ଓଲିଉଡ ଅଭିନେତ୍ରୀ ବର୍ଷା ପ୍ରିୟଦର୍ଶିନୀ ତାଙ୍କ ବ୍ୟକ୍ତିଗତ ଜୀବନକୁ ନେଇ ଖୁବ ଚର୍ଚ୍ଚାରେ ରୁହନ୍ତି । ସାଂସଦ ତଥା ଅଭିନେତା ଅନୁଭବ ମହାନ୍ତିଙ୍କ ସହ ପ୍ରେମ ବିବାହ ଏବଂ ବିବାଦକୁ ନେଇ ବର୍ଷା ବେଶ ଚର୍ଚ୍ଚିତ । ଗତ ଅଢେଇ ବର୍ଷ ଧରି ସେ ସ୍ଵାମୀ ଅନୁଭବଙ୍କ ସହ ବିବାହ ବିଚ୍ଛେଦ ମାମଲା କୋର୍ଟରେ ଲଢି ଆସୁଛନ୍ତି । ହେଲେ ବର୍ଷା କେବେବି କୌଣସି ବି ସ୍ଥାନରେ ନିଜ ବିବାହ ବିଚ୍ଛେଦ ମାମଲାକୁ ନେଇ କେବେ ମୁହଁ ଖୋଲି ନଥିବା ବେଳେ ପ୍ରଥମ ଥର କରି ତାଙ୍କୁ ଏନେଇ ମୁହଁ ଖୋଲିବାର ଦେଖିବାକୁ ମିଳିଛି ।
ରମାଦେବୀ ମହିଳା ବିଶ୍ଵବିଦ୍ୟାଳୟର ବସନ୍ତ ଉତ୍ସବରେ ଅତିଥି ଭାବେ ଯୋଗ ଦେଇଥିଲେ ବର୍ଷା । ଆଉ ସେଠାରେ ଛାତ୍ରୀମାନଙ୍କୁ ସମ୍ବୋଧନ କରିବା ବେଳେ ନିଜ ଜୀବନରୁ ସେମାନଙ୍କୁ କିଛି ମହତ୍ବପୂର୍ଣ୍ଣ ଶିକ୍ଷା ଦେଇଛନ୍ତି । ବର୍ଷା କହିଛନ୍ତି, ମୁଁ ଏଠି ଗେଷ୍ଟ ନୁହେଁ ବରଂ ତୁମ ମାନଙ୍କର ଭଉଣୀ ହିସାବରେ ଆସିଛି । ଆଉ ମୋ ଜୀବନର କିଛି ଅନୁଭୂତି ମୁଁ ତୁମମାନଙ୍କ ସହ ଶେୟାର କରିବି । ଛାତ୍ର ଜୀବନ ହେଉଛି ଆମ ଜୀବନର ଏକ ଗୋଲ୍ଡେନ ପିରିୟଡ । ଏହି ସମୟକୁ ମୁଁ ପାର୍ କରିସାରିଛି ଆଉ ତୁମେମାନେ ଏବେ ଏହି ପିରିୟଡ ଦେଇ ଯାଉଛ ।
ଏଇଟା ହେଉଛି ସ୍ଵପ୍ନ ଦେଖିବାର ସମୟ । ଖାଲି ସ୍ଵପ୍ନ ଦେଖିକି ଶୋଇବାର ସମୟ ନୁହେଁ ବରଂ ସେହି ସ୍ଵପ୍ନକୁ ସତ କରିବାର ସମୟ ଏଇଟା । ଜାଣିରଖ ଯେ ଜୀବନ କୌଣସି ଗୋଲାପ ଫୁଲର ଶଯ୍ୟା ନୁହେଁ କି ପରୀ ରାଇଜ କାହାଣୀ ଭଳି ନୁହେଁ । ଜୀବନ ଏକ ଅନିଶ୍ଚିତତା କାରଣ କେତେବେଳେ କଣ ଘଟିବ ଆମେ କେହି ଜାଣିନୁ । ସମସ୍ଯା କେବେ ପୂର୍ବରୁ ଜଣେଇକି ଆସେନି ବରଂ ଅଚାନକ ହିଁ ଘଟେ । ମୁଁ ବହୁତ ଇମୋସନାଲ ଝିଅଟିଏ ।
ସ୍ଵଭାବରେ ବହୁତ ଲାଜେଇ ଏବଂ ନିରୀହ ଝିଅଟେ ଥିଲି । ଏପରିକି କାହା ସାମ୍ନାରେ କଥା କହିବାକୁ ଡରୁଥିଲି । କିନ୍ତୁ ମୋ ଜୀବନରେ ଏମିତି ଏକ ଝଡ ଆସିଲା ଯେଉଁଠି ମୋ ଜୀବନ ଏକଦମ ବଦଳିଗଲା । ଜୀବନ ଏତେ ବି କଠିନ ହୋଇପାରେ ମୁଁ କେବେ ଜଣାଇ ନଥିଲି । ଯାହା ମୁଁ କେବେବି ଭାବି ନଥିଲି ମୋ ସହ ସେୟା ଘଟିଲା । କିନ୍ତୁ ମୋ ପରିବାର ମୋର ସବୁଠୁ ବଡ ସପୋର୍ଟ ଏବଂ ପାୱାର ହାଉସ । ଲାଇଫ ମୋତେ ଯେତେ ଥର ତଳେ ପକେଇଛି ମୁଁ ସେତେ ଥର ଅଣ୍ଟା ସଳଖି ଠିଆ ହେଇଛି ।
ଜୀବନରେ ସବୁଠୁ ବଡ ଶକ୍ତି ହେଉଛି ଧୈର୍ଯ୍ୟ । ପରିସ୍ଥିତି ଯେତେ ନକରାତ୍ମକ ହେଉ ନା କାହିଁକି ଅନ୍ତତଃ ନିଜ ମାନସିକତାକୁ ସକାରାତ୍ମକ ରଖନ୍ତୁ । ଜୀବନ ଆପଣଙ୍କୁ ଯାହା ଦେଉଛି ତାକୁ ସ୍ଵୀକାର କରି ଧୈର୍ଯ୍ୟ ଏବଂ ସହନଶୀଳତାର ସହ ପରିସ୍ଥିତିର ସାମ୍ନା କରନ୍ତୁ ଓ ଆଗକୁ ବଢନ୍ତୁ । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।