କରୋନା ଭାଇରସ ଏବେ ଭାରତର ଗାଁ ଗଣ୍ଡାରେ ମଧ୍ୟ ନିଜ କାୟା ବିସ୍ତାର କରିବାରେ ଲାଗି ପଡିଛି । ତେଜରେ ବଢୁଥିବା ସଂକ୍ରମଣକୁ ରୋକିବା ପାଇଁ ଏବେ ଗାଁ ର ସରପଞ୍ଚମାନେ ପ୍ରସ୍ତୁତି ଆରମ୍ଭ କରୁଛନ୍ତି । ଜଣେ ମହିଳା ସରପଞ୍ଚଙ୍କ ଏକ ଭିଡିଓ ସୋସିଆଲ ମିଡିଆରେ ଭାଇରଲ ହେଉଛି, ଯିଏ ନିଜେ ଗାଡ଼ିରେ ବସି ମାଇକ ଧରି ଲୋକଙ୍କୁ କରୋନା ବିଷୟରେ ସଚେତନ କରାଉଛନ୍ତି । ଆସନ୍ତୁ ଜାଣିବା କଣ କହୁଛନ୍ତି ମହିଳା ସରପଞ୍ଚ ।
ମହିଳା ସରପଞ୍ଚ ଜଣଙ୍କ ନିଜେ ଗାଡ଼ି ଚଳାଇ ମାଇକ ଧରି ନିଜ ଗାଁ ରେ ପ୍ରଚାର କରି କରି କହିଛନ୍ତି, “ଆମ ପଞ୍ଚାୟତରେ ମଧ୍ୟ ଅନେକ କରୋନା ଆକ୍ରାନ୍ତ ବାହାରୁଛନ୍ତି । କରୋନାର ଏହି ଦ୍ଵିତୀୟ ଲହର ଅଧିକ ସଂଖ୍ୟାରେ ଯୁବା ମାନଙ୍କୁ ନିଜ କାବୁରେ ନେଉଛି । ମୁଁ ଆପଣ ମାନଙ୍କ ଝିଅ ସରପଞ୍ଚ ହାତ ଯୋଡ଼ି ସମସ୍ତଙ୍କୁ ନିବେଦନ କରୁଛି ଆପଣ ସମସ୍ତଙ୍କୁ ମିଳିତ ଭାବେ ଆମ ଗାଁ ବା ପଞ୍ଚାୟତକୁ ସୁରକ୍ଷିତ ରଖିବାର ଅଛି । ଆସନ୍ତା ଦିନ ଗୁଡ଼ିକ କେବଳ ଲକ୍ ଡାଉନ୍ ର ଦିନ ନୁହେଁ ।
ବରଂ ନିଜ ନିଜର ଅସ୍ତିତ୍ବ ବଞ୍ଚାଇ ରଖିବାର ଦିନ ଅଟେ । ନିଜ ଘର ଓ ପରିବାରକୁ ସୁରକ୍ଷା କରି ରଖିବାର ଦିନ ଅଟେ । ମୁଁ ଆପଣ ସମସ୍ତଙ୍କୁ ଅନୁରୋଧ କରୁଅଛି ଯଦି ଆପଣ ସମସ୍ତଙ୍କୁ କୁଶଳ ଦେଖିବାକୁ ଚାହାଁନ୍ତି ତେବେ ଘରର କୌଣସି ସଦସ୍ୟ ମଧ୍ୟ ବିନା କାରଣରେ ବା ଅଯଥା କାରଣରେ ବାହାରକୁ ବାହାରନ୍ତୁ ନାହିଁ । ଯଦି ଅତ୍ୟନ୍ତ ଜରୁରୀ ଅଛି ତେବେ ମୁହଁରେ ମାସ୍କ ପିନ୍ଧି ବାହାରକୁ ବାହାରନ୍ତୁ । କରୋନା ସଂକ୍ରମଣରୁ ବଞ୍ଚିବା ପାଇଁ ସରକାରଙ୍କ ଦ୍ୱାରା ଆରମ୍ଭ ହୋଇଥିବା ଟୀକାକରଣ ପ୍ରକ୍ରିୟାରେ ନିଶ୍ଚୟ ଟୀକା ଗ୍ରହଣ କରନ୍ତୁ ।
