ଅଅଁଳାରେ ଭିଟାମିନ-ସି ଓ ଆଇରନ ପ୍ରଚୁର ମାତ୍ରାରେ ରହିଥାଏ । ଅଅଁଳା ଆମ ଶରୀର ଓ ସ୍ୱାସ୍ଥ୍ୟ ପାଇଁ ଅତ୍ୟନ୍ତ ଲାଭଦାୟୀ ଅଟେ । କିଏ ଏହାକୁ କଞ୍ଚା ଖାଇବାକୁ ପସନ୍ଦ କରିଥାନ୍ତି ତ ଆଉ କିଏ ଆଚାର କିମ୍ବା ଜୁସ୍ ପ୍ରସ୍ତୁତ କରି ସେବନ କରିବାକୁ ପସନ୍ଦ କରିଥାନ୍ତି । ତେବେ ଆଜି ଆମେ ଆପଣଙ୍କୁ ସକାଳୁ ଖାଲି ପେଟରେ ଅଅଁଳା ଖାଇବା ଏବଂ ଅଅଁଳା ଜୁସ୍ ପିଇବାର ଫାଇଦା ବିଷୟରେ ଜଣାଇବୁ । କାରଣ ଆମ ଶରୀରରେ ପ୍ରତିଦିନ ଭିଟାମିନ-ସି ଓ ଆଇରନର ଆବଶ୍ୟକତା ହୋଇଥାଏ ।
ଅଅଁଳା ଜୁସ୍ ପିଇବା ଦ୍ଵାରା ପାଚନଶକ୍ତି ଭଲ ରହିଥାଏ । ଯାହାଦ୍ଵାରା ପେଟ ଭଲଭାବେ ସଫା ହେବା ସହ କୋଷ୍ଠକାଠିନ୍ୟ ସମସ୍ଯା ହୁଏନାହିଁ । ଏଥିରେ ଥିବା ଭିଟାମିନ-ସି ଆମ ଶରୀରର ରୋଗ ପ୍ରତିରୋଧକ ଶକ୍ତିକୁ ମଜବୁତ କରିଥାଏ । ସେଥିପାଇଁ ଏହି ଜୁସ୍ ପିଇଲେ ଆପଣଙ୍କୁ ସହଜରେ ଥଣ୍ଡା କାଶ ପରି ରୋଗ ହେବନାହିଁ । ପ୍ରତିଦିନ ଅଅଁଳା ଜୁସ୍ ପିଇବା ଦ୍ଵାରା ଶରୀରରେ ଖରାପ କୋଲେଷ୍ଟ୍ରୋଲର ମାତ୍ର କମ୍ ହୋଇଥାଏ ଓ ଭଲ କୋଲେଷ୍ଟ୍ରୋଲ ବଢିଥାଏ ଏବଂ କୋଲେଷ୍ଟ୍ରୋଲ ସ୍ତର ନିୟନ୍ତ୍ରଣରେ ରହିଥାଏ ।
ଅଅଁଳା ଆମ ରକ୍ତକୁ ପରିଷ୍କାର ରଖିବାରେ ସାହାଯ୍ୟ କରେ । ଯଦି ଏଥିରେ ଅଳ୍ପ ମହୁ ମିଶାଇ ସେବନ କରିବେ ତେବେ ଏହା ଆପଣଙ୍କ ରକ୍ତ ସଫା କରିବାରେ ଆହୁରି ଅଧିକ ସାହାଯ୍ୟ କରିଥାଏ । ଅଅଁଳା ରସ ଆମ କେଶକୁ ମଧ୍ୟ ଲମ୍ବା, କଳା ଓ ଘନ କରିବାରେ ସାହାଯ୍ୟ କରିଥାଏ । ପରିସ୍ରା ପୋଡା ରୋଗକୁ ମଧ୍ୟ ଅଅଁଳା ଭଲ କରିଥାଏ । ଅଅଁଳା ରସ ଆମ ଶରୀରରେ ଶକ୍ତି ବର୍ଦ୍ଧକ ପରି କାମ କରେ । ଅଅଁଳା ଆପଣଙ୍କ ଗ୍ଯାସ ସମ୍ବନ୍ଧିତ ରୋଗକୁ ମଧ୍ୟ ଭଲ କରିଥାଏ ।
ଏହି ରସ ପିଇବା ଦ୍ଵାରା ଆପଣଙ୍କ ଦୃଷ୍ଟିଶକ୍ତି ବୃଦ୍ଧି ପାଇଥାଏ ଓ ଆପଣଙ୍କ ଆଖି ସମସ୍ଯା ଦୂର ହୋଇଥାଏ । ଅଁଳା ଅର୍ଶ ଓ ମଳକଣ୍ଟକ ପରି ରୋଗକୁ ମଧ୍ୟ ଠିକ କରିବାରେ ସାହାଯ୍ୟ କରିଥାଏ । ପାଟି ଭିତରେ କୌଣସି ସମସ୍ଯା ହୋଇଥିଲେ ଅଅଁଳା ରସରେ କୁଳି କଲେ ଲାଭଦାୟକ ହୋଇଥାଏ । ଅଅଁଳା ରସକୁ ଦିନରେ ଦୁଇରୁ ତିନି ଥର ସେବନ କଲେ ମହିଳାଙ୍କ ଋତୁସ୍ରାବ ଜନିତ ସମସ୍ଯା ମଧ୍ୟ ଦୂର ହୋଇଥାଏ ।
ଅଅଁଳା ଆପଣଙ୍କ ରକ୍ତରେ ଶର୍କରା ସ୍ତରକୁ ମଧ୍ୟ ନିୟନ୍ତ୍ରଣରେ ରଖିବାରେ ସାହାଯ୍ୟ କରିଥାଏ । ଏଥିପାଇଁ ଏହା ଡାଇବେଟିସ ରୋଗୀଙ୍କ ପାଇଁ ମଧ୍ୟ ଅତ୍ୟନ୍ତ ଉପକାରୀ ହୋଇଥାଏ । ଅଅଁଳା ରସ ଆପଣଙ୍କ ଚେହେରାରେ ହେଉଥିବା ବ୍ରଣ ଓ ଦାଗକୁ ମଧ୍ୟ ଭଲ କରି ଚମକ ଆଣିବାରେ ସାହାଯ୍ୟ କରେ । ଅଅଁଳା ସେବନ କରିବା ଦ୍ଵାରା ଆଜମା ଓ ବ୍ରୋକାଇଟିସ ଭଳି ରୋଗରେ ମଧ୍ୟ ଲାଭଦାୟକ ସାବ୍ୟସ୍ତ ହୋଇଥାଏ ।
ଅଅଁଳାରେ ଥିବା ତତ୍ତ୍ଵ ଆମକୁ କ୍ୟାନ୍ସର ପରି ରୋଗରୁ ମଧ୍ୟ ରକ୍ଷା କରିବାରେ ସାହାଯ୍ୟ କରିଥାଏ । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।