍ ହେବ । ଗତକାଲି ଦିନ ପ୍ରାୟ 1ଟାରୁ 2ଟା ହେବ ଏଭଳି କିଛି ଲିଙ୍କରୋଡ ଛକ ଉପରେ ଦେଖିବାକୁ ମିଳିଥିଲା । ଜଣେ ମହିଳା ଲିଙ୍କରୋଡ ଓଭରବ୍ରିଜ ଉପରେ ହଠାତ ଆସି ଛିଡା ହୋଇ ଯାଇଥିଲେ ଏବଂ ତଳକୁ ଡେଇଁ ପଡିବାକୁ ଉଦ୍ୟମ କରୁଥିଲେ ।
ତାଙ୍କ ପାଖରେ ଗୋତ୍ଯିଏ ଛୋଟ ପିଲାଟିଏ ଠିଆ ହୋଇ କାନ୍ଦୁଥିଲା । ସେହି ବାଟ ଦେଇ ଯାତାୟାତ କରୁଥିବା ସମସ୍ତଙ୍କ ନଜର ସେହି ମହିଳାଙ୍କ ଉପରେ ପଡୁଥିଲା । ହେଲେ ଅନେକ ଲୋକ ଦେଖି ଦେଇ ଚାଲି ଯାଉଥିଲେ । କିନ୍ତୁ ଅନେକ ଲୋକ ତାଙ୍କୁ କିପରି ବଞ୍ଚାଯାଇ ପାରିବ ତା’ ଉପରେ ନଜର ମଧ୍ୟ ରଖିଥିଲେ । ଏତିକିବେଳେ ଦୂତ ସାଜି ଆସିଥିଲେ ଟ୍ରାଫିକ କନେଷ୍ଟବଳ ତପନ ଦାସ । ସେ ନିଜ ଉପସ୍ଥିତି ବୁଦ୍ଧି ଖର୍ଚ୍ଚ କରି ଉପରକୁ ଯାଇଥିଲେ ଉକ୍ତ ମହିଳାଙ୍କ ଜୀବନ ବଞ୍ଚାଇବାରେ ସଫଳ ହେଲେ ।
ଏଥିରେ କିଛି ସ୍ଥାନୀୟ ଲୋକେ ମଧ୍ୟ ତାଙ୍କର ସହାୟତା କରିଥିଲେ । ଟ୍ରାଫିକ ଭାଇଜଣକ ଡ୍ଯୁଟିରେ ଥିବାବେଳେ ଲୋକେ ହୋହଲ୍ଲା ହେଉଥିବା ଦେଖିଲେ । ଏହାପରେ ଜାଣିବାକୁ ପାଇଲେ ଯେ ଓଭରବ୍ରିଜ ଉପରେ ଠିଆ ହୋଇ ଜଣେ ମହିଳା ତଳକୁ ଡେଇଁ ପଡିବାକୁ ଚେଷ୍ଟା କରୁଛନ୍ତି ।
ଏହା ଦେଖି ତପନ ଚିନ୍ତା କରିଥିଲେ କେମିତି ଶୀଘ୍ର ଯାଇ ସେ ମହିଳାଙ୍କ ପାଖରେ ପହଞ୍ଚିବେ ଆଉ ତାଙ୍କ ଜୀବନ ବଞ୍ଚାଇବେ । ତପନ ଲୋକଙ୍କ ସହାୟତା ନେଇ ଶୀଘ୍ର ବ୍ରିଜ ଉପରକୁ ଯାଇଥିଲେ ଏବଂ ମହିଳାଙ୍କୁ ଉଦ୍ଧାର କରି ଆଣି ମଧୁପାଟଣା ଥାନାରେ ହସ୍ତାନ୍ତର କରିଥିଲେ । ତେବେ ମହିଳାଙ୍କ ସହ କିଛି କଥାବାର୍ତ୍ତାରୁ ଜଣାପଡିଛି କି ପାରିବାରିକ ସମସ୍ଯା ଯୋଗୁଁ ସେ ଏଭଳି ଆତ୍ମହତ୍ୟା ଉଦ୍ୟମ କରିଥିଲେ । ଟ୍ରାଫିକ କନେଷ୍ଟବଳ ତପନ ଦାସଙ୍କ ଏଭଳି ମହାନ କାର୍ଯ୍ୟ ଯୋଗୁଁ ଆଜି ତାଙ୍କୁ ସମସ୍ତେ ପ୍ରଶଂସା କରୁଛନ୍ତି ।
ଏନେଇ ତପନ କହିଛନ୍ତି କି, ପ୍ରଥମେ ଜଣେ ମଣିଷ ହିସାବରେ ସେ ନିଜ କର୍ତ୍ତବ୍ୟ କରିଛନ୍ତି ଓ ଲୋକଙ୍କୁ ସାହାଯ୍ୟ କରିବା ହିଁ ତାଙ୍କୁ ପ୍ରକୃତ ସନ୍ତୋଷ ଦିଏ । ଯାହା ହେଉ ତପନଙ୍କ ଉପସ୍ଥିତ ବୁଦ୍ଧି, ସାହାସ ଓ ମାନବିକତା ହେତୁ ମହିଳାଙ୍କ ଜୀବନ ବଞ୍ଚିଗଲା । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।