ଭାଦ୍ରବ ମାସ କୃଷ୍ଣପକ୍ଷ ଅଷ୍ଟମୀ ତିଥିରେ ଭଗବାନ ବିଷ୍ଣ ନର ରୂପରେ ତାଙ୍କର ଅଷ୍ଟମ ଅବତାର ଶ୍ରୀକୃଷ୍ଣଙ୍କ ରୂପରେ ଧରାପୃଷ୍ଠରେ ଅବତରଣ କରିଥିଲେ । ତେଣୁ ପ୍ରାଚୀନ କାଳରୁ ଭଗବାନ ଶ୍ରୀକୃଷ୍ଣଙ୍କ ଜନ୍ମଦିବସ ତଥା ଜନ୍ମାଷ୍ଟମୀ ଉତ୍ସବ ସାରା ଭାରତବର୍ଷରେ ଖୁବ ଜାକଜକମରେ ପାଳନ କରାଯାଉଛି । ଜ୍ଯୋତିଷ ଶାସ୍ତ୍ର ଅନୁସାରେ ଏହିଦିନଟି ଅତ୍ୟନ୍ତ ଶୁଭ ହୋଇଥାଏ । ତେଣୁ ସୁଖ ସମୃଦ୍ଧି ଲାଭ ପାଇଁ ଏହି ଦିନ କେଉଁ ସବୁ ଉପାୟ କରାଯାଏ, ତାହା ଆଜି ଆମେ ଆପଣଙ୍କୁ ଜଣାଇବୁ ।
ହିନ୍ଦୁଧର୍ମରେ ଜନ୍ମାଷ୍ଟମୀ ତିଥିକୁ ଏକ ପ୍ରମୁଖ ତିଥି ବୋଲି ମାନାଯାଏ । ଏହିଦିନ ପୂର୍ଣ୍ଣ ଶ୍ରଦ୍ଧା ଏବଂ ନିୟମ ସହ ଯେଉଁମାନେ ବ୍ରତ ରଖନ୍ତି, ସେମାନଙ୍କୁ ଭଗବାନ ଶ୍ରୀକୃଷ୍ଣଙ୍କ ସହ ମାତା ଲକ୍ଷ୍ମୀଙ୍କ ଆଶୀର୍ବାଦ ପ୍ରାପ୍ତି ହୋଇଥାଏ । ବିଶ୍ବାସ ରହିଛି କି ଜନ୍ମାଷ୍ଟମୀ ଦିନ ଯେକୌଣସି ପ୍ରୟୋଜନ ପାଇଁ କରା ଯାଇଥିବା ଉପାୟ ଶୀଘ୍ର ଫଳପ୍ରଦ ହୋଇଥାଏ । ଏହିଦିନ ସକାଳୁ ଶୀଘ୍ର ଉଠନ୍ତୁ ଓ ସ୍ନାନାଦି କର୍ମ ସାରି ଶଙ୍ଖ ମଧ୍ୟରେ ଶୁଦ୍ଧ ଗାଈ କ୍ଷୀର ଭରି ସେଥିରେ ଭଗବାନ ଶ୍ରୀକୃଷ୍ଣଙ୍କୁ ଅଭିଷେକ କରନ୍ତୁ ଏବଂ ପରେ ଗଙ୍ଗାଜଳ ମିଶ୍ରିତ ସୁବାସିତ ଜଳରେ ମଧ୍ୟ ଅଭିଷେକ କରନ୍ତୁ ।
ଏହାପରେ ତାଙ୍କୁ ମୟୂର ପୁଚ୍ଛ ଏବଂ ବଇଁଶି ଅବଶ୍ୟ ଅର୍ପଣ କରନ୍ତୁ । ଏହାସହ ହଳଦୀ ରଙ୍ଗର ଫୁଲମାଳ ଓ ଫଳ ଏବଂ ତୁଳସୀ ପାତ୍ର ଓ ତୁଳସୀମାଳ ଅର୍ପଣ କରନ୍ତୁ । ଅବଶେଷରେ ହଳଦୀ ରଙ୍ଗର ଲଡୁ ମଧ୍ୟ ଭୋଗ ଲଗାନ୍ତୁ । ଏହିପରି କଲେ ଆପଣଙ୍କ ଜୀବନରେ କେବେ ମଧ୍ୟ ଧନ ଓ ଯଶର ଅଭାବ ହେବ ନାହିଁ ଓ ମାତା ଲକ୍ଷ୍ମୀ ସର୍ବଦା ଆପଣଙ୍କ ଘରେ ବାସ କରିବେ । ଜନ୍ମାଷ୍ଟମୀ ପରଠାରୁ ୨୭ ଦିନ ପର୍ଯ୍ୟନ୍ତ ଭଗବାନ ଶ୍ରୀକୃଷ୍ଣଙ୍କୁ ଗୋଟିଏ ଲେଖାଏଁ ନଡିଆ ଅର୍ପଣ କରନ୍ତୁ । ଏପରି କରିବା ଦ୍ଵାରା ସମସ୍ତ କାର୍ଯ୍ୟରେ ସିଦ୍ଧି ଲାଭ ହୋଇଥାଏ ।
