ଶେଷ 5ଟି ବଲରେ 5ଟି ଛକା ମାରି କଲିକତା ନାଇଟ ରାଇଡ଼ର୍ସକୁ ବିଜୟ ଭେଟି ଦେଇଥିବା ଯୁବ କ୍ରିକେଟର ରିଙ୍କୁ ସିଂଙ୍କୁ ନେଇ ଚର୍ଚ୍ଚା ଥମିବାର ନାଁ ଧରୁନି । ତେବେ ରାତାରାତି ଆଇପିଏଲ ଷ୍ଟାର ପାଲଟି ଯାଇଥିବା ଏହି ଯୁବ କ୍ରିକେଟର ଜଣକ କ୍ରିକେଟ ପାଇଆନ କେତେ ଯେ ସଂଘର୍ଷ କରିଛନ୍ତି ଜାଣିଲେ ଆପଣଙ୍କ ଆଖି ଭିଜିଯିବ । ଗରିବ ଚାଷୀ ପରିବାରରୁ ଆସିଥିବା ରିଙ୍କୁ କ୍ରିକେଟରେ ତିଷ୍ଠିବା ପାଇଁ ବହୁତ ସଂଘର୍ଷ କରିଛନ୍ତି । ଏମିତିକି କୋଚିଂ ସେଣ୍ଟରରେ ଝାଡୁ ମାରିଛନ୍ତି ।
ସେଥିରୁ ଯେଉଁ ଟଙ୍କା ପାଉଥିଲେ ସେଥିରୁ ସେ ବଲ୍ ଓ ବ୍ୟାଟ ଆଦି କିଣୁଥିଲେ । ପରିବାର ଉପରେ ଋଣର ବୋଝ ଥିବାବେଳେ ଏସବୁ ପାଇଁ ସେ କେଉଁଠୁ ବା ପଇସା ଆଣିଥାନ୍ତେ । ଘରର ଖରାପ ଆର୍ଥିକ ଅବସ୍ଥା ଯୋଗୁଁ ରିଙ୍କୁ ମାତ୍ର ନବମ ଶ୍ରେଣୀରୁ ପାଠପଢା ବି ଛାଡି ଦେଇଥିଲେ । ତାଙ୍କ ବାପା ଖାନଚନ୍ଦ୍ର ସିଂ ଘରକୁ ଘର ବୁଲି ସାଇକେଲରେ ଗ୍ଯାସ ସିଲିଣ୍ଡର ବୋହି ଡେଲିଭେରି ଦିଅନ୍ତୁ । ରିଙ୍କୁଙ୍କ ଜଣେ ଭାଇ ଅଟୋ ଡ୍ରାଇଭିଂ କରୁଥିବା ବେଳେ ଆଉ ଜଣେ ଭାଇ କୋଚିଂ ସେଣ୍ଟରରେ କାମ କରନ୍ତି ।
ଗ୍ଯାସ ଗୋଦାମ ଘରକୁ ଲାଗିକରି ଥିବା ଏକ ଛୋଟିଆ ଘରେ ରିଙ୍କୁଙ୍କ ପୁରା ପରିବାର ରହୁଥିଲେ । ସମସ୍ତେ ଚାହୁଁଥିଲେ କି ରିଙ୍କୁ କ୍ରିକେଟ ଖେଳ ଛାଡି ଅଲଗା କାମ କରି ଘରକୁ ଦି’ପଇସା ଆଣନ୍ତୁ । କିନ୍ତୁ ରିଙ୍କୁଙ୍କ ମନ କୌଣସି କାର୍ଯ୍ୟରେ ଲାଗୁ ନଥିଲା । କ୍ରିକେଟ ନିଶା ତାଙ୍କ ମୁଣ୍ଡରେ ଏମିତି ଚଢିଥିଲା ଯେ ପ୍ରତିକୂଳ ପରିସ୍ଥିତି ସତ୍ତ୍ୱେ ସେ କ୍ରିକେଟକୁ ଛାଡି ନଥିଲେ । ତାଙ୍କର ଆଗ୍ରହ ଏବଂ ପରିଶ୍ରମ ଆଜି ସାର୍ଥକ ହୋଇଛି ।
ରିଙ୍କୁ ବୁଝି ସାରିଥିଲେ କି ଜୀବନରେ କିଛି ବଡ କରିବାକୁ ହେଲେ ତାଙ୍କୁ କ୍ରିକେଟକୁ ବାଛିବାକୁ ହେବ । ତାଙ୍କ ପ୍ରତିଭାକୁ ସେ ବ୍ୟର୍ଥ ଯିବାକୁ ଦେଇ ନଥିଲେ । ଯେତେବେଳେ ପରିବାର ଲୋକ ବାହାର ଲୋକଙ୍କଠୁ ରିଙ୍କୁଙ୍କ କ୍ରିକେଟ ଖେଳର ପ୍ରଶଂସା ଶୁଣୁଥିଲେ ସେମାନେ ବି ତାଙ୍କୁ ଆଉ ରୋକି ନଥିଲେ । ରିଙ୍କୁ ନିଜ ସଂଘର୍ଷ ବଳରେ ରଣଜୀ ଟ୍ରଫି ଏବଂ ଅଣ୍ଡର-19 ଦଳରେ ମଧ୍ୟ ସ୍ଥାନ ପାଇଥିଲେ । 2017 ରେ କିଙ୍ଗସ ଇଲେଭେନ ପଞ୍ଜାବ ଦ୍ଵାରା ସେ ଆଇପିଏଲକୁ ଆସିଥିଲେ । ତା’ପର ବର୍ଷ କଲିକତା ତାଙ୍କୁ 80 ଲକ୍ଷରେ ଦଳକୁ ନେଇଥିଲା ।
ଯାହା ରିଙ୍କୁ ଏବଂ ତାଙ୍କ ପରିବାରକୁ ଏକଦମ ଆଶ୍ଚର୍ଯ୍ୟ କରି ଦେଇଥିଲା । ଚଳିତ ବର୍ଷ ରିଙ୍କୁ 55 ଲକ୍ଷରେ ଦଳରେ ସାମିଲ ହୋଇଥିଲେ । ଆଉ ଗୁଜୁରାଟ ବିପକ୍ଷ ମ୍ଯାଚରେ ଶେଷ ଓଭରର ଶେଷ 5ଟି ବଲରେ ସେ ଯେଉଁ କରିସ୍ମା କରିଛନ୍ତି ତାହା କ୍ରିକେଟ ଇତିହାସରେ ଚିର ସ୍ମରଣୀୟ ହୋଇ ରହିବ । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।