ବାଂଲାଦେଶକୁ ରୋମାଞ୍ଚକର ମୁକାବିଲାରେ ପରାଜିତ କରି ଟିମ୍ ଇଣ୍ଡିଆ ସେମିଫାଇନାଲର ନିକଟତର ହୋଇଛି । କିଙ୍ଗ କୋହଲିଙ୍କ ଧୈର୍ଯ୍ୟପୂର୍ଣ୍ଣ ଇନିଂସ ଓ ବୋଲରଙ୍କ ଜଲୱା ଆଗରେ ହାର୍ ମାନିଥିଲା ବାଂଲାଦେଶ । ହେଲେ ବାଂଲଦେଶର କ୍ରିକେଟର ଏବଂ କ୍ରିକେଟପ୍ରେମୀ ଏହି ପରାଜୟକୁ ସହଜରେ ଗ୍ରହଣ କରି ପାରୁନାହାନ୍ତି । କାରଣ ମ୍ଯାଚ ଆରମ୍ଭରୁ ଶେଷ ପର୍ଯ୍ୟନ୍ତ ବାଂଲାଦେଶ ସପକ୍ଷରେ ବାଜି ଥିଲେ ମଧ୍ୟ ସେମାନଙ୍କ ହାତରୁ ମ୍ଯାଚ ଛଡେଇ ଆଣିଥିଲା ଟିମ୍ ଇଣ୍ଡିଆ ।
ସେଥିପାଇଁ କୁଆଡେ ମୁଣ୍ଡରୁ ପରାଜୟ ଦୋଷ ଛଡାଇବାକୁ ବାଂଲାଦେଶ ନୂଆ ବାହାନା ଆରମ୍ଭ କରିଛି । ଆଉ ଏଥିପାଇଁ ସିଧାସଳଖ ବିରାଟ କୋହଲିଙ୍କୁ ନିଶାନା କରାଯାଇଛି । ବାଂଲଦେଶର କ୍ରିକେଟର ନୁରୂଲ୍ ହାସନ କହିଛନ୍ତି ଯଦି ଅମ୍ପାୟାର ପଡିଆରେ କୋହଲିଙ୍କ ହରକତ ଦେଖିଥାନ୍ତେ ତେବେ ବାଂଲାଦେଶକୁ ପେନାଲଟି ବାବଦକୁ ଅତିରିକ୍ତ ୫ ରନ୍ ମିଳିଥାନ୍ତା ଓ ଆମେ ବିଜୟୀ ହୋଇ ପାରିଥାନ୍ତୁ । ନୁରୂଲ୍ ଏଭଳି କହିବା ପରେ ଆରୋପ ଓ ପ୍ରତ୍ୟାରୋପ ପର୍ବ ଆରମ୍ଭ ହୋଇଯାଇଛି ।
ବିରାଟ କୋହଲିଙ୍କ ଫିଲଡିଙ୍ଗକୁ ନେଇ ବାଂଲାଦେଶ କ୍ରିକେଟର ନୁରୂଲ୍ ହାସନ ସାଂଘାତିକ ଅଭିଯୋଗ ଆଣିବା ପରେ ଏହାକୁ ନେଇ ଦେଖାଦେଇଛି ବିବାଦ । ନୁରୂଲଙ୍କ କହିବା ଅନୁଯାୟୀ ମ୍ଯାଚ ଚାଲିଥିବା ଗୋଟିଏ ସମୟରେ ମିଛ ଫିଲଡିଙ୍ଗର ଅଭିନୟ କରିଥିଲେ ବିରାଟ କୋହଲି । ଏହି ସମୟରେ ବାଂଲାଦେଶର ଦୁଇ ବ୍ୟାଟର ରନ୍ ନେବାରେ ବ୍ୟସ୍ତ ଥିଲେ । କିନ୍ତୁ ଅମ୍ପାୟାରଙ୍କ ଏହି ମିଛ ଫିଲଡିଙ୍ଗ ଅମ୍ପାୟାରଙ୍କ ନଜରକୁ ଆସି ନଥିଲା ନହେଲେ ସେମାନେ ଅତିରିକ୍ତ ୫ ରନ୍ ପାଇଥାନ୍ତେ ।
ଆଉ ଏହାଦ୍ବାରା ବାଂଲାଦେଶ ସହଜରେ ମ୍ଯାଚ ଜିତି ଯାଇଥାନ୍ତା । ତେବେ ଏହି ରୋମାଞ୍ଚକର ମ୍ଯାଚରେ କିଛି ସମୟ ପାଇଁ ବାଧା ସୃଷ୍ଟି କରିଥିଲା ବର୍ଷା । କିନ୍ତୁ ବର୍ଷା ପୂର୍ବରୁ ପଡିଆରେ କୋହଲିଙ୍କ ଏକ ମିଛ ଫିଲଡିଙ୍ଗର ଅଭିନୟକୁ ନେଇ ବିବାଦ ଉପୁଜିଛି । ଅକ୍ଶର ପଟେଲଙ୍କ ବଲକୁ ଅଫସାଇଡରେ ଏକ ସଟ୍ ଖେଳି ରନ୍ ନେଉଥିବା ବେଳେ ଅର୍ଶଦୀପ ସିଂ ଏହାକୁ ଥ୍ରୋ କରିଥିଲେ । ଆଉ ଏହି ଥ୍ରୋ ପାଖ ଦେଇ ଯାଇଥିଲେ ମଧ୍ୟ କୋହଲି ଏହାକୁ ଧରି ନଥିଲେ । ବରଂ ବଲ୍ ଧରି କେବଳ ଥ୍ରୋ କରିବାର ଅଭିନୟ କରିଥିଲେ ।
ଯାହା ଅମ୍ପାୟାର କିମ୍ବା ଅନ୍ୟ କାହାରି ନଜରରେ ଆସି ନଥିଲା । ସେଥିପାଇଁ ସେହି ସମୟରେ କିଛି ବିବାଦ ହୋଇ ନଥିଲା । ICC ନିୟମାନୁଯାୟୀ ଜାଣିଶୁଣି କେହି ବ୍ୟାଟରଙ୍କ ଧ୍ୟାନ ଭଙ୍ଗ କରିବାକୁ ଚେଷ୍ଟା କଲେ ଅମ୍ପାୟାର ଏହାକୁ ଡେଡ୍ ବଲ ଘୋଷଣା କରିବା ସହ ବ୍ୟାଟିଂ କରୁଥିବା ଟିମକୁ ଅତିରିକ୍ତ ୫ ରନ୍ ଦେଇଥାନ୍ତି ।
ତେବେ ବାଂଲାଦେଶ ବ୍ୟାଟର କୋହଲିଙ୍କ ଆଡକୁ ଚାହିଁ ନଥିଲେ ସେଥିପାଇଁ ଭ୍ରମିତ ହେବାର ପ୍ରଶ୍ନ ଉଠୁନି ବୋଲି ଭାରତୀୟ କ୍ରିକେଟ ଫ୍ୟାନ୍ସ କହୁଛନ୍ତି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।