ପୁତୁରା ବୋହୂକୁ ପିଇବାକୁ ପାଣି ମାଗିଲା ଆଉ ବୋହୂ ପାଣି ନେଇ ଆସିବା ପରେ ମାଡି ବସିଲା ମଉସା ଶ୍ଵଶୁର । ଏଭଳି ଏକ ନିନ୍ଦନୀୟ ଘଟଣା ଦେଖିବାକୁ ମିଳିଛି ପୁରୀ ଜିଲ୍ଲା ନିମାପଡା ଥାନା ମିଟେଇପୁର ପଞ୍ଚାୟତର ମାଳିଆ ସାହି ଗାଁରେ । ମିଳିଥିବା ସୂଚନା ଅନୁସାରେ ପୀଡ଼ିତା ଝିଆରୀ ବୋହୂ ଘରେ ଥିବାବେଳେ ସେଠାରେ ଆସି ପହଞ୍ଚିଥିଲେ ଭିଲି ଗ୍ରାମ ପଞ୍ଚାୟତ ଅନ୍ତର୍ଗତ ସାହୁପଡା ଗାଁର ମଉସା ଶ୍ଵଶୁର ପ୍ରଭାକର ଦାସ । ମଉସାଙ୍କ ବୟସ ପାଖାପାଖି 62 ବର୍ଷ ହେବ ।
ମା’ ରେ ଘରେ କେହି ଅଛନ୍ତି କି ବୋଲି ସେ ପ୍ରଥମେ ଝିଆରୀ ବୋହୂକୁ ପଚାରିଥିଲେ । ଝିଆରୀ ବୋହୂ କହିଥିଲେ, ନା ମଉସା ଘରେ କେହି ନାହାନ୍ତି । ତା’ପରେ ପିଇବା ପାଇଁ ପାଣି ମାଗିଥିଲେ ମଉସା । ଝିଆରୀ ବୋହୂ ମଉସାଙ୍କୁ ପାଣି ଦେବା ପରେ ମଉସା ଶ୍ଵଶୁର କହିଥିଲେ ତାଙ୍କ ମୁଣ୍ଡ ବୁଲାଉଛି ଗୋଡ ହାତ ଟିକେ ମୋଡି ଦେବ । ଝିଆରୀ ବୋହୂ ମଉସା ଶ୍ଵଶୁରର ଗୋଡ ହାତ ମୋଡି ଦେଉଥିବା ବେଳେ ବୃଦ୍ଧ ମଉସା ତାଙ୍କ ପାଟି ବନ୍ଦ କରି ଦୁଇ ଥର ତାଙ୍କ ସହ ଦୁ-ଷ-କ-ର୍ମ କରିଥିବା ଅଭିଯୋଗ କରିଛି ବୋହୂ ।
କେବଳ ଏତିକି ନୁହେଁ ବରଂ ଝିଆରୀ ବୋହୂ ବେକରେ ଛୁରି ଲଗାଇ ଏକଥା କାହାକୁ କହିଲେ ଜୀବନରେ ମା-ରି ଦେବାକୁ ମଧ୍ୟ ଧମକ ଦେଇଥିଲେ ମଉସା ଶ୍ଵଶୁର । ସ୍ଵାମୀ ଘରକୁ ଫେରିବା ପରେ ତାଙ୍କ ଆଗରେ କାନ୍ଦି କାନ୍ଦି ସବୁ କହିଥିଲେ ବୋହୂଜଣକ । ପରେ ଉଭୟ ସ୍ଵାମୀ ସ୍ତ୍ରୀ ଯାଇ ଶ୍ଵଶୁରଙ୍କ ନାଁରେ ନିମାପଡା ଥାନାରେ ଲିଖିତ ଅଭିଯୋଗ କରିଛନ୍ତି ।
ଯାହାପରେ ପୋଲିସ ଏକ ମାମଲା ରୁଜୁ କରି ବୋହୂଙ୍କ ଡାକ୍ତରୀ ମାଇନା କରିବା ସହ ତାଙ୍କ ବୟାନ ମଧ୍ୟ ରେକର୍ଡ କରିଛି । ହେଲେ ଏନେଇ ତିନି ଚାରିଦିନ ବିତି ଯାଇଥିଲେ ମଧ୍ୟ ପୋଲିସ କୌଣସି କାର୍ଯ୍ୟାନୁଷ୍ଠାନ ନିଆ ଯାଇ ନଥିବା ଅଭିଯୋଗ କରିଛନ୍ତି ପୀଡ଼ିତା । ଅଭିଯୁକ୍ତ ବୃଦ୍ଧ ମଉସା ଶ୍ଵଶୁରଙ୍କୁ ଶୀଘ୍ର ଗି-ର-ଫ କରିବା ପାଇଁ ସେ ଦାବି କରିଛନ୍ତି ।
କିଛି ପ୍ରଭାବଶାଳୀ ଲୋକ ଏହି ଘଟଣାକୁ ଚାପିବା ପାଇଁ ଚେଷ୍ଟା କରିବା ସହ ଅଭିଯୁକ୍ତଙ୍କୁ ସୁରକ୍ଷା ଦେଉଥିବା ମଧ୍ୟ ସେମାନେ ଅଭିଯୋଗ କରିଛନ୍ତି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।