ୟୁକ୍ରେନରେ ଋଷ ଯୁଦ୍ଧ ଆରମ୍ଭ କରିବା ପରଠାରୁ ସେଠାରେ ଦିନକୁ ଦିନ ପରିସ୍ଥିତି ଭୟାନକ ହୋଇଯାଉଛି । ୟୁକ୍ରେନ ଉପରେ ଅନବରତ ବୋମାମାଡ କରୁଛୁ ଋଷ । ଋଷକୁ ମଧ୍ୟ ରୋକିବାକୁ ପ୍ରାଣପଣେ ଚେଷ୍ଟା କରୁଛନ୍ତି ୟୁକ୍ରେନ ସୈନ୍ୟ । ଇତିମଧ୍ୟରେ ୟୁକ୍ରେନରେ ଫସି ରହିଛନ୍ତି ହଜାର ହଜାର ଭାରତୀୟ । ସେମାନଙ୍କ ଉଦ୍ଧାର କାର୍ଯ୍ୟ ‘ଅପରେସନ ଗଙ୍ଗା’ ମାଧ୍ୟମରେ ଜାରି ରହିଛି । ମୋଦୀ ସରକାର ମଧ୍ୟ ୟୁକ୍ରେନ ଏବଂ ଋଷ ଉଭୟ ଦେଶ ସହ କଥାବାର୍ତ୍ତା ହୋଇଛନ୍ତି କିପରି ସେଠାରୁ ଭାରତୀୟ ମାନଙ୍କୁ ସୁରକ୍ଷିତ ଭାବେ ଉଦ୍ଧାର କରା ଯାଇପାରିବ ।
ଯୁଦ୍ଧ ପରିସ୍ଥିତି ବର୍ଣ୍ଣନା କରି ଅନେକ ଭାରତୀୟ ଛାତ୍ରଛାତ୍ରୀଙ୍କୁ ସାହାଯ୍ୟ ମାଗୁଥିବାର ଭିଡିଓ ଗତ ଦିନ ମାନଙ୍କରେ ସାମ୍ନାକୁ ଆସିଛି । ଏହାରି ଭିତରେ ଉତ୍ତରପ୍ରଦେଶ ଲକ୍ଷ୍ନୌର ଜଣେ ଝିଅ ଗରବା ମିଶ୍ର ଯିଏ କି ୟୁକ୍ରେନରେ ରହି ମେଡିକାଲ ପାଠ ପଢୁଥିଲେ ସେ ଏକ ଭିଡିଓ ଜାରି କରିଛନ୍ତି । ଆଉ ସେହି ଭିଡିଓରେ ଯୁଦ୍ଧର ପରିସ୍ଥିତି ଭୟାବହତା କହିବା ସହ ସେମାନଙ୍କୁ ଉଦ୍ଧାର କରିବା ପାଇଁ ହାତ ଯୋଡି ସାହାଯ୍ୟ ମାଗିଛନ୍ତି । ସେ ଏବେ ୟୁକ୍ରେନର ରାଜଧାନୀ କିଭରେ ଏକ ବଙ୍କରରେ ରହିଛନ୍ତି ।
ସେ କହିଛନ୍ତି କି କିଭରୁ ଯେଉଁମାନେ ବି କ୍ୟାବ ଏବଂ ବସ୍ ଦ୍ଵାରା ବାହାରକୁ ଯିବାକୁ ଚେଷ୍ଟା କରୁଛନ୍ତି ସେମାନଙ୍କ ଉପରେ ଆକ୍ରମଣ କରାଯାଉଛି । ଋଷିଆ ସୈନ୍ୟ ସେମାନଙ୍କ ଉପରେ ଆକ୍ରମଣ କରି ଝିଅ ମାନଙ୍କୁ କେଉଁଆଡେ ନେଇ ଯାଉଛନ୍ତି । ଆଉ ପୁଅମାନଙ୍କର ମଧ୍ୟ କିଛି ଠିକଣା ନାହିଁ । ଯାହାର ଭିଡିଓ ସେଠାରେ ଆସିବା ପରେ ସେମାନେ ଖୁବ ଭୟଭୀତ ହୋଇ ଯାଇଛନ୍ତି । ଆଉ ବଙ୍କର ବାହାରକୁ ବାହାରିବା ପାଇଁ ଭୟ କରୁଛନ୍ତି । ତେବେ ବଙ୍କର ଭିତରେ ମଧ୍ୟ ସେମାନେ ସୁରକ୍ଷିତ ନାହାନ୍ତି ।
ଅନେକ ସମୟରେ ଲୋକମାନେ ବଙ୍କର ଭିତରକୁ ଜବରଦସ୍ତ ପଶିବାକୁ ଚେଷ୍ଟା କରୁଛନ୍ତି । ସେମାନେ ନିଜକୁ ସେଠାରେ ସୁରକ୍ଷିତ ମନେ କରୁନାହାନ୍ତି । ଏହାସହ ଏହି ଝିଅ କହିଛନ୍ତି କି ଫିଲ୍ମ ମାନଙ୍କରେ ସର୍ବଦା ଦେଖାଯାଏ କି ଭାରତୀୟ ମନେ ଯେଉଁଠାରେ ଥାଆନ୍ତୁ ନା କହଣିକି ସେମାନଙ୍କୁ ଭାରତ ସରକାର ସବୁବେଳେ ଉଦ୍ଧାର କରନ୍ତି । ସେପରି କିଛି କରି ସେମାନଙ୍କୁ ସେଠାରୁ ଉଦ୍ଧାର କରାଯାଉ ବୋଲି ସେ ଯୋଗୀ ସରକାର ଏବଂ ମୋଦୀ ସରକାରଙ୍କୁ ହାତଯୋଡି ବିନୟ କରିଛନ୍ତି ।
ସେମାନେ ଅନେକ ଥର ଭାରତୀୟ ଦୂତାବାସକୁ କଲ୍ କରିଥିଲେ ମଧ୍ୟ କୌଣସି ଉତ୍ତର ପାଇନାହାନ୍ତି । ରୋମାନିଆ ଓ ପୋଲାଣ୍ଡ ଦେଇ ଭାରତୀୟ ଛାତ୍ରଛାତ୍ରୀଙ୍କୁ ଉଦ୍ଧାର କରାଯାଉଥିବା ବେଳେ ସେମାନେ ସେଠାରେ ପହଞ୍ଚିବାକୁ ମଧ୍ୟ ସକ୍ଷମ ନୁହନ୍ତି ବୋଲି କହିଛନ୍ତି ।
ତେବେ ଏବେ ପର୍ଯ୍ୟନ୍ତ ଅନେକ ଭାରତୀୟ, ପାକିସ୍ତାନୀ ଇ ତୁର୍କୀ ଛାତ୍ରଛାତ୍ରୀ ମାନେ ଭାରତ ସରକାରଙ୍କ ଦ୍ଵାରା ଉଦ୍ଧାର କରାଯାଇଥିବା ବେଳେ ଏମାନଙ୍କୁ ମଧ୍ୟ ସଠିକ ସମୟରେ ଉଦ୍ଧାର କରାଯିବ ବୋଲି ଆମର ଆଶା ଏବଂ ବିଶ୍ବାସ । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।