ବାହାଘରକୁ ମାସେ ପୁରି ନଥିଲା, କାନ୍ଥରେ ଏବେବି ସଜ ଦିଶୁଛି ‘ପପୁ ସହ ଟିକି’ ଲେଖା । ହାତରୁ ମେହେନ୍ଦି ଦାଗ ବି ଭଲରେ ଲିଭିନି ହେଲେ ସବୁଦିନ ପାଇଁ ଛାଡି ଚାଲିଗଲା ସ୍ଵାମୀ । ନବବଧୂର ବୁକୁଫଟା ଚିତ୍କାର ଦେଖିଲେ ଯେକେହି କାନ୍ଦି ପକେଇବ । ସଂସାର ଆରମ୍ଭ ନହେଉଣୁ ସ୍ତ୍ରୀ ମଥାରୁ ସିନ୍ଦୂର ଲିଭିଗଲା । ଆଉ ମୁଣ୍ଡ ପିଟି କାନ୍ଦି ନିଜ ଭାଗ୍ୟକୁ ନିନ୍ଦୁଛି ସ୍ତ୍ରୀ । ନୂଆ କରି ବାହା ହୋଇଥିବା ଭେଣ୍ଡିଆ ପୁଅକୁ ହରାଇ ପୁରା ପରିବାର ଦୁଃଖରେ ଭାଙ୍ଗି ପଡିଛନ୍ତି । କାହାରି ଆଖିରୁ ଲୁହ ଶୁଖୁନି ।
ଗତ ଶନିବାର ଦିନ କପ୍ତିପଦା ଥାନା ସମୁଖରେ ଯେଉଁ ଦୁର୍ଘଟଣା ଘଟିଯାଇଛି ଏହା ତା’ ପରର ଦୃଶ୍ୟ । ଆଜି ସକାଳେ ଘରକୁ ଶବ ଆସିବା ପରେ ସେଠାରେ ଶୋକାକୁଳ ପରିବେଶ ଦେଖାଦେଇଛି । ମୃ-ତ-କ ହେଉଛନ୍ତି ସ୍ଥାନୀୟ ଅଞ୍ଚଳର ଜଗନ୍ନାଥ ପାଣିଗ୍ରାହୀ । ସେ ଗତ ଫେବୃୟାରୀ 6 ତାରିଖରେ ବାଲେଶ୍ଵରର ଜୟଶ୍ରୀ ମହାପାତ୍ରଙ୍କୁ ସେ ବିବାହ କରିଥିଲେ । ବିବାହର ମାସେ ପୁରିବାକୁ ଆଉ ମାତ୍ର ଦିନ ଟିଏ ବାକି ଥିଲା ହେଲେ ପରିବାରରେ ଦୁଃଖର କଳା ଛାୟା ଘୋଟି ଆସିଲା ।
କୌଣସି କାମରେ କପ୍ତିପଦା ବଜାର ଯାଇଥିବା ବେଳେ ଏକ ମର୍ମନ୍ତୁଦ ସଡକ ଦୁର୍ଘଟଣାରେ ଜଗନ୍ନାଥଙ୍କ ଜୀବନ ଚାଲିଗଲା । କାମ ସାରି ସନ୍ଧ୍ୟାରେ ଘରକୁ ଫେରୁଥିବା ବେଳେ ବିପରୀତ ଦିଗରୁ ଆସୁଥିବା ଏକ ସ୍କୁଲ ବସ୍ ଜଗନ୍ନାଥଙ୍କୁ ଧକ୍କା ଦେଇଥିଲା । ଫଳରେ ଖୁବ ଜୋରରେ ରାସ୍ତାକଡକୁ ଛିଟିକି ପଡିଥିଲେ ଜଗନ୍ନାଥ ଓ ସେଠାରୁ ତାଙ୍କୁ ଉଦ୍ଧାର କରାଯାଇ ବାରିପଦା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରା ଯାଇଥିଲା ।
ହେଲେ ସେଠାରେ ତାଙ୍କର ମୃ-ତ୍ୟୁ ହୋଇ ଯାଇଥିଲା । ଏଭଳି ଖବର ମିଳିବା ପରେ ପୁରା ଗାଁରେ ଖେଳି ଯାଇଥିଲା ଶୋକର ଛାୟା । ଏମିତିକି ତାଙ୍କର ଜଣେ ଗ୍ରାମବାସୀ ତାଙ୍କୁ ଉଦଳାରେ ଦେଖିଥିଲେ ବୋଲି କହିଛନ୍ତି । ହେଲେ ଘରକୁ ଫେରୁଥିବା ବେଳେ ଏମିତି ଭୟଙ୍କର ଦୁର୍ଘଟଣାର ଶିକାର ହେଲେ ଜଗନ୍ନାଥ । ବିବାହକୁ ମାତ୍ର ପୁରିବାକୁ ଥିଲା ଆଉ ଜଗନ୍ନାଥ ଦୁନିଆ ଛାଡି ଚାଲିଗଲେ । ତାଙ୍କ ପରିବାରରେ ଏବେ କାନ୍ଦବୋବାଳି ପଡିଛି ।
କିଏ କାହାକୁ ସାନ୍ତ୍ଵନା ଦେବେ କିଛି ବୁଝି ପାରୁନାହାନ୍ତି । ଅଗ୍ନିକୁ ସାକ୍ଷୀ ରଖି ସାତଜନ୍ମର ସାଥି ହେବାକୁ ଶପଥ କରିଥିବା ଜଗନ୍ନାଥ ଏତେ ଶୀଘ୍ର ସୁନିଆ ଛାଡି ଚାଲିଯିବେ ବୋଲି କେହି ବିଶ୍ବାସ କରି ପାରୁନହାନ୍ତି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।