ସମ୍ବଲପୁର ଜିଲ୍ଲା ନାକଟିଦେଉଳ ବ୍ଲକ, ବଲାଶିଙ୍ଘା ଗାଁ’ର ଯୁବ ବୈଜ୍ଞାନିକ ଶେଷ କିଶାନ । ଜନ୍ମମାଟି ବାଲାଶିଙ୍ଘାରୁ ଯାଇ ଜର୍ମାନରେ ଏବେ ବୈଜ୍ଞାନିକ ଭାବେ କାର୍ଯ୍ୟରତ ଅଛନ୍ତି । ସାଧାରଣ ଜୀବନଯାପନ ପ୍ରତି ରୁଚି ରଖିଥିବା ଏହି ଅନାଥ ଆଦିବାସୀ ଗରିବ ପିଲା ଶେଷ କିଶାନଙ୍କ ଜୀବନ ସଂଘର୍ଷ କାହାଣୀ ଆଜି ସମସ୍ତ ପାଇଁ ପ୍ରେରଣା ଯୋଗାଉଛି । ଛୋଟବେଳୁ ସମସ୍ତଙ୍କୁ ହରାଇ ଦେଇଦେବା କିଶାନ ଜର୍ମାନରେ ଥିବା ବେଳେ ବର୍ଷେ ତଳେ ନିଜ ଏକମାତ୍ର ଭଉଣୀକୁ ମଧ୍ୟ ହରାଇଛନ୍ତି ।
ଏହି କିଛିଦିନ ହେବ ଜର୍ମାନରୁ ଛୁଟିରେ ଆସି ଗାଁରେ ଥିବା ପୁରୁଣା କୁଡିଆ ଘର ଓ ଭଉଣୀଙ୍କ ପାଇଁ ନିଜ ଦରମାରେ ତିଆରି କରିଥିବା ଘରକୁ ଦେଖି ଭାବବିହ୍ଵଳ ହୋଇ ପଡିଥିଲେ । କାରଣ ଯାହାଙ୍କ ପାଇଁ ଏହି ଘର ତିଆରି କରିଥିଲେ ସେ ଆଉ ନାହାନ୍ତି । ତେବେ ଅନେକ ଦୁଃଖ ପରେ ଏବେ ଶେଷ କିଶାନଙ୍କ ଜୀବନରେ ଆସୁଛି ଆଉ ଗୋଟିଏ ଖୁସି । ତାଙ୍କୁ ମିଳିଛି ଜୀବନସାଥି ଟିଏ ।
ଗାଁ ସ୍କୁଲରୁ ପାଠପଢା ଆରମ୍ଭ କରି କିଛି ବଦାନ୍ୟ ବ୍ୟକ୍ତିଙ୍କ ସାହାଯ୍ୟ ସହଯୋଗରେ ଶେଷ କିଶାନ ନବୋଦୟ ସ୍କୁଲରୁ ଯୁକ୍ତ ଦୁଇ ପଢିଥିଲେ ଓ ତା’ପରେ ଭୁବନେଶ୍ବର ସ୍ଥିତ ନାଇଜରରେ ପଢିବା ପରେ ୨୦୧୮ ମସିହାରେ ଜର୍ମାନର ଏକ ନାମୀ ବିଶ୍ଵ ବିଦ୍ୟାଳୟରେ ଗବେଷକ ଭାବେ ନିଜ କାର୍ଯ୍ୟ ଆରମ୍ଭ କରିଥିଲେ । ଜର୍ମାନରେ ଥାଇ ମଧ୍ୟ ଗାଁରେ ପ୍ରାୟ ୧୭୦ ଜଣ ଗରିବ ପିଲାଙ୍କୁ ନିଜ ଉଦ୍ୟମରେ ଶିକ୍ଷା ନିଯୁକ୍ତି ଦେଇ ପାଠ ପଢାଇବା ସହ ସମସ୍ତ ପଢା ଖର୍ଚ୍ଚ ବହନ କରୁଛନ୍ତି ଶେଷ କିଶାନ ।
ଜୀବନସାଥିଙ୍କ ସହ ମିଶି ଆଗାମୀ ଅନେକ କିଛି ନିଜ ଗାଁ ମାଟି ପାଇଁ କରିବାର ସେ ସ୍ଵପ୍ନ ଦେଖିଛନ୍ତି । ତେବେ ମାଟ୍ରିମନିରୁ ପାଇଥିବା ଏହି ଜୀବନସାଥିଙ୍କୁ ନେଇ ଶେଷ ବହୁତ ଖୁସି ଅଛନ୍ତି । ବୈଜ୍ଞାନିକ ବାବୁ ଓଡିଶାର ଜଣେ ଝିଅଙ୍କୁ ନିଜ ଜୀବନସାଥୀ ଭାବେ ଗ୍ରହଣ କରିବେ ବୋଲି ଖବର ପାଇ ବହୁତ ଖୁସି ଅଛନ୍ତି ବୋଲି କହିଛନ୍ତି ତାଙ୍କ ଗ୍ରାମବାସୀ । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍କୁ ଲାଇକ କରନ୍ତୁ ।