ଚୀନରେ ନିଜର ଆତଙ୍କ ଦ୍ଵାରା ଭୟଭୀତ କରି ରଖିଥିବା କୋରୋନା ଭାଇରସ ଦ୍ଵାରା ଇଟାଲୀରେ ଦୁଇ ଜଣ ବ୍ୟକ୍ତିଙ୍କ ମୃତ୍ୟୁ ପରେ ଶନିବାର ଦିନ ଉତ୍ତର ଇଟାଲୀର ୧୨ଟି ସହରକୁ ପୂରାପୂରି ବନ୍ଦ କରି ଦିଆଯାଇଛି । ଏହି ସଂକ୍ରାମକ ରୋଗ କାରଣରୁ ଲୋମ୍ବାର୍ଡୀ ଓ ଵେନେତୋର ସ୍ଥାନୀୟ ଅଧିକାରିମାନଙ୍କୁ ସ୍କୁଲ, ଉଦ୍ୟୋଗିକ ପ୍ରତିଷ୍ଠାନ, ରେଷ୍ଟୁରାଣ୍ଟକୁ ବନ୍ଦ କରିବାକୁ ପଡିଛି । କ୍ରିଡା ପ୍ରତିଯୋଗିତା ଗୁଡିକ ଓ ଜନ ସଭା ଗୁଡିକ ବି ବନ୍ଦ କରିବାକୁ ପଡିଲା । ଇଟାଲୀର ବ୍ୟାପାରିକ ରାଜଧାନୀ ମିଲାନର ମେୟର ସରକାରୀ କାର୍ୟ୍ୟାଳୟକୁ ବି ବନ୍ଦ କରିବା ପାଇଁ ଆଦେଶ ଦେଇଛନ୍ତି ।
ଵେନେତୋ ରେ କୋରୋନା ଭାଇରସ କାରଣରୁ ୭୮ ବର୍ଷୀୟ ବ୍ୟକ୍ତିଙ୍କର ମୃତ୍ୟୁ ହୋଇ ଯାଇଛି । ଅନ୍ୟ ପଟେ ଲୋମ୍ବାର୍ଡୀରେ ୭୭ ବର୍ଷୀୟ ମହିଳାଙ୍କର ପୋସ୍ଟମାର୍ଟମରେ କୋରୋନା ଭାଇରସ ଦ୍ଵାରା ପୀଡିତ ହେବାର ପୃଷ୍ଟି ହୋଇଛି । କିନ୍ତୁ ବର୍ତ୍ତମାନ ପର୍ଯ୍ୟନ୍ତ ଏହା ସ୍ପଷ୍ଟ ହୋଇ ନାହିଁ କି କୋରୋନା ଭାଇରସ କାରଣରୁ ହିଁ ତାଙ୍କର ମୃତ୍ୟୁ ହୋଇଛି । ଇଟାଲୀରେ ଭାଇରସର ଯାଞ୍ଚରେ ପଜିଟିବ ଥିବା ୫୪ ଜଣ ଲୋକଙ୍କ ସମ୍ପର୍କରେ ଆସିଥିବା ଶହ ଶହ ନିବାସୀମାନଙ୍କୁ ଓ କର୍ମଚାରୀମାନଙ୍କୁ ତାଙ୍କର ଯାଞ୍ଚ ରିପୋର୍ଟ ଆସିବା ପର୍ଯ୍ୟନ୍ତ ତାଙ୍କୁ ଅଲଗା ସ୍ଥାନରେ ରଖା ଯାଇଛି ।
ନାଗରିକ ସୁରକ୍ଷା ଦଳ ଗୁଡିକ ଵେନେତୋରେ ବନ୍ଦ ଥିବା ଏକ ହସ୍ପିଟାଲ ବାହାରେ ଶିବିର ଲଗାଇଛନ୍ତି । କୋଡୋଗ୍ନୋ ସହରରେ କୋରୋନା ଭାଇରସରେ ପୀଡିତ ପ୍ରଥମ ରୋଗୀର ଅବସ୍ଥା ଗମ୍ଭୀର ହୋଇ ଯାଇଛି । ସହରରେ ସୁପର ମାର୍କେଟ, ରେଷ୍ଟୁରାଣ୍ଟ ଓ ଦୋକାନ ବନ୍ଦ ଅଛି । ଯାହା ଦ୍ଵାରା ସେହି ସ୍ଥାନ ବର୍ତ୍ତମାନ ଖାଲି ହୋଇ ଯାଇଛି । ବାହାରକୁ ବାହାରିଥିବା କିଛି ଲୋକମାନେ ଚେହେରାରେ ମାସ୍କ ପିନ୍ଧିଛନ୍ତି ।
ଲୋମ୍ବାର୍ଡୀ ସରକାରର ଅଧିକାରୀମାନେ କହିଲେ କି ପ୍ରାନ୍ତରେ ୩୯ଟି ମାମଲା ପୃଷ୍ଟି ହୋଇଛି । ଲୋମ୍ବାର୍ଡୀରେ ୧୦ ଟି ସହରରେ ଅନାବଶ୍ୟକ ଗତିବିଧି ତଥା ସେବା ଗୁଡିକ ନିଲମ୍ବିତ କରିବାର ଆଦେଶ ମଧ୍ୟ ଦିଆ ଯାଇଛି । ଵେନେତୋ ପ୍ରାନ୍ତରେ ୧୨ ଟି ମାମଲାର ପୃଷ୍ଟି ହୋଇଛି । ଯେଉଁଥିରେ ଗୋଟିଏ ବ୍ୟକ୍ତିର ମୃତ୍ୟୁ ଶୁକ୍ରବାର ଦିନ ହୋଇ ଯାଇଛି । ଦୁଇଟି ଅନ୍ୟ ପ୍ରାନ୍ତରେ ବି କୋରୋନା ଭାଇରସର ମାମଲା ପୃଷ୍ଟି ହୋଇଛି ।
