ଆସନ୍ତା ୧୫ ଅଗଷ୍ଟ ୨୦୨୧ ରେ ଆମ ଦେଶ ଇଂରେଜ ମାନଙ୍କ ଠାରୁ ସ୍ଵାଧୀନତା ପାଇବାର ୭୫ ବର୍ଷ ପୂରଣ କରିବାକୁ ଯାଉଛି । ଏହି ଦିନ ଆମ ଦେଶ ଭାରତ ଇଂରେଜ ଶାସନ କବଳରୁ ମୁକ୍ତ ପାଇ ଏକ ସ୍ଵାଧୀନ ରାଷ୍ଟ୍ରର ମାନ୍ୟତା ପ୍ରାପ୍ତ କରିଥିଲା । ଆଉ ଆମ ଦେଶର ଆକାଶରେ ଏହି ଦିନ ଫରଫର ହୋଇ ଉଡିଥିଲା ତ୍ରିରଙ୍ଗା ପତାକା ।
ତ୍ରିରଙ୍ଗା ପ୍ରତ୍ଯେକ ଭାରତୀୟଙ୍କ ପାଇଁ ଗର୍ବ ଏବଂ ଗୌରବର ପ୍ରତୀକ ଅଟେ । ସେଥିପାଇଁ ପ୍ରତିବର୍ଷ ସ୍ଵାଧୀନତା ଦିବସରେ ପଲ୍ଲୀରୁ ଆରମ୍ଭ ହୋଇ ଦିଲ୍ଲୀ ପର୍ଯ୍ୟନ୍ତ ଭାରତବାସୀ ଗର୍ବର ସହ ତ୍ରିରଙ୍ଗା ଉଡାଇଥାନ୍ତି । ତେବେ ଏହି ତ୍ରିରଙ୍ଗା ପତାକାର ଇତିହାସ ଆପଣ ଜାଣିଛନ୍ତି କି ? ଭାରତ ସ୍ଵାଧୀନ ହେବା ପୂର୍ବରୁ ହିଁ ତିଆରି ହୋଇ ସାରିଥିଲା ଆମର ଏହି ତ୍ରିରଙ୍ଗା ପତାକା । ଆମ ଦେଶ ଭାରତ ୧୯୪୭ ମସିହା ଅଗଷ୍ଟ ମାସ ୧୫ ତାରିଖରେ ଇଂରେଜଙ୍କ କବଳରୁ ସ୍ଵାଧୀନ ହୋଇଥିଲା ।
କିନ୍ତୁ ଏହାର ପ୍ରାୟ ଗୋଟିଏ ମାସ ପୂର୍ବରୁ ତଥା ୧୯୪୭ ମସିହା ଅଗଷ୍ଟ ୨୨ ତାରିଖ ବେଳକୁ ଆମର ଏହି ତ୍ରିରଙ୍ଗା ପତାକା ପ୍ରସ୍ତୁତ ହୋଇ ସାରିଥିଲା । ତ୍ରିରଙ୍ଗାକୁ ସମ୍ବିଧାନ ସଭାର ବୈଠକରେ ମଧ୍ୟ ଗ୍ରହଣ କରାଯାଇ ଥିଲା । ଆଉ ସେବେ ଠାରୁ ପ୍ରତି ବର୍ଷ ଅଗଷ୍ଟ ୧୫ ଏବଂ ଜାନୁୟାରୀ ୨୬ ତାରିଖରେ ଭାରତର ଆକାଶ ବୁକୁରେ ଏହି ତ୍ରିରଙ୍ଗା ପତାକା ଉଡି ଆସୁଅଛି । ତେବେ ଆଉ ଏକ ରୋଚକ କଥା ହେଉଛି ଆମର ଏହି ଜାତୀୟ ପତାକାକୁ ତିଆରି କରିଥିବା ବ୍ୟକ୍ତିଙ୍କ ନାମ ହେଉଛି ପିଙ୍ଗାଲି ଭେଙ୍କେୟା । ଯାହାଙ୍କ ଘର ଆନ୍ଧ୍ରପ୍ରଦେଶ ରାଜ୍ୟରେ ।
ସେ ଜଣେ ସ୍ଵାଧୀନତା ସଂଗ୍ରାମୀ ହୋଇଥିବା ବେଳେ ଭାରତର ଜାତୀୟ ପତାକାକୁ ତିଆରି କରିଥିଲେ । କିନ୍ତୁ ଏଥିପାଇଁ ତାଙ୍କୁ ବହୁ ବର୍ଷ ପରିଶ୍ରମ ମଧ୍ୟ କରିବାକୁ ପଡିଥିଲା । ୧୯୨୧ ମସିହାରେ ପ୍ରଥମ କରି ତିଆରି ହୋଇଥିବା ଜାତୀୟ ପତାକାରେ କେବଳ ସବୁଜ ଏବଂ ନାରଙ୍ଗି ଦୁଇଟି ରଙ୍ଗ ଥିଲା ଓ ସେଥିରେ ଆଉ କୌଣସି ଚିହ୍ନ ନ ଥିଲା । ପରେ ଏଥିରେ ସାମାନ୍ଯ ପରିବର୍ତ୍ତନ କରାଯାଇ ଉପରେ ଧଳା ରଙ୍ଗ ଯୋଡା ଯାଇଥିଲା । ୧୯୩୧ ମସିହାରେ ପ୍ରଥମ କରି ତ୍ରିରଙ୍ଗା ପତାକାକୁ ଆମ ଜାତୀୟ ପତାକା ଭାବେ ଗ୍ରହଣ କରିବାକୁ ଏକ ପ୍ରସ୍ତାବ ପାଳିତ ହୋଇଥିଲା।
