ଦେଶରେ ପ୍ରତି ମାସ ପହିଲାରେ କିଛି ନା କିଛି ପରିବର୍ତ୍ତନ କିମ୍ବା ନୂଆ ନିୟମ ଲାଗୁ ହୋଇଥାଏ । ଚଳିତ ବର୍ଷ ସେପ୍ଟେମ୍ବର ମାସରେ ମଧ୍ୟ ଏଭଳି କିଛି ନୂଆ ନିୟମ ଲାଗୁ ହେବାକୁ ଯାଉଛି । ବ୍ଯାଙ୍କ, କାରାବାର ଓ ଘରୋଇ ସହ ଜଡିତ ଚାରୋଟି ନିୟମ ବଦଳିବାକୁ ଯାଉଛି । ଏହି ନୂଆ ନିୟମ ଲାଗୁ ହେବା ପରେ କେଉଁଠି ଆପଣଙ୍କୁ କିଛି ସୁବିଧା ହେବ ତ ଆଉ କେଉଁଠି ଅଳ୍ପ କ୍ଷତି ସହିବାକୁ ପଡିବ । ତେବେ ଚାଲନ୍ତୁ ନଜର ପକାଇବା ସେପ୍ଟେମ୍ବର ମାସରେ ଲାଗୁ ହେବାକୁ ଥିବା ନୂଆ ନିୟମ ଉପରେ ।
PNB ରେ ହ୍ରାସ ପାଇବା ସୁଧହାର । ପଞ୍ଜାବ ନ୍ୟାସନାଲ ବ୍ଯାଙ୍କ ସେପ୍ଟେମ୍ବର ପହିଲାରୁ ଜମା ଖାତାର ସୁଧହାର ହ୍ରାସ କରିବାକୁ ଯାଉଛି । ବ୍ୟାଙ୍କର ଅଫିସିଆଲ ୱେବସାଇଟରୁ ଏହି ସୂଚନା ମିଳିଛି । ଏହି ନିୟମ ଲାଗୁ ହେବା ପରେ ବ୍ଯାଙ୍କର ସୁଧହାର ବାର୍ଷିକ ୨.୯୦ ପ୍ରତିଶତ ରହିବ । ଏହି ନୂଆ ନିୟମ ପଞ୍ଜାବ ନ୍ୟାସନାଲ ବ୍ୟାଙ୍କର ଚାଲୁ ରହିଥିବା ଓ ନୂଆ ଉଭୟ ବ୍ଯାଙ୍କ ଆକାଉଣ୍ଟରେ ଲାଗୁ ହେବ । ବର୍ତ୍ତମାନ PNB ର ଜମାଖାତା ଉପରେ ସୁଧହାର ବାର୍ଷିକ ୩ ପ୍ରତିଶତ ରହିଛି ।
PF UAN ସହ ଆଧାର ଲିଙ୍କ ବାଧ୍ୟତାମୂଳକ । କର୍ମଚାରୀଙ୍କ ପ୍ରୋଭିଡେଣ୍ଟ ଫଣ୍ଡରେ ଅନ୍ଯାନ୍ଯ ସୁବିଧା ପାଇଁ ଆଧାର କାର୍ଡକୁ UAN ସହ ଲିଙ୍କ କରିବା ବାଧ୍ୟତାମୂଳକ କରାଯାଇଛି । ପୂର୍ବରୁ UAN ସହ ଆଧାର ଲିଙ୍କ କରିବା ସମୟ ସୀମା ମେ ମାସ ୩୧ ତାରିଖ ପର୍ଯ୍ୟନ୍ତ ରହିଥିଲା । ଯାହାକୁ ବଢାଇ ୩୧ ଅଗଷ୍ଟ ପର୍ଯ୍ୟନ୍ତ କରାଯାଇଛି । ଯଦି ଅଗଷ୍ଟ ୩୧ ସୁଧା ଆପଣଙ୍କ UAN ରେ ଆଧାର ଲିଙ୍କ ନ ହୁଏ ତେବେ ଆପଣଙ୍କୁ ଅସୁବିଧାର ସମୁଖୀନ ହେବାକୁ ପଡିବ ।
GST ରିଟର୍ଣ୍ଣରେ ନୂଆ ନିୟମ । ଯେଉଁ ବ୍ୟବସାୟୀ ମାନେ ଗତ ଦୁଇ ମାସ ମଧ୍ୟରେ GST R3B ରିଟର୍ଣ୍ଣ ଦାଖଲ କରି ନାହାନ୍ତି ସେମାନେ ସେପ୍ଟେମ୍ବର ୧ ତାରିଖରୁ GST R1 ରେ ବାହ୍ୟ ଯୋଗାଣର ବିବରଣୀ ପୂରଣ କରିପାରିବେ ନାହିଁ । ତ୍ରୈମାସିକ GST ଦାଖଲ କରୁଥିବା ବ୍ୟବସାୟୀ ଯଦି GST R3B ଦାଖଲ କରି ନାହାନ୍ତି ସେମାନେ ମଧ୍ୟ GST R1 ଦାଖଲ କରିବାରୁ ବଞ୍ଚିତ ହେବେ ।
ଗ୍ଯାସ ସିଲିଣ୍ଡରକୁ ନେଇ ଆସିପାରେ ନୂଆ ଦର । ପ୍ରତି ମାସରେ ଗ୍ଯାସ ସିଲିଣ୍ଡର ଦରରେ ପରିବର୍ତ୍ତନ ହୋଇଥାଏ । କେବେ ଏହାର ଦର ବଢୁଥିବା ବେଳେ କେବେ ସିଲିଣ୍ଡର ଦରରେ ହ୍ରାସ ହୋଇଥାଏ । ତେବେ ଏଥର ମଧ୍ୟ ଗ୍ଯାସ ସିଲିଣ୍ଡର ଦରରେ ପରିବର୍ତ୍ତନ ହୋଇପାରେ ବୋଲି କୁହାଯାଉଛି । ଆପଣଙ୍କୁ ଆମ ପୋଷ୍ଟ ଭଲ ଲାଗିଥିଲେ ଅନ୍ୟମାନଙ୍କ ସହ ସେୟାର କରନ୍ତୁ ଓ ଏହିପରି ଅପଡେଟ ପାଇବାକୁ ହେଲେ ଆମ ପେଜ୍ କୁ ଲାଇକ କରନ୍ତୁ ।