ଏଥର ରଜରେ ରିଲିଜ ହେବାକୁ ଯାଉଛି ମେଗାଷ୍ଟାର ଅନୁଭବ ମହାନ୍ତିଙ୍କ ବହୁ ପ୍ରତିକ୍ଷିତ ଫିଲ୍ମ “ଲଭ ଇନ ଲଣ୍ଡନ” । ଯାହାକୁ ନେଇ ଅନୁଭବ ଯେତିକି ଖୁସି ଓ ଉତ୍ସାହିତ ଅଛନ୍ତି ସେତିକି ନର୍ଭସ୍ ମଧ୍ୟ ଅଛନ୍ତି । କାରଣ ଦୀର୍ଘ 6 ବର୍ଷ ପରେ ପୁଣି ଥରେ ରଜରେ ତାଙ୍କ ଫିଲ୍ମ ରିଲିଜ ହେବାକୁ ଯାଉଛି । ଆଉ ଗତକାଲି ଫିଲ୍ମର ମ୍ୟୁଜିକ ରିଲିଜ ହୋଇଛି । ଏଥିପାଇଁ ଏକ ସଭାର ଆୟୋଜନ କରାଯାଇ ଫିଲ୍ମର ମ୍ୟୁଜିକ ରିଲିଜ କରାଯାଇଛି । ଅନୁଭବ ଫିଲ୍ମ ନେଇ ଗଣମାଧମରେ ଅନେକ କଥା ପ୍ରକାଶ କରିଛନ୍ତି ।
ତାପସ ସରଘରିଆ ନିର୍ଦ୍ଦେଶିତ ଏହି ଫିଲ୍ମଟି କେବଳ ଲଭ ଷ୍ଟୋରି ନୁହେଁ ବରଂ ଏଥିରେ ଅନେକ ଟ୍ଵିଷ୍ଟ ମଧ୍ୟ ରହିଛି ବୋଲି ଅନୁଭବ କହିଛନ୍ତି । ଫିଲ୍ମଟି ଓଡିଆ ଭାଷା ସମେତ ଅନ୍ୟ କେତୋଟି ମୁଖ୍ୟ ଭାଷାରେ ମଧ୍ୟ ରିଲିଜ ହେବ । ଭାରତ ବ୍ଯତୀତ ଏହାକୁ ଅନ୍ୟ 6 ରୁ 7ଟି ଦେଶରେ ମଧ୍ୟ ରିଲିଜ କରିବାକୁ ଯୋଜନା କରା ଯାଉଥିବା ଅନୁଭବ ଖୁଲାସା କରିଛନ୍ତି । ଫିଲ୍ମର ସମସ୍ତ କଳାକାର, ଟେକ୍ନିସିଆନ, ନିର୍ଦ୍ଦେଶକ ଓ ପ୍ରଯୋଜ ତଥା ଫିଲ୍ମ ସହ ଜଡିତ ପ୍ରତ୍ଯେକ ବ୍ୟକ୍ତିଙ୍କୁ ଅନୁଭବ ପ୍ରଶଂସା କରିଛନ୍ତି ଓ ଧନ୍ୟବାଦ ଦେଇଛନ୍ତି ।
ଦୁଇଜଣ ଫିମେଲ ଲିଡ୍ ସ୍ଵପ୍ନା ପ୍ରିୟଦର୍ଶିନୀ ଏବଂ ସୋମ୍ୟା ସଚଦେବା ମଧ୍ୟ ବେଶ ଭଲ କାମ କରିଛନ୍ତି । ତାଙ୍କ ଅଭିନୟ ଦର୍ଶକଙ୍କ ମନକୁ ବେଶ ଛୁଇଁବ ବୋଲି କହିଛନ୍ତି ଅନୁଭବ । ତେବେ ଫିଲ୍ମରେ ତାଙ୍କ ଭୂମିକା କଣ ରହିଛି ସେନେଇ ପ୍ରକାଶ କରିନାହାନ୍ତି । ସେଥିପାଇଁ ଫିଲ୍ମ ଦେଖିବାକୁ ପଡିବ ବୋଲି ସେ କହିଛନ୍ତି ।
ଅନୁଭବଙ୍କୁ ଯେତେବେଳେ ପଚରା ଯାଇଥିଲା କି, ଫିଲ୍ମଟି ଓଡିଶାର ଏକ ସତ କାହାଣୀକୁ ନେଇ ତିଆରି ହୋଇଛି ବୋଲି ଶୁଣିବାକୁ ମିଳୁଛି । ଏନେଇ ଆପଣ କଣ କହିବେ ? ଅନୁଭବ ହସି ଦେଇ ଏହି କଥାର ଉତ୍ତର ଦେଇ ନଥିଲେ । ଫିଲ୍ମର ଏକ ଡାଇଲଗ କହିଥିଲେ ଅନୁଭବ । ଲଭ ଆଉ ଡ୍ରିମ ଭିତରେ ବୁଡି ରହିଲେ ସବୁ ସତ ଲାଗେ । କିନ୍ତୁ ସେସବୁ ଭାଙ୍ଗିଗଲେ ସତ ବି ମିଛ ଲାଗେ । ଯାହାକି ଆଜିର ଯୁବପିଢିଙ୍କ ପାଇଁ ଏକ ସନ୍ଦେଶ ବୋଲି ସେ କହିଛନ୍ତି ।
ସାଂସଦ ହେବା ପରେ ଅନୁଭବ ଫିଲ୍ମ ଦୁନିଆରୁ ଏକଦମ ଦୂରେଇ ରହିଥିଲେ । କିନ୍ତୁ ତାଙ୍କ ଫ୍ୟାନ୍ସଙ୍କ ଇଚ୍ଛା ଓ ଭଲପାଇବାକୁ ସମ୍ମାନ ଦେଇ ତାଙ୍କୁ ପୁଣି ଥରେ ଫିଲ୍ମ ଦୁନିଆକୁ ଫେରିବାକୁ ପଡିଲା ବୋଲି ସେ କହିଛନ୍ତି । ଆଗକୁ ଫିଲ୍ମ ରାବଣରେ ମଧ୍ୟ ନଜର ଆସିବେ ଅନୁଭବ । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।