ଯେଉଁ ଘରେ ଅନୁଭବଙ୍କ ପିଲାଦିନ କଟିଛି ସେହି ପୈତୃକ ଘରେ ପ୍ରବେଶ କରିବାକୁ ଅନୁଭବଙ୍କୁ ବାରଣ କରା ଯାଇଥିଲା । ସମସ୍ତ ଆଇନଗତ ପ୍ରକ୍ରିୟା ଶେଷ ହେବା ପରେ ଯାଇ ଅନୁଭବଙ୍କୁ ଘରେ ପ୍ରବେଶ କରିବାକୁ ଅନୁମତି ସହ ଘର ଚାବି ମଧ୍ୟ ମିଳିଛି । କାମରୁ ଫୁରସତ ମିଳିବା ପରେ ପିଲାଦିନର ସବୁ ସ୍ମୃତିକୁ ସାଉଁଟି ରଖିଥିବା ସେହି ଘରକୁ ପ୍ରବେଶ କରିଛନ୍ତି ଅନୁଭବ । ଘରର ତାଲା ଖୋଲୁ ଖୋଲୁ ସେ ବେଶ ଭାବବିହ୍ଵଳ ହୋଇ ପଡିଥିଲେ ।
ଦୁଆରବନ୍ଧ ମାଟି ନେଇ ମୁଣ୍ଡରେ ମାରିବା ସହ ମୁଖ୍ୟଦ୍ଵାରର ଉଭୟ ଡାହାଣ ଓ ବାମ ଦୁଆରବନ୍ଧକୁ ଛୁଇଁ ପ୍ରଣାମ କରିଛନ୍ତି । ଅନୁଭବଙ୍କ ଆଖି କହି ଦେଉଛି କି ସେହି ଘର ପ୍ରତି ତାଙ୍କର କେତେ ପ୍ରେମ ରହିଛି ଓ କେତେ ସ୍ମୃତି ସେହି ଘରେ ରହିଛି । ସେହି ଘରେ ପତ୍ନୀ ବର୍ଷା ପ୍ରିୟଦର୍ଶିନୀ ଏକାକୀ ରହୁଥିଲେ । ପାରିବାରିକ ବିବାଦ ଯୋଗୁଁ ଅନୁଭବ ଗତ ଦୁଇ ବର୍ଷ ହେବ ପରିବାର ସହ ଭଡାଘରେ ଯାଇ ରହୁଥିଲେ । ହାଇକୋର୍ଟଙ୍କ ନିର୍ଦ୍ଦେଶ ପରେ ବର୍ଷା ଘର ଛାଡିବା ସହ ଚାବି ଫେରାଇଥିଲେ ।
ଆଉ ଚାବି ପାଇବା ପରେ କାମ ସାରି ଅନୁଭବ ପାହାନ୍ତାରୁ ସେହି ଘରକୁ ଯାଇଛନ୍ତି । ଯାହାର ଏକ ଭିଜୁଆଲ ଦେଖିବାକୁ ମିଳୁଛି । ଘରେ ପ୍ରବେଶ କରିବା ପରେ ଅନୁଭବ ବେଶ ଭାବବିହ୍ଵଳ ହୋଇ ପଡିଛନ୍ତି । କୋହ ସମ୍ଭାଳିବା ଏତେ କଷ୍ଟ ଥିଲା ଯେ ସେ ଭୋ ଭୋ ହୋଇ କାନ୍ଦି ପକାଇଥିଲେ । ଅମାନିଆ ଲୁହ ସବୁ ଆଖି ବନ୍ଧ ଡେଇଁ ଗଡି ଆସିଥିଲେ ।
ଆଉ ଏସବୁ କ୍ୟାମେରା ଆଗରେ ଯେତେ ଲୁଚାଇବାକୁ ଚେଷ୍ଟା କଲେ ମଧ୍ୟ ସବୁକିଛି ସଫା ସଫା ବାରି ହୋଇପଡୁଛି । ଗତ ନଭେମ୍ବର 2 ତାରିଖ ସୁଦ୍ଧା ଅନୁଭବଙ୍କ ଘରର ଚାବି ଫେରାଇବାକୁ ହାଇକୋର୍ଟ ବର୍ଷାଙ୍କୁ ନିର୍ଦ୍ଦେଶ ଦେଇଥିଲେ । ବର୍ଷା ଚାବି ନେଇ କୋର୍ଟରେ ଜମା କରିଥିଲେ । ଆଉ କୋର୍ଟରୁ ନିଜ ଘର ଚାବି ପାଇବା ପରେ ଶୁଟିଙ୍ଗ ସେଟରୁ ଫେରି ସିଧା ନିଜ ଘରକୁ ଆସିଥିଲେ ଅନୁଭବ ।
ଅନୁଭବଙ୍କ ଭାବବେଗ ଦେଖି ପାଖରେ ଥିବା ତାଙ୍କ ସହକର୍ମୀ ମାନେ ମଧ୍ୟ ଭାବୁକ ହୋଇ ଯାଇଥିଲେ । ଜଣେ ସାଂସଦ ଓ ସୁପରଷ୍ଟାରଙ୍କ ହୃଦୟ ଯେ ଏତେ କୋମଳ ହୋଇପାରେ ଏହି ଦୃଶ୍ୟ ଦେଖିବା ପରେ ଆପଣ ବି ବାରି ପାରୁଥିବେ । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।