ଯଦି ପରିବାରରେ କୌଣସି ମଧ୍ୟ ସଦସ୍ୟଙ୍କୁ କାଶ, ଛିଙ୍କ, ଥଣ୍ଡା, ଜ୍ଵର ଓ ନିଃଶ୍ୱାସ ପ୍ରଶ୍ୱାସ ନେବାରେ ଅସୁବିଧା ହେଉଛି ତେବେ ତୁରନ୍ତ ଡାକ୍ତରଙ୍କ ପରାମର୍ଶ ନିଅନ୍ତୁ ଓ ଆବଶ୍ୟକୀୟ ଚିକିତ୍ସା କରାନ୍ତୁ । ଆସୁଥିବା ଦିନ ମାନଙ୍କରେ ଯଦି ଆମ ପଞ୍ଚାୟତର ବିକାଶ ଅଟକି ଯାଉଛି ତେବେ ମଧ୍ୟ ମୁଁ ସହ୍ୟ କରିନେବି, କିନ୍ତୁ ଯଦି କରୋନା ସଂକ୍ରମଣରେ ମୋ ଗ୍ରାମରେ କାହାର ଜୀବନ ଚାଲି ଯାଉଛି ତେବେ ମୁଁ ସହ୍ୟ କରି ପାରିବି ନାହିଁ । ମୋତେ ମୋ ଗ୍ରାମର ପ୍ରତ୍ୟେକ ବ୍ୟକ୍ତି ସୁରକ୍ଷିତ ଥିବା ଆବଶ୍ୟକ ।
ବଡ଼ ବୃଦ୍ଧ ବ୍ୟକ୍ତି, ମାଆ ମାନେ, ଭଉଣୀ ମାନେ ଆପଣ ସମସ୍ତେ ମୋ ପାଇଁ ଅମୂଲ୍ୟ ଅଟ । ମୁଁ ଆପଣ ମାନଙ୍କୁ ହରାଇବାକୁ ଚାହେଁ ନାହିଁ । ସେଥିପାଇଁ ଆପଣ ମାନଙ୍କୁ ଆପଣଙ୍କ ସରପଞ୍ଚ ଭଉଣୀ ହାତ ଯୋଡ଼ି ବିନମ୍ର ନିବେଦନ କରୁଛି କି ଆପଣ ଘରେ ରୁହନ୍ତୁ ଓ ସୁରକ୍ଷିତ ରୁହନ୍ତୁ । ରାଜସ୍ଥାନର ଗୋଟିଏ ଗ୍ରାମରେ ଏହି ମହିଳା ସରପଞ୍ଚଙ୍କୁ ତାଙ୍କ ଗାଁ ର ଲୋକମାନଙ୍କୁ ପ୍ରଚାର କରି କରି କରୋନା ସମ୍ବନ୍ଧରେ ସଚେତନ କରାଉ ଥିବା ଏହି ଭିଡିଓ ସୋସିଆଲ ମିଡିଆରେ ଖୁବ୍ ଭାଇରାଲ୍ ହେଉଛି ।
ନିଜ ଗ୍ରାମକୁ କରୋନା ମୁକ୍ତ ରଖିବା ପାଇଁ ଏହି ମହିଳା ସରପଞ୍ଚଙ୍କ ଏପରି ଚିନ୍ତା ପୂର୍ଣ୍ଣ ପଦକ୍ଷେପକୁ ସବୁ କ୍ଷେତ୍ରରେ ଖୁବ୍ ପ୍ରଶଂସା କରା ଯାଉଛି । ଖୁବ୍ ନମ୍ରତାର ସହ ମୁଣ୍ଡରେ ଓଢ଼ଣା ଦେଇ ନିଜେ ପ୍ରଚାର କରି କରି ନିଜ ଲୋକଙ୍କୁ ସଚେତନ କରୁଥିବା ଏହି ମହିଳା ସରପଞ୍ଚକୁ ଖୁବ୍ ସାବାସୀ ମିଳୁଛି । ଦେଶରେ ପ୍ରତ୍ୟେକ ଦାୟିତ୍ଵପ୍ରାପ୍ତ ଲୋକ ଯଦି ଏପରି ନିଜେ ସଚେତନ ହୋଇ ନିଜ ଲୋକଙ୍କୁ ସଚେତନ କରାଇବେ ତେବେ ନିଃସନ୍ଦେହରେ ଅଳ୍ପ କିଛି ଦିନ ମଧ୍ୟରେ ଆମ ଦେଶ କରୋନା ମୁକ୍ତ ହୋଇଯିବ ।
ଏହି ଘଟଣାକୁ ନେଇ ଆପଣଙ୍କ ମତାମତ କମେଣ୍ଟ କରନ୍ତୁ । ଦୈନନ୍ଦିନ ଘଟୁଥିବା ଘଟଣା ବିଷୟରେ ଅପଡେଟ ରହିବା ପାଇଁ ପେଜକୁ ଲାଇକ ଲାଇକ କରନ୍ତୁ ।