ମେଡିକାଲ ବେଡ୍ ହେଲା ମଣ୍ଡପ ଆଉ କନିଆଁକୁ ବାହା ହେବା ପାଇଁ ମେଡିକାଲରେ ଯାଇ ପହଞ୍ଚିଲେ ବରଯାତ୍ରୀ । ଡାକ୍ତରଖାନା ଭିତରେ ପୁରୋହିତ ମନ୍ତ୍ର ପଢିଲେ ଓ ଚିକିତ୍ସିତ ହେଉଥିବା କନିଆଁଙ୍କୁ ବିବାହ କରିଲା ବର । ବଡ ବଡ ହୋଟେଲ, ମଣ୍ଡପ ଆଦିରେ ବିବାହ କରିବା କଥା ଆପଣ ଶୁଣିଥିବେ । କିନ୍ତୁ ଯଦି କେହି ବରଯାତ୍ରୀ ନେଇ ଡାକ୍ତରଖାନାକୁ ବିବାହ କରିବାକୁ ଯାଏ ଏକଥା ଶୁଣିଲେ ଆପଣ ହସିବେ । ହେଲେ ଏଭଳି ଏକ ଘଟଣା ସାମ୍ନାକୁ ଆସିଛି ମଧ୍ୟପ୍ରଦେଶର ଖଣ୍ଡୁଆଲର ଏକ ଘରୋଇ ଡାକ୍ତରଖାନାରୁ ।
ସେଠାରେ ବିବାହ କରିବାକୁ ଆସିଥିବା ବରଯାତ୍ରୀ କନିଆଁଙ୍କ ଘର କିମ୍ବା ହୋଟେଲକୁ ନୁହେଁ ଡାକ୍ତରଖାନାକୁ ଆସିଥିବା ଦେଖିବାକୁ ମିଳିଛି । କନିଆଁଙ୍କ ଦୁର୍ଘଟଣା ପରେ ସେ ଡାକ୍ତରଖାନାରେ ଭର୍ତ୍ତି ହୋଇଥିଲେ । ହେଲେ ବି ବାହାଘର ଅଧିକ ଦିନ ନ ଘୁଞ୍ଚାଇ ଠିକ ସମୟରେ ହିଁ ଡାକ୍ତରଖାନାକୁ ଯାଇ ତାଙ୍କୁ ବିବାହ କରିଛନ୍ତି ବର । ଏଥିପାଇଁ ଡାକ୍ତରଖାନା ଶଯ୍ୟାରେ ଏକ ମଣ୍ଡପ ସଜା ଯାଇଥିଲା ଓ ପୁରୋହିତଙ୍କୁ ମଧ୍ୟ ଅଣା ଯାଇଥିଲା ।
ପୁରୋହିତ ମନ୍ତ୍ର ପାଠ କରିବା ସହ ଉଭୟଙ୍କ ବିବାହ ସମ୍ପନ୍ନ ହୋଇଥିଲା । ମହା ଶିବରାତ୍ରି ଦିନ ହୋଇଥିବା ଏହି ବିବାହକୁ ନେଇ ଏବେ ଚର୍ଚ୍ଚା ଜୋର ଧରିଛି । କାରଣ ସାଧାରଣ ବିବାହ ଠାରୁ ଏହି ବିବାହ ସଂପୂର୍ଣ୍ଣ ଭିନ୍ନ ଥିଲା । ଏହି ବିବାହର ଫଟୋ ସବୁ ଏବେ ସୋସିଆଲ ମିଡିଆରେ ବେଶ ଜୋରରଏ ଭାଇରାଲ ହେବାରେ ଲାଗିଛି । ଗତ ଫେବୃୟାରୀ 16 ତାରିଖରେ କନିଆଁ ଶିବାନୀଙ୍କ ବିବାହ ଠିକ ହୋଇଥିଲା ଓ ବିବାହ ପୂର୍ବରୁ ସେ ମାମୁଁଙ୍କ ଘରକୁ ଯାଇଥିଲେ ।
ହେଲେ ସେଠାରେ ବିବାହର ତିନିଦିନ ପୂର୍ବରୁ ଏକ ଭୟଙ୍କର ଦୁର୍ଘଟଣାର ସମୁଖୀନ ହୋଇଥିଲେ ଶିବାନୀ । ଫଳରେ ତାଙ୍କ ଡାହାଣ ହାତ ଓ ଗୋଡ ଭାଙ୍ଗି ଯାଇଥିଲା । ତେଣୁ ଚିକିତ୍ସା ପାଇଁ ତାଙ୍କୁ ଡାକ୍ତରଖାନାରେ ଭର୍ତ୍ତି କରା ଯାଇଥିଲା । 16 ତାରିଖ ଦିନ ଏହି ବିବାହ ସମ୍ପନ୍ନ ହୋଇ ପାରି ନଥିବା ବେଳେ ଉଜ୍ଜୟିନୀ ନିବାସୀ ବର ରାଜେନ୍ଦ୍ର ଗତ ଶିବରାତ୍ରି ଦିନ ବରଯାତ୍ରୀ ନେଇ ଶିବାନୀ ଆଡମିଟ ଥିବା ଡାକ୍ତରଖାନାରେ ପହଞ୍ଚିଥିଲେ । ସେଠାରେ ସେ ସଂପୂର୍ଣ୍ଣ ରୀତିନୀତିରେ ଶିବାନୀଙ୍କୁ ବିବାହ କରିଥିଲେ ।
ଏଥିରେ ହସ୍ପିଟାଲର କର୍ମଚାରୀଙ୍କ ସମେତ ଅଳ୍ପ ଅତିଥି ମଧ୍ୟ ଯୋଗ ଦେଇଥିଲେ । ଏହି ବିବାହ ପାଇଁ ଏବେ ବର ରାଜେନ୍ଦ୍ର ସବୁଆଡେ ପ୍ରଶଂସାର ପାତ୍ର ପାଲଟିଛନ୍ତି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।