ଓଲିଉଡର ଗଉରା ଭାବେ ଓଡିଶାର ଘରେ ଘରେ ପରିଚିତ ହୋଇଥିବା ହୋଇଥିବା ଦକ୍ଷ ଅଭିନେତା ପିଣ୍ଟୁ ନନ୍ଦ ଆଉ ଆମ ଗହଣରେ ନାହାନ୍ତି । ତାଙ୍କ ମୃତ୍ୟୁରେ ଆଜି ସାରା ଓଡିଶା ଶୋକ କରୁଛି । ଆଜି ପିଣ୍ଟୁ ନନ୍ଦଙ୍କ ଅନ୍ତିମ ସଂସ୍କାର ହେବାକୁ ଥିବାବେଳେ ତାଙ୍କ ବିଷୟରେ କିଛି କଥା ମନେ ପକାଇଛନ୍ତି ଦିଗଜ ଅଭିନେତ୍ରୀ ନମ୍ରତା ଦାସ । ସେ ପିଣ୍ଟୁଙ୍କ ବିଷୟରେ କହିଛନ୍ତି କି, ପିଣ୍ଟୁ ନନ୍ଦ ଯେତେବଳେ ନୂଆ କରି ଫିଲ୍ମ ଇଣ୍ଡଷ୍ଟ୍ରିରେ ପାଦ ଦେଇଥିଲେ ସେତେବେଳେ ଆମେ ଏକାଠି “ସମାନ୍ତର” ନାମକ ଏକ ସୁନ୍ଦର ଧାରାବାହିକରେ ଅଭିନୟ କରିଥିଲୁ ।
ଯେଉଁଥିରେ ପିଣ୍ଟୁ ମୋର ପୁଅ ଭୂମିକାରେ ଅଭିନୟ କରିଥିଲା । ସେ ଟିକେ ଦୁଷ୍ଟ ହୁଏ ସିନା କିନ୍ତୁ କଳାକାର ବହୁତ ଭଲ ଥିଲା । ପିଣ୍ଟୁ ଖୁବ ଭଲ ଅଭିନୟ କରେ ଓ ଟା’ ସହ ମୁଁ ଅନେକ ଥର କାମ କରିଛି । ମୁଁ ଭାବେ ସେ ସେକେଣ୍ଡ ମିହିର ଦାସ ଓ ତାଙ୍କ ସ୍ଥାନ ପୂରଣ କରିବ । ହେଲେ ଚଣ୍ଡାଳ ନିଜେ ନିଜକୁ ନଷ୍ଟ କରିଦେଲା । କାହା କଥା ଶୁଣିଲାନି । ଶେଷଥର ପାଇଁ ଜଣେ ଓଡିଆ ଲେଖକଙ୍କ ମୃତ୍ୟୁ ବେଳେ ଟା’ ସହ ମୋର ଦେଖା ହୋଇଥିଲା ।
ସେଠି ମୁଁ ତାକୁ ଗାଳି ଦେବାରୁ ସେ ମୋତେ କହିଲା, ତୋର ଆଉ କିଛି ନାହିଁ ଖାଲି କେତେବେଳେ ମଦ ଖାଇଲି ଗୁଟଖା ଖାଇଲି ଏଇଆ ଦେଖ । ଏହାର ଉତ୍ତରରେ ନମ୍ରତା ତାଙ୍କୁ କହିଥିଲେ, ହଉ ନ ଶୁଣୁ ସମୟ ଆସିଲେ ଆପେ ବୁଝିବୁ । ହେଲେ ସେ ଏତେ ଶୀଘ୍ର ବୁଝିଯିବ ବୋଲି ମୁଁ ଭାବି ନଥିଲି । ଏତିକି କହିବା ବେଳେ ନମ୍ରତାଙ୍କ ଆଖି ଛଳଛଳ ହୋଇ ଯାଇଥିଲା ।
ପିଣ୍ଟୁ ନନ୍ଦ ସବୁବେଳେ ସମସ୍ତଙ୍କ କଥାକୁ ଥଟ୍ଟାମଜାରେ ନେଇଯାନ୍ତି ବୋଲି ମଧ୍ୟ ସେ କହିଛନ୍ତି । ଏବେ ତ ଆଉ ପିଣ୍ଟୁ ନାହିଁ ତେଣୁ ସେ କଣ ବଦମାସୀ କରୁଥିଲା ସେଗୁଡା ଆଉ ଦେଖିବା ଠିକ ନୁହେଁ । ସେ ବହୁତ ଭଲ ମଣିଷ ଥିଲା ଓ ଖୁବ ଭଲ କଳାକାର ଥିଲା । ସେ ମିହିର ଦାସଙ୍କ ଭଳି ସିନିୟର କଳାକାରଙ୍କ ଅଭିନୟକୁ ଏକଦମ ଟିକିନିଖି କରି ଦେଖେ ଓ ତାକୁ ଦେଖି ବହୁତ ଖୁସି ଲାଗେ କି ଏତେ ଭଲ କଳାକାର ଆମ ଇଣ୍ଡଷ୍ଟ୍ରିରେ ଅଛି ।
ହେଲେ ସେ ହଠାତ ଏମିତି ଚାଲିଯିବ ବୋଲି ଆମେ କେବେବି ଆଶା କରି ନଥିଲୁ । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।