କାର୍ ଭିତରେ ମାଡ ଆଉ ଖସି ପଳେଇବାକୁ ଚେଷ୍ଟା କରୁଥିବା ବେଳେ ବାହାରି ବି ମାଡ । ଗୋଡେଇ ଗୋଡେଇ ମାଡ ମାରିବା ସହ ଧକ୍କା ଉପରେ ଧକ୍କା ଆଉ ଚୁଟି ଟାଣି ମାଡ । ଅଭିନେତ୍ରୀ ପ୍ରକୃତି ମିଶ୍ରଙ୍କୁ ରୋଡ ଉପରେ ଏଭଳି ମାଡ ମାରିଛନ୍ତି ଓଲିଉଡ ଅଭିନେତା ବାବୁଶାନ ମହାନ୍ତିଙ୍କ ପତ୍ନୀ ତୃପ୍ତି ଶତପଥୀ । ଯାହାର ଭିଡିଓ ଏବେ ସୋସିଆଲ ମିଡିଆରେ ନିଆଁ ଭଳି ଭାଇରାଲ ହେଉଛି । ତୃପ୍ତି ପ୍ରକୃତି ମିଶ୍ରଙ୍କୁ ଚୁଟି ଟାଣି ମାଡ ମାରିବାର କାରଣ ହେଉଛି ସେ କୁଆଡେ ତାଙ୍କ ପରିବାର ଭାଙ୍ଗି ଦେଇଛନ୍ତି ।
ଏହି ଭିଡିଓରୁ ଆପଣ ଦେଖି ପାରୁଥିବେ କିଭଳି ରାସ୍ତା ଉପରେ କୁକୁର ବିଲେଇ ଭଳି ଏମାନେ ମାଡ଼ଗୋଳ ଲାଗୁଛନ୍ତି । ବାବୁଶାନ ଓ ପ୍ରକୃତି ମିଶ୍ର ଦୁହେଁ ଫିଲ୍ମ “ପ୍ରେମମ୍” ରେ ଏକାଠି କାମ କରିଥିଲେ । ବଡ ପରଦାରେ ତାଙ୍କର ରୋମାନ୍ସ ଦେଖିବାକୁ ମିଳିଥିଲା । କିନ୍ତୁ କଥା ଉଠୁଛି ରିଲ୍ ଲାଇଫ ପ୍ରେମ କୁଆଡେ ରିୟଲ ଲାଇଫ ପ୍ରେମ ସମ୍ପର୍କରେ ପରିଣତ ହୋଇଥିଲା । ଏମିତିକି ପ୍ରକୃତିଙ୍କ ପାଇଁ ବାବୁଶାନ କୁଆଡେ ପତ୍ନୀ ତୃପ୍ତିଙ୍କ ସହ ଭଲ ସମ୍ପର୍କ ରଖୁ ନଥିଲେ ।
ଏନେଇ ଓଡିଶାର ହିରୋ ନଂ ୱାନ ଙ୍କ ପତ୍ନୀ ପୂର୍ବରୁ ସନ୍ଦେହ କରି ଆସୁଥିଲେ । କେବଳ ସମୟ ସୁବିଧାକୁ ଅପେକ୍ଷା କରି ରହିଥିଲେ । ଆଉ ଚାହୁଁ ଚାହୁଁ ଆଜି ତାଙ୍କୁ ସମୟ ଏବଂ ସୁବିଧା ଉଭୟ ମିଳିଗଲା । ପୁରା ରେଡ୍ ହ୍ୟାଣ୍ଡରେ ସ୍ଵାମୀ ବାବୁଶାନଙ୍କ ସହ ପ୍ରେମିକା ପ୍ରକୃତି ମିଶ୍ରଙ୍କୁ ଧରି ନେଇଥିଲେ ତୃପ୍ତି । ଆଉ ସେମାନଙ୍କୁ ଏକାଠି ଦେଖି ତାଙ୍କ ମୁଣ୍ଡକୁ ପୁରା ପିତ୍ତ ଚଢି ଯାଇଥିଲା ।
ଆଉ ତା’ପରେ ଯାହା ହେଲା ସେହି ସମୟର ପୁରା ଭିଜୁଆଲ ଏବେ ମୋବାଇଲରୁ ମୋବାଇଲକୁ ଘୁରି ବୁଲୁଛି । ବାବୁଶାନଙ୍କ ପତ୍ନୀ ପ୍ରକୃତିଙ୍କୁ ମାଡ ମାରିବା ସହ ‘ୟା ପାଇଁ ମୋ ପରିବାର ଧ୍ଵଂସ ହୋଇଗଲା” ବୋଲି ବାରମ୍ବାର କହୁ ଥିବାର ସେହି ଭିଡିଓରେ ଦେଖିବାକୁ ମିଳୁଛି । ବାବୁଶାନ ଓ ପ୍ରକୃତି କାର୍ ରେ ଏକାଠି କଣ କରୁଥିଲେ ସେନେଇ ଏବେ ସମସ୍ତଙ୍କ ମନରେ ପ୍ରଶ୍ନ ଉଠୁଛି ।
ଉଭୟଙ୍କ ଫିଲ୍ମ ପ୍ରେମମ ରିଲିଜ ହୋଇ ସାରିଥିବା ବେଳେ ଏହା ସେତେ ଖାସ ପ୍ରଦର୍ଶନ କରି ପାରିନାହିଁ । ଆଉ ଏବେ ଉଭୟଙ୍କ ଲଭ ଆଫେୟାର ଓ ପତ୍ନୀଙ୍କ ଝଗଡା ସାରା ରାଜ୍ୟରେ ଚର୍ଚ୍ଚାର ବିଷୟ ପାଲଟିଛି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।