ନିଜେ ସ୍ତ୍ରୀର ଅଧିକାର ପାଇବା ପାଇଁ ଏବଂ ନିଜ ପିଲାକୁ ବାପାର ପରିଚୟ ଦେବାକୁ ଦୀପିକା ଯେଉଁ ଲଢେଇ ଆରମ୍ଭ କରିଥିଲେ ତାହା ୧୨ ଦିନରେ ପହଞ୍ଚିଛି । ଏହାରି ଭିତରେ ତାଙ୍କୁ ଅନେକ ଉଚ୍ଚ ନୀଚ ପରିସ୍ଥିତି ଦେଇ ଯିବାକୁ ପଡିଛି । ଖରା, ବର୍ଷା ଓ ଶୀତ ସହି ଦିନେଶ ଘର ଆଗରେ ଧାରଣା ଜାରି ରଖିଛନ୍ତି ଦୀପିକା । ଦିନେଶ ବାହାରକୁ ଆସି ଦୀପିକାଙ୍କ ସହ କୌଣସି ସମ୍ପର୍କ ନାହିଁ ଏବଂ ସେ ପିଲା ମୋର ନୁହେଁ ବୋଲି କହିବା ପରେ ଏବେ ଦୀପିକା ତାଙ୍କ ପ୍ରେମ ସମ୍ପର୍କକୁ ନେଇ ଟିକିନିଖି କଥା ମିଡିଆ ଆଗରେ ବଖାଣିଛନ୍ତି ।
୨୦୧୯ ଶେଷ ଭାଗକୁ ଦିନେଶଙ୍କ ସହ ତାଙ୍କର ପ୍ରେମ ସମ୍ପର୍କ ଆରମ୍ଭ ହୋଇଥିଲା । ତାଙ୍କର ବାପା ଭାଇ କେହି ନାହାନ୍ତି ଏବଂ ଘରର ବଡ ଝିଅ ହୋଇଥିବାରୁ ସେ ନିଜ ଗୋଡରେ ନିଜେ ଠିଆ ହୋଇ ତାଙ୍କ ପରିବାର ପୋଷନ୍ତି । କିନ୍ତୁ ଦିନେଶ ବଡ ଘରର ପୁଅ ଏବଂ ଦୀପିକାଙ୍କ ଠାରୁ ବୟସରେ ମଧ୍ୟ ସାନ । ଦୀପିକାଙ୍କୁ ଲଙ୍ଗ ଟର୍ମ ରିଲେସନଶିପ ଦରକାର ଥିଲା, ତେଣୁ ସେ ଦିନେଶଙ୍କ ଠାରୁ ପ୍ରଥମରୁ ଏସବୁ କ୍ଲିୟର କରିଥିଲେ ।
ଦିନେଶ ମଧ୍ୟ ଦୀପିକାଅଙ୍କ ମା’ଙ୍କ ସହ କଥା ହୋଇ ଝିଅ ବଡ ଘରର ବୋହୂ ହେବା ସ୍ଵପ୍ନ ଦେଖାଇଥିଲେ । ସମ୍ପର୍କ ଆରମ୍ଭ ହେବା ପରେ ଦୀପିକା ଯେତେବେଳେ ଗର୍ଭବତୀ ହୋଇଥିଲେ ସେ ପ୍ରଥମେ ଜାଣିପାରି ନଥିଲେ । କିଛି ଶାରୀରିକ ସମସ୍ଯା ଏବଂ ଲେଡିଜ ପ୍ରୋବ୍ଲେମ ହେଉଥିବା ନେଇ ଅନୁଭବ ହେବାରୁ ସେ ଡାକ୍ତର ଦେଖାଇବାକୁ ଯାଇଥିଲେ । ହେଲେ ଯେହେତୁ ସେ ବିବାହିତା ନଥିଲେ ତେଣୁ ତାଙ୍କୁ ବହୁତ ଲାଜ ଲାଗିଥିଲା ।
ଦିନେଶ ବି ତାଙ୍କୁ ଏକ ପ୍ରେଗନାନ୍ସି ଟେଷ୍ଟିଙ୍ଗ କିଟ୍ ଆଣି ଦେଇଥିଲେ । ଦୀପିକାଙ୍କୁ ସେସବୁ କେମିତି ଟେଷ୍ଟ କରିବେ କିଛି ଜଣା ନଥିଲା । ସେହି ସମୟରେ ଦୀପିକା ଯେତେବେଳେ ଦିନେଶଙ୍କୁ ମ୍ୟାରେଜ କରିବା କଥା କହିଥିଲେ ସେତେବେଳେ ଦିନେଶ ଖୁବ ରାଗି ଯାଇଥିଲେ । ଏମିତିକି ଦୀପିକାଙ୍କ ଦୋକାନର ଆକ୍ଵାରିୟମକୁ ଗୋଇଠା ମାରି ଭାଙ୍ଗି ଦେଇଥିଲେ ଓ ସେଠାରୁ ପଳେଇ ଆସିଥିଲେ । ସେବେ ଠାରୁ ସେମାନଙ୍କ ପ୍ରେମ ସମ୍ପର୍କରେ ତିକ୍ତତା ଦେଖା ଦେଇଥିଲା ।
ଆଉ ଏବେ ଦୀପିକାଙ୍କର ୧୯ ମାସର ପୁଅ ଟିଏ ମଧ୍ୟ ଅଛି । ଯାହାକୁ ବାପାର ପରିଚୟ ଦେବାକୁ ସଂଗ୍ରାମ ଆରମ୍ଭ କରିଛନ୍ତି ଦୀପିକା । ତେବେ ଦେଖାଯାଉ ଏହି ଲଢେଇରେ ଦୀପିକାଙ୍କର ବିଜୟ ହେଉଛି କି ନାହିଁ । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।