ବଲୀଉଡରେ ଏମିତି ବହୁତ କମେଡିୟାନ ଅଛନ୍ତି ଯେଉଁମାନେ ନିଜର ଭଲ କମେଡି ଦ୍ଵାରା ଲୋକମାନଙ୍କ ହୃଦୟରେ ନିଜର ଏକ ଭିନ୍ନ ପରିଚୟ ସୃଷ୍ଟି କରିଛନ୍ତି । କିନ୍ତୁ ଆଜି ଆମେ ଆପଣଙ୍କୁ ଏମିତି ଜଣେ ବ୍ୟକ୍ତିଙ୍କ ବିଷୟରେ କହିବୁ ଯାହାଙ୍କୁ ଆପଣ ସମସ୍ତେ ଜାଣିଛନ୍ତି । ତାଙ୍କର କମେଡି ବି ସମସ୍ତଙ୍କୁ ବହୁତ ପସନ୍ଦ । ସେ ଆଉ କେହି ନୁହନ୍ତି ବଲୀଉଡର ପ୍ରସିଦ୍ଧ କମେଡିୟାନ ଜନି ଲିଭର । ଯିଏକି କୌଣସି ବି ପରିଚୟର ମୋହତାଜ ନୁହନ୍ତି ।
ଜନି ଲିଭର ଜଣେ ଏମିତି କଳାକାର ଅଟନ୍ତି ଯିଏକି ଫିଲ୍ମରେ ନିଜର କମେଡି ଦ୍ଵାରା ସମସ୍ତଙ୍କ ମୁହଁରେ ହସ ନେଇ ଆସନ୍ତି । ଜନି ଲିଭର ନିଜର କମେଡି ଦ୍ଵାରା କୌଣସି ବି ଫିଲ୍ମକୁ ହିଟ କରିବାରେ ଦମ ରଖୁଥିଲେ । ବଲୀଉଡରେ ପାଖାପାଖି ସେ ୪ ଦଶକ ହେବ କାମ କରିଆସୁଛନ୍ତି । ବଲୀଉଡର ପ୍ରାୟତଃ ସବୁ ବଡ ବଡ କଳାକାରଙ୍କ ସହିତ ଜନି ଲିଭର ବଡ ପରଦାରେ ନଜର ଆସିସାରିଛନ୍ତି ।
ଆଜି ଜନି ଲିଭର ଯେଉଁ ସ୍ଥାନରେ ଅଛନ୍ତି ସେଠି ପହଞ୍ଚିବା ତାଙ୍କ ପାଇଁ ସହଜ କଥା ନ ଥିଲା । ଜନି ଲିଭର ନିଜର ଜୀବନରେ ବହୁତ କଠିନ ପରିସ୍ଥିତିର ସାମ୍ନା କରିଛନ୍ତି । ଆଜି ଆମେ ତାଙ୍କ ଜୀବନ ସହ ଜଡିତ କିଛି କଥା ବିଷୟରେ ଆଲୋଚନା କରିବୁ । ଜନି ଲିଭର ୧୪ ଅଗଷ୍ଟ ୧୯୫୭ରେ ଆନ୍ଧ୍ରପ୍ରଦେଶରେ ଜନ୍ମ ଗ୍ରହଣ କରିଥିଲେ । ଜନି ଲିଭରଙ୍କ ପୁରା ନାଁ ଜନ ରାୱ ପ୍ରକାଶ ରାୱ ଜନୁମାଲା ଅଟେ ।
ତାଙ୍କର ପିତା ପ୍ରକାଶ ରାୱ ଗୋଟିଏ ପ୍ରାଇବେଟ କମ୍ପାନୀରେ ଅପରେଟର ରୂପରେ କାମ କରୁଥିଲେ ଓ ମା ଗୃହିଣୀ ଥିଲେ । ଆର୍ଥିକ ସ୍ଥିତି ଖରାପ ଥିବା କାରଣରୁ ଜନି ଲିଭର ସପ୍ତମ କ୍ଳାସ ପରେ ପଢା ଛାଡି ଦେଲେ । ସେହି ସମୟରୁ ହିଁ ତାଙ୍କର ସଂଘର୍ଷର କାହାଣୀ ଆରମ୍ଭ ହୋଇଗଲା । ଫିଲ୍ମରେ ଅଭିନୟ କରିବା ପୂର୍ବରୁ ଜନି ଲିଭର ବିଭିନ୍ନ ପ୍ରକାରର ଚାକିରି କରିଥିଲେ । ପରିବାରର ଆର୍ଥିକ ସ୍ଥିତି ବି ଖରାପ ଥିଲା । ସେଥିପାଇଁ ପ୍ରଥମେ ପ୍ରଥମେ ଜନି ଲିଭର ମୁମ୍ବାଇ ରାସ୍ତାରେ ବୁଲି ବୁଲି ପେନ ବିକ୍ରି କରୁଥିଲେ ।
ଯେତେବେଳେ ସେ ମୁମ୍ବାଇର ଗଳି ଗଳି ବୁଲି ପେନ ବିକ୍ରି କରୁଥିଲେ ତେବେ ସେହି ସମୟରେ ସେ କିଛି ବଲୀଉଡ ଅଭିନେତାଙ୍କ ନକଲ ବି କରୁଥିଲେ । ସେ କଳାକାରଙ୍କ ଭଳି ଡାନ୍ସ ବି କରୁଥିଲେ । ଜନି ଲିଭରଙ୍କ ପିତା ତାଙ୍କୁ “ହିଂଦୁସ୍ତାନ ୟୁନିଲୀବର ଲିମିଟେଡ”ରେ ଅପରେଟର କାମରେ ଲଗାଇ ଦେଲେ । ଚାକିରି କରିବା ସମୟରେ ସେ ମିମିକ୍ରୀ ଓ କମେଡି ଦ୍ଵାରା ଲୋକମାନଙ୍କୁ ମନୋରଞ୍ଜନ କରୁଥିଲେ । କିଛି ବର୍ଷ ପରେ ଜନି ଲିଭରଙ୍କ ଭାଗ୍ୟ ଖୋଲି ଗଲା । ସେ ନିଜର ପୁରା ଧ୍ୟାନ କମେଡି ଉପରେ ଦେଲେ ଓ ଶେଷରେ ଏଥିରେ କ୍ୟାରିୟର କରିବେ ବୋଲି ଲକ୍ଷ ରଖିଲେ ।
ଏହା ମଧ୍ୟରେ ସୁଜାତାଙ୍କ ସହ ତାଙ୍କର ବିବାହ ବି ହୋଇ ସାରିଥିଲା, ତାଙ୍କର ଦୁଇଟି ସନ୍ତାନ ବି ଅଛି । ଫିଲ୍ମରେ ନିଜର କ୍ୟାରିୟର କରିବା ପାଇଁ ଜନି ଲିଭର ବହୁତ ସଂଘର୍ଷ ବି କରିଛନ୍ତି । ଶେଷରେ ଜନି ଲିଭର ୧୯୮୬ରେ ଆସିଥିବା ଫିଲ୍ମ ଲଭ ୮୬ରୁ ନିଜର ଅଭିନୟ କ୍ୟାରିୟର ଆରମ୍ଭ କରିଲେ । ଜନି ଲିଭର ନିଜର ଫିଲ୍ମି କ୍ୟାରିୟରରେ ପାଖାପାଖି ୩୫୦ରୁ ବି ଅଧିକ ଫିଲ୍ମରେ କାମ କରିଛନ୍ତି ।