ଆମ ସମାଜରେ କିନ୍ନର ମାନଙ୍କୁ ଘରଠାରୁ ଅଲଗା ରଖିବାର ପରମ୍ପରା ରହିଛି । ପିଲା ଜନ୍ମ ହେଲେ କିମ୍ବା କାହାର ବିବାହ ହେଲେ କିନ୍ନରମାନେ ଘରକୁ ଆସି ଆଶୀର୍ବାଦ ଦିଅନ୍ତି । କିନ୍ତୁ କେବେ କେବେ ମଣିଷପଣିଆ ଦେଖାଇବା ପାଇଁ ମଧ୍ୟ ଏମାନେ ଘରକୁ ଆସିଥାନ୍ତି । ଏହି କଥାକୁ ସତ ସାବ୍ୟସ୍ତ କରି ମଧ୍ୟପ୍ରଦେଶର ମୁରେନାରେ ରହୁଥିବା ଏହି କିନ୍ନରଙ୍କ ବିଷୟରେ ଜାଣିଲେ ଆପଣ ବି ସାବାସୀ ଦେବେ । କିନ୍ନରଙ୍କ ଏହିଭଳି ମଣିଷପଣିଆ ଦେଖି ଏବେ ସମସ୍ତେ ବାଃ ବାଃ କରୁଛନ୍ତି ।
ଏହି କିନ୍ନର ମାନେ ଜଣେ ବେସାହାରା ବୃଦ୍ଧ ମାଆଙ୍କ ଝିଅ ବାହାଘରରେ ଏକ ଗୁରୁତ୍ୱପୂର୍ଣ୍ଣ ରଶମ ନିଭାଇଛନ୍ତି । ଆଉ ବିବାହ ପରେ ସେହି ଝିଅଙ୍କ ପିଲା ଜନ୍ମ ହେବା ପରେ ମାମୁଁ ମାଇଁର ରଶମ ମଧ୍ୟ ନିଭାଇବା ସହ ଭଣଜାକୁ ଦାମୀ ଉପହାର ଦେଇଛନ୍ତି । ସୂଚନାନୁଯାୟୀ ଅମ୍ବାହର ପ୍ରତାପ କଲୋନୀରେ ରହୁଥିବା ଡୋଙ୍ଗର ସିଂ ଯାଦବଙ୍କ ମୃତ୍ୟୁ ଦୁଇ ବର୍ଷ ପୂର୍ବେ ହୋଇ ଯାଇଥିଲା । ସ୍ଵାମୀଙ୍କ ମୃତ୍ୟୁ ପରେ 60 ବର୍ଷୀୟ ପତ୍ନୀ ଚରଣଦେବୀ, ଝିଅ ପୁନମ ଓ ଦିବ୍ୟାଙ୍ଗ ପୁଅଙ୍କ ସାମ୍ନାରେ ବଡ ସଙ୍କଟ ଠିଆ ହୋଇଥିଲା ।
ସମ୍ପର୍କୀୟଙ୍କ ସହାୟତାରେ ଚରଣଦେବୀ ଝିଅର ବିବାହ ଗତବର୍ଷ ମାର୍ଚ୍ଚ ମାସରେ ଧାର୍ଯ୍ୟ କରିଥିଲେ । ପୁଅ ଦିବ୍ୟାଙ୍ଗ ହୋଇଥିବାରୁ “ଭାତ କି ରଶମ”କିଏ ନିଭାଇବା ବୋଲି ସେମାନେ ଚିନ୍ତାରେ ପଡି ଯାଇଥିଲେ । ସେପଟେ ଏହି ବିବାହ ଖବର ପାଇବା ପରେ ରାବିୟା କିନ୍ନର ତାଙ୍କ ଟିମ୍ ଙ୍କ ସହ ଯାଇ ସେଠାରେ ପହଞ୍ଚିଥିଲେ । କିନ୍ତୁ ଚରଣଦେବୀ ଯେତେବେଳେ ସେମାନଙ୍କ ଅସୁବିଧା କଥା ତାଙ୍କୁ ଜଣାଇଥିଲେ ରାବିୟା ନିଜେ ଭାଇ ହୋଇ ଏହି ରଶମ ନିଭାଇବାକୁ ନିଷ୍ପତ୍ତି ନେଇଥିଲେ ।
ଏହି ରଶମ ପୂରଣ କରିବା ପାଇଁ ରାବିୟା ଭାଇର କର୍ତ୍ତବ୍ୟ ତୁଲାଇ ହଜାରରୁ ଅଧିକ ଟଙ୍କା ପୁନମଙ୍କ ଶ୍ଵଶୁର ଘରକୁ ପଠାଇଥିଲେ । ବିବାହ ପରେ ପୁନମ ନିଜ ଶ୍ଵଶୁର ଘରେ ଖୁସିରେ ରହିବାକୁ ଲାଗିଲେ । କିଛିଦିନ ପରେ ଯେତେବେଳେ ପୁନମଙ୍କ ପିଲା ଜନ୍ମ ହେବା ଖବର ରାବିୟା ଜାଣିବାକୁ ପାଇଲେ ସେ ଯାଇ ପୁଣି ଥରେ ଭାଇର କର୍ତ୍ତବ୍ୟ ନିଭାଇଥିଲେ ।
ରାବିୟା କିନ୍ନର ଓ ତାଙ୍କ ସାଥି କିନ୍ନର ମାନେ ମିଶି ଭଣଜା ପାଇଁ ସାମାଜିକ ରଶମ ପୂରଣ କରିଥିଲେ । ସେମାନେ “ପଚ୍” ଅର୍ଥାତ ପିଲା ଜନ୍ମ ହେବା ପରେ ବାପଘର ତରଫରୁ ଦିଆ ଯାଉଥିବା ଜିନିଷର ରଶମ ନିଭାଇଛନ୍ତି । କିନ୍ନର ନିଜ ସାଥିମାନଙ୍କ ସହଯୋଗରେ ପ୍ରାୟ ୬୦ ରୁ ୭୦ ହଜାର ଟଙ୍କାର ରଶମ ଜିନିଷ ଚରଣଦେବୀଙ୍କୁ ଦେଇଛନ୍ତି ।
ଯେପରି ସେ ଝିଅର ଶାଶୁଘର ଯାଇ ସେହି ସବୁ ସାମଗ୍ରୀ ତାଙ୍କୁ ଦେଇପାରିବେ । କିନ୍ନରମାନଙ୍କ ଏହିପରି ସାହାଯ୍ୟ ମନୋଭାବକୁ ଲୋକମାନେ ମଣିଷପଣିଆର ଏକ ମିଶାଲ ବୋଲି କହୁଛନ୍ତି । ଲୋକମାନେ ଏହି କିନ୍ନରଙ୍କ ପ୍ରଶଂସା କରିବା ସହ ସେମାନଙ୍କୁ ହୃଦୟର ସହ ପ୍ରାର୍ଥନା ମଧ୍ୟ ଦେଉଛନ୍ତି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।