ଆମ ଶରୀରରେ ତ୍ଵଚ ସମ୍ବନ୍ଧୀୟ କିଛି ସମସ୍ଯା ଦେଖା ଦେଲେ ଏହାର ଉପଚାର ପାଇଁ ଆମେ ଅନେକ ଔଷଧ ସେବନ କରିଥାଉ ଏବଂ କ୍ରିମ ମଧ୍ୟ ଲଗାଇଥାଉ । ଅନେକ ସମୟରେ ଯେତେ ଟଙ୍କା ଖର୍ଚ୍ଚ କଲେ ମଧ୍ୟ ଆମ ତ୍ଵଚା ସମସ୍ଯା ଠିକ ହୁଏ ନାହିଁ । ତେବେ ତ୍ଵଚାରେ ହେଉଥିବା ସମସ୍ୟାର ଏକ ଘରୋଇ ଉପଚାର ଆମେ ଆଜି ଆପଣଙ୍କ ପାଇଁ ନେଇ ଆସିଛୁ । ଯାହା କରିବା ଦ୍ଵାରା ଆପଣଙ୍କ ତ୍ଵଚା ସମସ୍ଯା ଏକଦମ ଭଲ ହୋଇଯିବ ।
ଭଲରେ ପେଟ ସଫା ନହେବା, ଅଧିକ ଚିନ୍ତା କରିବା ଓ ଅଧିକ ମସଲା ଜାତୀୟ ଖାଦ୍ଯ ଖାଇବା ଯୋଗୁଁ ଆମ ତ୍ଵଚାରେ ସମସ୍ଯା ଦେଖା ଦେଇଥାଏ । ଠିକ ଭାବେ ନ ଶୋଇବା ମଧ୍ୟ ଏହାର ଅନ୍ୟ ଏକ କାରଣ । ଏହାସହ ଆମ ରକ୍ତ ଯଦି ଶୁଦ୍ଧ ନ ରହିବ ତେବେ ମଧ୍ୟ ତ୍ଵଚା ଜନିତ ସମସ୍ଯା ଦେଖାଦେବ । ତେଣୁ ଆମ ରକ୍ତକୁ ସଫା ରଖିବା ପାଇଁ ସବୁଜ ପନିପରିବା ସେବନ କରିବା ସହ ପ୍ରଚୁର ପରିମାଣରେ ପଣି ମଧ୍ୟ ପିଇବା ଉଚିତ । ଏହାସହ ତେଲ ମସଲା ଜାତୀୟ ଖାଦ୍ଯ ଖାଇବା କମ୍ କରିଦେବା ଉଚିତ ।
ତ୍ଵଚା ଖରାପ ହେବାର ଆଉ ଏକ କାରଣ ହେଉଛି ଆମେ ନିଜକୁ ସୁନ୍ଦର କରିବା ପରେ ଅନେକ ପ୍ରକାରର ମେକଅପ୍ ସାମଗ୍ରୀ ଆମ ଚେହେରାରେ ଲଗେଇ ଥାଉ । କାହାଫଳରେ ସେଥିରେ ମିଶି ରହିଥିବା କେମିକାଲ ଆମ ତ୍ଵଚାକୁ ଖରାପ କରି ଦେଇଥାଏ ।
ଏହା ଯୋଗୁଁ ଆମ ଚେହେରାରେ ନାଲି ଦାଗ ହେବା, ବ୍ରଣ ହେବା କିମ୍ବା ଚେହେରା ମଳିନ ପଡିବା ଭଳି ସମସ୍ଯା ଦେଖା ଦେଇଥାଏ । ତେବେ ଆଜି ଆମେ ଆପଣଙ୍କୁ ଯେଉଁ ଘରୋଇ ଉପଚାର ବିଷୟରେ କହିବାକୁ ଯାଉଛି ତାହାର ବ୍ୟବହାର କରିବା ଦ୍ଵାରା ଆପଣଙ୍କର ତ୍ଵଚା ସମ୍ବନ୍ଧିତ ସମ୍ବନ୍ଧିତ ସମସ୍ଯା ଏକା ଥରେ ଭଲ ହୋଇଯିବ । ଏହି ଉପଚାର ପ୍ରସ୍ତୁତ କରିବା ପାଇଁ ଆପଣ ଏକ କଞ୍ଚା ଆଳୁ ନିଅନ୍ତୁ ଓ ଏହାକୁ ଭଲ ଭାବେ ଧୋଇ ଚୋପାକୁ ଭଲ ଭାବେ ଛଡେଇ ଦିଅନ୍ତୁ ।
ଏହାପରେ ଆପଣ ଏହି ଆଳୁକୁ ଛୋଟ ଖଣ୍ଡରେ କାଟି ଦିଅନ୍ତୁ ଓ ଏହାକୁ ଗ୍ରାଇଣ୍ଡିଙ୍ଗ ଜାର୍ ରେ ଗ୍ରାଇଣ୍ଡିଙ୍ଗ କରି ଦିଅନ୍ତୁ । ଏହାପରେ ଆପଣ ଏକ କପଡା ସାହାଯ୍ୟରେ ଛାଣି ଆଳୁର ରସ ବାହାର କରି ଦିଅନ୍ତୁ । ଏହାପରେ ଆପଣଙ୍କୁ ଦରକାର ହେବ କଫି ଏବଂ ମହୁ ।
ଏହି ଆଳୁ ରସରେ ଅଧା ଚାମୁଚ କଫି ପକାନ୍ତୁ ଓ ଅଳ୍ପ ମହୁ ପକାଇ ଭଲ ଭାବେ ମିଶାଇ ଦିଅନ୍ତୁ । ଏହାପରେ ତୁଳା ସାହାଯ୍ୟରେ ଏହାକୁ ମୁହଁରେ ଲଗାନ୍ତୁ ଓ ୫ ମିନିଟ ପରେ ମୁହଁ ଧୋଇ ଦିଅନ୍ତୁ । ଏହି ଉପଚାରକୁ ନିୟମିତ ଭାବେ ବ୍ୟବହାର କରିବା ଦ୍ଵାରା ଚେହେରା ଉଜ୍ଜ୍ଵଳ ହୋଇଥାଏ ଓ ତ୍ଵଚା ଜନିତ ଅନ୍ୟ ସମସ୍ଯା ମଧ୍ୟ ଦୂର ହୋଇଯାଏ । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।