କରୋନା କାରଣରୁ ଯଦି ଆପଣ ଘରୁ ବାହାରକୁ ବାହାରିବା ପାଇଁ ଚାହୁଁ ନାହାଁନ୍ତି ଏବଂ ବ୍ୟାଙ୍କରେ ଖାତା ଖୋଲିବା ପାଇଁ ଚାହୁଁଛନ୍ତି ତାହେଲେ ଭାରତୀୟ ଷ୍ଟେଟ ବ୍ୟାଙ୍କ ଆପଣଙ୍କ ପାଇଁ ସୁବିଧା ଆଣିଛି । ଆପଣ ଘରେ ବସି କୌଣସି ବି କାଗଜ ବିନା ହିଁ ଆକାଉଣ୍ଟ ଖୋଲି ପାରିବେ । ସବୁଠାରୁ ଭଲ କଥା ହେଉଛି ଆକାଉଣ୍ଟ ଖୋଲିବା ପାଇଁ ଆପଣଙ୍କୁ ବ୍ୟାଙ୍କକୁ ଯିବା ପାଇଁ ପଡିବ ନାହିଁ । ବର୍ତ୍ତମାନ ଆପଣ ଏସବିଆଇ ୟୋନୋ ଆପ ମାଧ୍ୟମରେ ଘରେ ବସି ଅନଲାଇନ ଆକାଉଣ୍ଟ ଖୋଲି ପାରିବେ ।
ଦେଶର ସବୁଠାରୁ ବଡ ସରକାରୀ ବ୍ୟାଙ୍କ ଏସବିଆଇ ଇଷ୍ଟା ବ୍ୟାକିଙ୍ଗ ଆକାଉଣ୍ଟ ସର୍ଭିସକୁ ପୁଣିଥରେ ଆରମ୍ଭ କରିଦେଇଛି । ଏହା ମାଧ୍ୟମରେ ଗ୍ରାହକ ମାନେ ଘରେ ବସି ଅନଲାଇନ ଆକାଉଣ୍ଟ ଖୋଲି ପାରିବେ ।
ୟୋନୋ ଆପ ଦ୍ଵାରା ଘରେ ବସି ଶୀଘ୍ର ଖୋଲନ୍ତୁ ନିଜର ଇଷ୍ଟା ସେଭିଙ୍ଗ ବ୍ୟାଙ୍କ ଖାତା
ଏସବିଆଇ ଇଷ୍ଟା ସେଭିଙ୍ଗ ବ୍ୟାଙ୍କ ଆକାଉଣ୍ଟ ଗ୍ରାହକ ମାନଙ୍କ ପାଇଁ ଆଧାର ଆଧାରିତ ତତକ୍ଷଣାତ ଡିଜିଟାଲ ସଞ୍ଚୟ ଖାତା ଅଟେ । ୟୋନୋ ମାଧ୍ୟମରେ ଅନଲାଇନ ଖାତା ଖୋଲାଯାଇ ପାରିବ । ଏହି ନୂଆ ସେବା କେବଳ ପ୍ୟାନ ଏବଂ ଅଧାରକାର୍ଡ ନମ୍ବର ଦ୍ଵାରା ଖୋଲାଯାଇ ପାରିବ । ଏହା ସମ୍ପୂର୍ଣ ଭାବେ କାଗଜହୀନ ସେବା ଅଟେ । ଏସବିଆଇ ଇଷ୍ଟା ସେଭିଙ୍ଗ ବ୍ୟାଙ୍କ ଖାତା ଗ୍ରାହକମାନଙ୍କୁ ୨୪x୭ ବ୍ୟାଙ୍କିଙ୍ଗ ସର୍ଭିସ ଦେଇଥାଏ ।
ଏହି ଆକାଉଣ୍ଟର ସବୁ ନୂଆ ଖାତାଧିକାରୀ ମାନଙ୍କୁ ଡେବିଟ କାର୍ଡ ମଧ୍ୟ ଦିଆଯିବ । ଏସବିଆଇ ନିଜର ଟୁଇଟର ହେଡଲାଇନରେ ସୂଚନା ଦେଇ କହିଛନ୍ତି କି ଏହି ବ୍ୟାଙ୍କ ଆକାଉଣ୍ଟର ନାମ ଇଷ୍ଟା ସେଭିଙ୍ଗ ବ୍ୟାଙ୍କ ଆକାଉଣ୍ଟ ଅଟେ । ଏହାକୁ ଘରେ ବସି ସମସ୍ତେ ଖୋଲି ପାରିବେ । ଏଥିରେ ସର୍ବନିମ୍ନ ବାଲାନ୍ସ ନଥିଲେ ବ୍ୟାଙ୍କ କୌଣସି ଦେୟ ଆଦାୟ କରିବ ନାହିଁ ।
ଜାଣନ୍ତୁ କେମିତି ଖୋଲିବେ ବ୍ୟାଙ୍କ ଖାତା
