ଯଦି ଆପଣ ଆପଣଙ୍କ ଝିଅ ପାଇଁ ବଡ ଫଣ୍ଡ୍ କରିବା ପାଇଁ ଚାହୁଁଛନ୍ତି ତେବେ ସୁକନ୍ୟା ସମୃଦ୍ଧି ଯୋଜନା (Sukanya Samriddhi Yojana – SSY) ଏକ ବହୁତ ଭଲ ବିକଳ୍ପ ହେବ । ଏହି ଯୋଜନାରେ ପଇସା ନିବେଶ କରି ଆପଣ ନିଜ ଝିଅର ଉଚ୍ଚ ଶିକ୍ଷା, କ୍ଯାରିୟର ଏବଂ ବିବାହ ପାଇଁ ନିଶ୍ଚିନ୍ତ ରହି ପାରିବେ । ଏଥିପାଇଁ ଆପଣଙ୍କୁ ସୁକନ୍ୟା ସମୃଦ୍ଧି ଯୋଜନାରେ ନିବେଶ କରିବାକୁ ହେବ । ୧୦ ବର୍ଷଠୁ କମ୍ ବୟସର ଝିଅ ମାନଙ୍କ ପାଇଁ ସୁକନ୍ୟା ସମୃଦ୍ଧି ଯୋଜନା ଅନ୍ତର୍ଗତ ଆକାଉଣ୍ଟ ଖୋଲା ଯାଇପାରିବ ।
କ’ଣ ଏହି ସୁକନ୍ୟା ସ୍ମୃଦ୍ଧି ଯୋଜନା ?
ସୁକନ୍ୟା ସମୃଦ୍ଧି ଯୋଜନା ଝିଅମାନଙ୍କ ପାଇଁ ସରକାରଙ୍କ ଦ୍ଵାରା ଆରମ୍ଭ କରା ଯାଇଥିବା ଏକ ସଞ୍ଚୟ ଯୋଜନା ଅଟେ । ଯାହାକୁ ‘ବେଟି ବଚାଓ ବେଟି ପଢାଓ’ ଯୋଜନା ଅନ୍ତର୍ଗତ ଲଞ୍ଚ କରାଯାଇଛି । ଛୋଟ ରକମର ସଞ୍ଚୟ ଯୋଜନା ଗୁଡିକ ମଧ୍ୟରେ ସୁକନ୍ୟା ସମୃଦ୍ଧି ଯୋଜନା ସବୁଠାରୁ ଭଲ ସୁଧ ଦେଉଥିବା ଯୋଜନା ଅଟେ ।
ସୁକନ୍ୟା ସମୃଦ୍ଧି ଆକାଉଣ୍ଟ କେମିତି ଖୋଲିବେ ?
ଝିଅ ଜନ୍ମ ହେବା ଠାରୁ ନେଇ ତାକୁ ୧୦ ବର୍ଷ ବୟସ ହୋଇଥିବା ମଧ୍ୟରେ ସୁକନ୍ୟା ସମୃଦ୍ଧି ଯୋଜନାରେ ଆପଣ ଆକାଉଣ୍ଟ ଖୋଲି ପାରିବେ । ଏହି ଯୋଜନା ଅନୁସାରେ ଆପଣ ଅତି କମ୍ ରେ ମାତ୍ର ୨୫୦ ଟଙ୍କା ଜମା କରି ଆକାଉଣ୍ଟ ଖୋଲି ପାରିବେ । କରେଣ୍ଟ ଫିସ୍କଲ ଇୟର ଅନୁସାରେ ସୁକନ୍ୟା ସମୃଦ୍ଧି ଯୋଜନା ଅନୁସାରେ ଆପଣ ବାର୍ଷିକ ସର୍ବାଧିକ ଦେଢ ଲକ୍ଷ ଟଙ୍କା ପର୍ଯ୍ୟନ୍ତ ଜମା କରିପାରିବେ ।
ବର୍ତ୍ତମାନ ଏହା ଉପରେ ୭.୬ ପ୍ରତିଶତ ସୁଧ ଦେଉଛନ୍ତି ସରକାର । ଏହି ଯୋଜନା ଅନୁସାରେ ଯେକୌଣସି ବ୍ୟକ୍ତି ନିଜର ଦୁଇ ଝିଅଙ୍କ ପାଇଁ ଆକାଉଣ୍ଟ ଖୋଲିପାରିବେ । ୨୧ ବର୍ଷ ହେବା ପରେ ଝିଅମାନେ ଏହି ଆକାଉଣ୍ଟରୁ ଟଙ୍କା ଉଠାଇ ପାରିବେ । ଏହି ଯୋଜନା ଅନୁସାରେ ୯ ବର୍ଷ ୪ ମାସରେ ରକମ ଦ୍ଵିଗୁଣ ହୋଇଯିବ ।
କେଉଁଠି ଖୋଲିବେ ସୁକନ୍ୟା ସମୃଦ୍ଧି ଆକାଉଣ୍ଟ ?
