ଫିଲ୍ମ ଇଣ୍ଡଷ୍ଟ୍ରିରୁ ପୁଣି ଏକ ଦୁଃଖଦ ଖବର ଆସୁଛି । ମଦର ଇଣ୍ଡିଆ, କୋହିନୁର, ଏକ ସପେରା ଭଳି ଚଳଚ୍ଚିତ୍ରରେ କାମ କରିଥିବା ଦିଗ୍ଗଜ ଅଭିନେତ୍ରୀ କୁମକୁମଙ୍କର ଦେହାନ୍ତ ହୋଇ ଯାଇଛି । ମୃତ୍ୟୁ ବେଳକୁ ତାଙ୍କୁ 86 ବର୍ଷ ବୟସ ହୋଇଥିଲା । ଜନି ୱାକରଙ୍କ ପୁଅ ନାସିର ଖାନ ତାଙ୍କ ଟ୍ୱିଟର ହ୍ୟାଣ୍ଡେଲରେ ଅଭିନେତ୍ରୀଙ୍କ ଦେହାନ୍ତର ସୂଚନା ଦେଇଛନ୍ତି । ତେବେ ତାଙ୍କର କିପରି ଦେହାନ୍ତ ହୋଇଛି ସେ ବିଷୟରେ ନାସିର କିଛି ଲେଖି ନାହାଁନ୍ତି ଓ ନା ଏପର୍ଯ୍ୟନ୍ତ କୌଣସି ସୂଚନା ସାମ୍ନାକୁ ଆସିଛି ।
ନାସିର ତାଙ୍କ ଟ୍ୱିଟର ଆକାଉଣ୍ଟରେ ଜନି ୱାକର ଏବଂ କୁମକୁମଙ୍କ ଏକ ଫଟୋ ସେୟାର କରିଛନ୍ତି ଯେଉଁଥିରେ ସେ ଲେଖିଛନ୍ତି ଯେ ‘ଗତ ଜମାନାର ଫିଲ୍ମ ଆକ୍ଟ୍ରେସ କୁମକୁମ ଆଣ୍ଟିଙ୍କର ଦେହାନ୍ତ ହୋଇଛି, ସେ 86 ବର୍ଷର ଥିଲେ । ସେ ଅନେକ ଫିଲ୍ମ ରେ କାମ କରିଥିଲେ, ସେ ଅନେକ ଗୀତରେ ଅଭିନୟ କରିଥିଲେ ଓ ସେ ଅନେକ ଗୀତରେ ନାଚିଥିଲେ । ସେ ପାପା ଜନି ୱାକରଙ୍କ ଅପୋଜିଟ ରେ ଅନେକ ଫିଲ୍ମ ମଧ୍ୟ କରିଥିଲେ ।
yesteryear's film actress KUMKUM aunty, passed away, she was 86. she did so many films; songs & dances where picturized on her. did so many movies opposite dad #johnnywalker pic.twitter.com/Me63j4pd1Z
— Nasirr Khan (@khanasirr) July 28, 2020
ନାବେଦ ଜାଫ୍ରି ବି ସମବେଦନା ଜଣାଇଛନ୍ତି
ଅଭିନେତା ତଥା ନୃତ୍ୟଶିଳ୍ପୀ ନାଭେଦ୍ ଜାଫ୍ରି ଟ୍ୱିଟ୍ କରି କହିଛନ୍ତି, ‘ଆମେ ଆଉ ଜଣେ ଦିଗ୍ଗଜ କଳାକାରଙ୍କୁ ହରାଇଛୁ । ମୁଁ ବହୁତ ଛୋଟ ବେଳରୁ ତାଙ୍କୁ ଜାଣିଥିଲି । ସେ ପରିବାର ସଦସ୍ୟ ପରି ଥିଲେ । ସେ ଜଣେ ବହୁତ ଭଲ କଳାକାର ଓ ଭଲ ମଣିଷ ମଧ୍ୟ ଥିଲେ । ଭଗବାନ ତୁମ ଆତ୍ମାକୁ ଶାନ୍ତି ଦିଅନ୍ତୁ କୁମକୁମ ଆଣ୍ଟି ‘ । ନିଜ ଟ୍ୱିଟରେ ନାବେଦ ଏକ ପ୍ରାର୍ଥନା ବି ଲେଖିଛନ୍ତି ।
We have lost another gem. I have known her since I was a kid and she was family, a superb artist and a fantastic human being, innalillahe wa innailaihe raajeoon. Rest in peace kunkum aunty 🙏 #ripkumkum #kumkum pic.twitter.com/CT60alQbOC
— Naved Jafri (@NavedJafri_BOO) July 28, 2020
ଆପଣଙ୍କୁ କହି ଦେଉଛୁ କି କୁମକୁମ1954 ରେ ଜଣେ ନୃତ୍ୟଶିଳ୍ପୀ ଭାବରେ ବଲିଉଡରେ ପ୍ରବେଶ କରିଥିଲେ । ଫିଲ୍ମ ‘ଆର୍ ପାର୍’ ର ଗୀତ ‘କଭି ଆର କଭି ପ୍ୟାର ଲଗା ତୀରେ ନଜର’ ରେ କୁମକୁମ ନଜର ଆସିଥିଲେ ।
ଏହା ପରେ ସେ ମଦର ଇଣ୍ଡିଆ, କୋହିନୁର, ଉଜାଲା, ନୟା ଦୌର, ସପେରା, ଲୁଟେରା, ରାଜା ଔର ରଙ୍କ, ଗୀତ, ଲଲକାର ଭଳି ଅନେକ ଫିଲ୍ମରେ ଅଭିନୟ କରିଥିଲେ । ଏହା ବ୍ୟତୀତ କୁମକୁମ ଭୋଜପୁରୀ ଫିଲ୍ମ Ganga Maiyya Tohe Piyari Chadhaibo ମଧ୍ୟ କରିଛନ୍ତି, ଏହି ଫିଲ୍ମ 1963 ମସିହାରେ ରିଲିଜ ହୋଇଥିଲା ।
ଦେଶ ଦୁନିଆର ଟିକନିକ ଖବର ବିଷୟରେ ଅପଡେଟ ରହିବା ପାଇଁ ପେଜକୁ ଲାଇକ କରନ୍ତୁ ।