ସେତେବେଳର ଜାତୀୟ ପତାକା ବର୍ତ୍ତମାନର ଜାତୀୟ ପତାକା ଠାରୁ କିଛିକାଂଶ ଅଲଗା ଥିଲା । ସେତେବେଳେ ତ୍ରିରଙ୍ଗା ମଝିରେ ଅଶୋକ ଚକ୍ର ପରିବର୍ତ୍ତେ ଅରଟ ଚିହ୍ନ ସ୍ଥାନ ପାଇଥିଲା । ଆଉ ଏହାପରେ ୧୯୪୭ ମସିହା ଜୁଲାଇ ୨୨ ତାରିଖରେ ବର୍ତ୍ତମାନର ତ୍ରିରଙ୍ଗା ପତାକାକୁ ସମ୍ବିଧାନର ବୈଠକରେ ଗ୍ରହଣ କରାଯାଇ ଥିଲା । ତ୍ରିରଙ୍ଗାର ତିନୋଟି ରଙ୍ଗ ମଧ୍ୟରୁ ନାରଙ୍ଗି ରଙ୍ଗ ବଳିଦାନର ପ୍ରତୀକ ଅଟେ । ଯାହା ସାହାସ ଓ ନିଃସ୍ଵାର୍ଥ ଭାବନକୁ ଦେଖାଏ । ସେହିପରି ଧଳା ରଙ୍ଗ ଶାନ୍ତି, ଶୁଦ୍ଧତା ଓ ସଚ୍ଚୋଟତାକୁ ପ୍ରଦର୍ଶିତ କରେ ।
ଭାରତୀୟ ଦର୍ଶନ ଶାସ୍ତ୍ର ମୁତାବକ ଧଳା ରଙ୍ଗ ସ୍ବଚ୍ଛତା ଓ ଜ୍ଞାନକୁ ମଧ୍ୟ ଦର୍ଶାଇ ଥାଏ । ସେହିପରି ତ୍ରିରଙ୍ଗାର ଶେଷକୁ ଥିବା ସବୁଜ ରଙ୍ଗ ବିଶ୍ବାସ, ଉର୍ବରତା ଓ ସମୃଦ୍ଧିର ପରିଚୟ ଦିଏ । ଏହା ସହ ତ୍ରିରଙ୍ଗରେ ଥିବା ଅଶୋକ ଚକ୍ରକୁ ଧର୍ମଚକ୍ର ବୋଲି ମଧ୍ୟ ଗ୍ରହଣ କରାଯାଏ ।
ତ୍ରିରଙ୍ଗାକୁ ନେଇ ଆମ ଦେଶରେ ଫ୍ଲାଗ କୋଡ ଅଫ ଇଣ୍ଡିଆ ନାମକ ଏକ ଆଇନ ମଧ୍ୟ ରହିଛି । ସେଥିରେ ତ୍ରିରଙ୍ଗା ଉଡାଇବା ନେଇ ନିୟମ ନିର୍ଦ୍ଧାରିତ ହୋଇଛି ଓ ଏହି ନିୟମ ଉଲ୍ଲଂଘନ କଲେ ଆମ ଦେଶରେ କଡା ନିୟମ ମଧ୍ୟ ରହିଛି । ଦେଶର ତ୍ରିରଙ୍ଗା ପତାକା କେବଳ କଟନ୍, ସିଳ୍କ କିମ୍ବା ଖଦିରେ ନିରମନା ହେବ ।
ପ୍ଲାଷ୍ଟିକରେ ତ୍ରିରଙ୍ଗା ପତାକା ନିର୍ମାଣ ଏକ ଅପରାଧ ବୋଲି ଗ୍ରହଣ କରାଯାଏ । ସେହିପରି ତ୍ରିରଙ୍ଗାର ଦୈର୍ଘ୍ୟ ଏବଂ ପ୍ରସ୍ଥ ତିନି ଅନୁପାତ ଦୁଇ ମଧ୍ୟ ରଖାଯାଇଛି । ସବୁଠୁ ଗୁରୁତ୍ଵପୂର୍ଣ୍ଣ କଥା ହେଉଛି ଦେଶରେ ଜାତୀୟ ପତାକା ଠାରୁ ଅନ୍ୟ କୌଣସି ପତାକା ଉପରେ ଉଡି ପାରିବ ନାହିଁ । ଏହିପରି ପୋଷ୍ଟ ଅପଡେଟ ପାଇବ ପାଇଁ ଆମ ପେଜ୍ କୁ ଲାଇକ କରନ୍ତୁ ।