ପାଗଳ ପରି ଦୁହେଁ ଦୁହିଁଙ୍କୁ ଭଲ ପାଉଥିଲେ ଆଉ ସୁନାର ସଂସାର ଗଢିବା ପାଇଁ ଅନେକ ସ୍ଵପ୍ନ ମଧ୍ୟ ଦେଖିଥିଲେ । ପରସ୍ପରକୁ ଏଥିପାଇଁ କେତେ କଥା ଦିଆନିଆ ଓ ଶପଥ କରିଥିଲେ । ଦୁହେଁ ମିଶି ନୂଆ ଜୀବନ ଟିଏ ଆରମ୍ଭ କରିବେ ବୋଲି ଭାବିଥିଲେ । କିନ୍ତୁ ସବୁ ସ୍ଵପ୍ନା ଭାଙ୍ଗି ଚୂନା ଚୂନା ହୋଇଯାଇଛି । ପ୍ରେମିକାଙ୍କୁ ଧୋକା ଦେଇଛି ପ୍ରେମିକ ଆଉ ପ୍ରେମିକା ବୁଝିପାରୁନି ତାକୁ ପ୍ରତାରିତ କରିବାର କାରଣ । ପ୍ରେମିକା ସୁଦୂର ଦିଲ୍ଲୀରେ ଯାଇ ରହୁଥିବା ବେଳେ ପ୍ରେମିକ ପଟ୍ଟାମୁଣ୍ଡାଇ ବାସିନ୍ଦା ଅଟନ୍ତି ।
ଦୁହିଁଙ୍କ ଘର ପଟ୍ଟାମୁଣ୍ଡାଇ ଗୋଗୁଆ ପଞ୍ଚାୟତ ବଡରାହାମା ଗାଁ’ ରେ । ପ୍ରେମିକା ଦେଇଥିବା ବୟାନ ଅନୁଯାୟୀ ଗତ ୨୬ ତାରିଖ ଦିନ ପ୍ରେମିକ କାନ୍ଦି କାନ୍ଦି ତାଙ୍କୁ ଭିଡିଓ କଲ୍ କରିଥିଲେ ଆଉ କହିଥିଲେ କି, ତାଙ୍କ ଘରଲୋକ ତାଙ୍କର ଜବରଦସ୍ତ ବିବାହ କରିବାକୁ ଯାଉଛନ୍ତି । ତେଣୁ ପ୍ରେମିକାଙ୍କୁ ତାଙ୍କ ପାଖକୁ ଆସିବା ପାଇଁ ସେ ଅନୁରୋଧ କରିଥିଲେ । ପ୍ରେମିକା ଆସିଲେ ସେମାନେ ଦୁହେଁ ମିଶି କୁଆଡେ ପଳେଇ ଯାଇ ବିବାହ କରିନେବେ ବୋଲି ଯୋଜନା ଥିଲା ।
ସବୁ ଶୁଣିବା ପରେ ପ୍ରେମିକା ବି ସାଙ୍ଗେ ସାଙ୍ଗେ ଫ୍ଲାଇଟ ଟିକେଟ ବୁକ୍ କରି ଆସି ପହଞ୍ଚିଥିଲେ ଭୁବନେଶ୍ବରରେ । ସେତେବେଳେ ସକାଳ ୬ଟା ହୋଇଥିଲା, ସେ ପହଞ୍ଚିବା ବେଳକୁ ପ୍ରେମିକ ସେଠାକୁ ଆସି ନଥିଲେ । କଲ୍ କରିବାରୁ ଏଠିକି ଯାଅ ସେଠିକି ଯାଅ କହି ୯ଟା ପର୍ଯ୍ୟନ୍ତ ତାଙ୍କୁ ଅନେକ ବୁଲାଇଥିଲେ ପ୍ରେମିକ । ଏହାପରେ ଜିତୁ ଭାଇ ନାମକ ଜଣେ ବ୍ୟକ୍ତିଙ୍କୁ ପଠାଇଥିଲେ ପ୍ରେମିକ । ସେ ଆସି ତାଙ୍କୁ ନେଇ ଯାଇଥିଲେ ।
ପ୍ରେମିକ କହିଥିଲେ କି ଏଠି ମୋ ଭାଇ ଭାଉଜ ରହୁଛନ୍ତି ସେମାନଙ୍କ ସହ ରହିବ କିଛି ଅସୁବିଧା ହେବ ନାହିଁ । କିନ୍ତୁ ସେଠି ପ୍ରେମିକଙ୍କ ଭଉଣୀ ଭିଣୋଇ ଥିବା ମଧ୍ୟ ସେ ଦେଖି ନେଇଥିଲେ । ତାଙ୍କୁ ମାରିବା ପାଇଁ ଯୋଜନା ହେଉଥିବା ନେଇ ତାଙ୍କର ସନ୍ଦେହ ଉପୁଜିଥିଲା । ଯାହାପରେ ସେ କୌଣସି ମତେ ସେଠାରୁ ଖସି ଆସିଥିଲେ ଓ ସିଧା ପୋଲିସ ଷ୍ଟେସନ ଯାଇଥିଲେ । ସେଠାରେ ସମସ୍ତଙ୍କ କଥା ବଖାଣିବା ସହ ପ୍ରେମିକଙ୍କ ଆଡୁ ତାଙ୍କ ଜୀବନ ପ୍ରତି ବିପଦ ଥିବା ନେଇ ଏକ ମାମଲା ମଧ୍ୟ ରୁଜୁ କରିଛନ୍ତି ପ୍ରେମିକା ।
ଏତେ ଭଲ ପାଇବା ପରେ ବି ପ୍ରେମିକ ତାଙ୍କ ସହ କାହିଁକି ଏତେ ବଡ ପ୍ରତାରଣା କଲେ ତା’ର ଉତ୍ତର ଖୋଜି ପାଉ ନାହାନ୍ତି ପ୍ରେମିକା । ପୋଲିସ ଏବେ କଣ କାର୍ଯ୍ୟାନୁଷ୍ଠାନ ନେଉଛି ତାହା ଦେଖିବାକୁ ବାକି ରହିଲା । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।