ଆପଣ ଯଦି ସୁକନ୍ୟା ସମୃଦ୍ଧି ଯୋଜନା ଅନ୍ତର୍ଗତ ଆକାଉଣ୍ଟ ଖୋଲିବାକୁ ଚାହୁଁଛନ୍ତି ତେବେ ଏଥିପାଇଁ ଆପଣ ନିକଟସ୍ଥ ଯେକୌଣସି ପୋଷ୍ଟ ଅଫିସକୁ ଯାଇପାରିବେ । ନଚେତ ଯେକୌଣସି କମର୍ସିଆଲ ବ୍ରାଞ୍ଚ ଅଧିକୃତ ଶାଖାରେ ଯାଇ ଆକାଉଣ୍ଟ ଖୋଲି ପାରିବେ ।
ମାଚ୍ୟୁରିଟିରେ ମିଳିବ ୬୫ ଲକ୍ଷରୁ ଅଧିକ ଟଙ୍କା:
ଯଦି ଆପଣ ଏହି ଯୋଜନାରେ ପ୍ରତି ମାସ ୩୦୦୦ ଟଙ୍କା ଲେଖାଏଁ ନିବେଶ କରିବେ ଅର୍ଥାତ ବାର୍ଷିକ ୩୬୦୦୦ ଟଙ୍କା ଜମା କରିବେ, ତେବେ ୧୪ ବର୍ଷ ପରେ ବାର୍ଷିକ ୭.୬ ପ୍ରତିଶତ କମ୍ପାଉଣ୍ଡିଂ ହିସାବରେ ସମୁଦାୟ ୯,୧୧,୫୭୪ ଟଙ୍କା ମିଳିବ । ୨୧ ବର୍ଷରେ ଅର୍ଥାତ ମାଚ୍ୟୁରିଟିରେ ଏହି ଟଙ୍କା ପ୍ରାୟ ୧୫,୨୨,୨୨୧ ଟଙ୍କା ହୋଇଯିବ । ଏହିଭଳି ଭାବେ ଯଦି ଆପଣ ପ୍ରତିଦିନ ମାତ୍ର ୪୧୬ ଟଙ୍କା ସଞ୍ଚୟ କରନ୍ତି ତେବେ ଆପଣ ନିଜ ନିଜ ଝିଅ ପାଇଁ ୬୫ ଲକ୍ଷ ଟଙ୍କାର ଫଣ୍ଡ ଏକାଠି କରିପାରିବେ ।
କେବେ ପର୍ଯ୍ୟନ୍ତ ଏହି ଆକାଉଣ୍ଟ ଜାରି ରହିବ ?
ସୁକନ୍ୟା ସମୃଦ୍ଧି ଯୋଜନାରେ ଆକାଉଣ୍ଟ ଖୋଲିବା ପରେ ଆପଣଙ୍କ ଝିଅକୁ ୨୧ ବର୍ଷ ହେବ ପର୍ଯ୍ୟନ୍ତ ତଥା ୧୮ ବର୍ଷ ବୟସରୁ ତା’ର ବିବାହ ହେବା ପର୍ଯ୍ୟନ୍ତ ଏହି ଆକାଉଣ୍ଟ ଆପଣ ଜାରି ରଖିପାରିବେ । ତେବେ ଆପଣ ନିଜ ପାଇଁ ଏହି ଯୋଜନାରେ ନିବେଶ କରିବାକୁ ଚାହୁଁଥିଲେ ଶୀଘ୍ର କରାଇ ଦିଅନ୍ତୁ । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍କୁ ଲାଇକ କରନ୍ତୁ ।