ଆପଣଙ୍କ କେଉଁ କାର୍ଯ୍ୟ ସମ୍ପନ ହୋଇ ନ ପାରୁଥିଲେ ଏହିପରି ୨୭ ଦିନ ପର୍ଯ୍ୟନ୍ତ କରନ୍ତୁ । ଦେଖିବେ ଆପଣଙ୍କର କୌଣସି ଜିନିଷର ଅଭାବ ରହିବ ନାହିଁ । ଆର୍ଥିକ ସ୍ଥିତିରେ ସୁଧାର ଆଣିବା ପାଇଁ ଓ ଧନବାନ ହେବା ପାଇଁ ଜନ୍ମାଷ୍ଟମୀ ଦିନ ଭଗବାନ ଶ୍ରୀକୃଷ୍ଣଙ୍କୁ ଲହୁଣୀରେ ମିଶ୍ରି ମିଶାଇ ଅର୍ପଣ କରନ୍ତୁ । ଏହାସହ କ୍ଷୀରିରେ ମଧ୍ୟ ତୁଳସୀ ପାତ୍ର ପକାଇ ଭୋଗ ଲଗାନ୍ତୁ । ଏହାଦ୍ବାରା ଭଗବାନ ଶ୍ରୀକୃଷ୍ଣ ଅତିଶୀଘ୍ର ପ୍ରସନ୍ନ ହୋଇଥାନ୍ତି ଓ ମାତା ଲକ୍ଷ୍ମୀଙ୍କ କୃପା ମଧ୍ୟ ପ୍ରାପ୍ତ ହୋଇଥାଏ । ଜନ୍ମାଷ୍ଟମୀ ଦିନ ରାତି ୧୨ ଘଣ୍ଟିକା ସମୟରେ ଭଗବାନ ଶ୍ରୀକୃଷ୍ଣଙ୍କୁ ପଞ୍ଚାମୃତ କିମ୍ବା କେଶର ମିଶ୍ରିତ କ୍ଷୀରରେ ଅଭିଷେକ କରନ୍ତୁ ।
ଏପରି କରିବା ଦ୍ଵାରା ଆପଣ ମାଲାମାଲ ହୋଇଯିବେ ଓ ଶ୍ରୀକୃଷ୍ଣ କେବେ ମଧ୍ୟ ଆପଣଙ୍କ ଧନ ଭଣ୍ଡାର ଖାଲି ରଖିବେ ନାହିଁ । ଧନପ୍ରାପ୍ତି ପାଇଁ ଜନ୍ମାଷ୍ଟମୀ ଦିନ ଶ୍ରୀକୃଷ୍ଣଙ୍କ ପୂଜା ସମୟରେ କିଛି କଉଡି ବା ମୁଦ୍ରା ଅର୍ପଣ କରନ୍ତୁ ଓ ପୂଜା ସରିବା ପରେ ସେହି ମୁଦ୍ରାକୁ ଆଣି ନିଜ ପର୍ସରେ ରଖି ଦିଅନ୍ତୁ । ଏହିଦିନ ତୁଳସୀ ଚଉରା ମୂଳେ ଦେଶୀ ଗାଈ ଘିଅର ଦୀପ ଟିଏ ମଧ୍ୟ ଅବଶ୍ୟ ଲଗାନ୍ତୁ ଓ ଚଉରା ଚାରିପଟେ ଏଗାର ଥର ପରିକ୍ରମା କରନ୍ତୁ । ଏପରି କରିବା ଦ୍ଵାରା ଆପଣଙ୍କ ଜୀବନର ସମସ୍ତ ଦୁଃଖ କଷ୍ଟ ଦୂର ହୋଇଯିବ ।
ଆପଣଙ୍କୁ ଆମ ପୋଷ୍ଟ ଭଲ ଲାଗିଥିଲେ ଅନ୍ୟମାନଙ୍କ ସହ ସେୟାର କରନ୍ତୁ ଓ ଏହିପରି ପୋଷ୍ଟ ଅପଡେଟ ପାଇବା ପାଇଁ ଆମ ପେଜ୍ କୁ ଲାଇକ କରନ୍ତୁ ।