ଇଂଷ୍ଟା ସେଭିଙ୍ଗ ବ୍ୟାଙ୍କ ଖାତା ଖୋଲିବା ପାଇଁ ଆପଣଙ୍କୁ ଏସବିଆଇ ୟୋନୋ ଆପର ବ୍ୟବହାର କରିବାକୁ ପଡିବ । ଏହା ଛଡା ଆପଣ ଏସବିଆଇର ୱେବସାଇଟ ୟୋନୋ (https://www.sbiyono.sbi/)କୁ ଯାଇ ଆପ୍ଳାଏ କରିପାରିବେ । ବ୍ୟାଙ୍କ ଖାତା ଖୋଲିବା ପରେ ଏକ ବର୍ଷ ପର୍ଯ୍ୟନ୍ତ KYC ପୁରା ନହେଲେ ଖାତା ବନ୍ଦ ହୋଇଯିବ । ବ୍ୟାଙ୍କରେ ଥିବା କଷ୍ଟମର ଏହି ଆକାଉଣ୍ଟ ଖୋଲିପାରିବେ ନାହିଁ । ବ୍ରାଞ୍ଚ ଟ୍ରାଞ୍ଜାକ୍ସନ ସୁବିଧା ନାହିଁ । ବ୍ୟାଙ୍କର ସଞ୍ଚୟ ଆକାଉଣ୍ଟରେ ୧ଲକ୍ଷ ଟଙ୍କା ଉପରେ ସୁଧହାର ୨.୭୦ ପ୍ରତିଶତ ଅଟେ । ୧ ଲକ୍ଷରୁ ଅଧିକ ଟଙ୍କା ଜମା ହେଲେ ବି ସୁଧହାର ୨.୭୦ ପ୍ରତିଶତ ଅଟେ । ଏହି ହାର ୩୧ ମେ ୨୦୨୦ ଠାରୁ ଲାଗୁ ହୋଇଛି ।
ବ୍ୟାଙ୍କ ଆକାଉଣ୍ଟ ଖୋଲିଲେ ଗ୍ରାହକମାନଙ୍କୁ ମିଳିବ ଏହି ୪ଟି ଲାଭ
୧ – ଆପଣ ଘରେ ବସି ଆକାଉଣ୍ଟ ଖୋଲିପାରିବେ ।
୨ -ସର୍ବନିମ୍ନ ବାଲାନ୍ସ ନଥିଲେ କୌଣସି ଚାର୍ଜ ନାହିଁ ।
୩ -ଖାତାରେ ୧ଲକ୍ଷ ପର୍ଯ୍ୟନ୍ତ ଟଙ୍କା ରଖିବାର ସୁବିଧା ଅଛି ।
୪ -ଖାତା ଖୋଲିବାର ୧ବର୍ଷ ମଧ୍ୟରେ ରେଗୁଲାର ସେଭିଙ୍ଗ ଆକାଉଣ୍ଟ କିମ୍ବା ଡିଜିଟାଲ ସେଭିଙ୍ଗ ଖାତାରେ ପରିବର୍ତ୍ତନ କରିପାରିବେ ।
ଜାଣନ୍ତୁ କେଉଁମାନେ ଖୋଲିପାରିବେ ଖାତା
ଏହି ଖାତାକୁ କେବଳ ୧୮ ବର୍ଷରୁ ଅଧିକ ଭାରତୀୟ ନାଗରିକ ଖୋଲିପାରିବେ ।
ଇଂଷ୍ଟା ଆକାଉଣ୍ଟ ଏକ ସିଙ୍ଗିଲ ଅପରେଟିଂ ଖାତା ଅଟେ । ଏଥିରେ ଜଏଣ୍ଟ ଖାତା ଖୋଲାଯାଇ ପାରିବ ନାହିଁ ।
ବ୍ୟାଙ୍କ ଖାତା ଖୋଲିବା ପାଇଁ ଆଧାରକାର୍ଡ, ମୋବାଇଲ ନମ୍ବର ଏବଂ ପ୍ୟାନକାର୍ଡ ଥିବା ନିହାତି ଦରକାର ।
ବ୍ୟାଙ୍କ ଖାତା ଖୋଲିବା ସମୟରେ ନୋମିନୀ ରହିବା ଅନିବାର୍ଯ୍ୟ ।
ଓଟିପି ଆଧାରିତ ଇ-କେୱାଇସି ମାଧ୍ୟମରେ ଖାତା ଖୋଲିବା, ଶାଖାକୁ ଯାଇ ପୂର୍ଣ କେୱାଇସି କରିବା ଆବଶ୍ୟକ ଅଟେ । ଆଶାକରୁଛୁ ଆମର ଏହି ଟିପ୍ସ ନିଶ୍ଚୟ ଆପଣଙ୍କ କାମରେ ଆସିବ। ଯଦି ଆପଣଙ୍କୁ ଏହା ଭଲ ଲାଗିଲା ଅନ୍ୟମାନଙ୍କ ସହିତ ସେୟାର କରନ୍ତୁ । ଆମ ସହିତ ଯୋଡି ହେବା ପାଇଁ ଆମ ପେଜ କୁ ଲାଇକ କରନ୍ତୁ ।