ଗତ ପାଞ୍ଚଦିନ ଧରି ସାରା ଓଡିଶାରେ ଓଲିଉଡ ସୁପରଷ୍ଟାର ବାବୁଶାନ ମହାନ୍ତିଙ୍କ ପାରିବାରିକ ବିବାଦକୁ ନେଇ ଚର୍ଚ୍ଚା ଚାଲିଛି । ବାବୁଶାନଙ୍କ ସହ ଜଡିତ ପ୍ରତ୍ଯେକ ବ୍ୟକ୍ତି ଓ ସାରା ଓଡିଶାବାସୀ ଚାହୁଁଛନ୍ତି ଏହି ବିବାଦ ଯଥାଶୀଘ୍ର ତୁଟିଯାଉ । ବାବୁଶାନ ମଧ୍ୟ ଚେନ୍ନାଇରୁ ଘରକୁ ଫେରି ସାରିଥିବା ବେଳେ ତାଙ୍କ ପ୍ରତିକ୍ରିୟା ଶୁଣିବା ପାଇଁ ସମସ୍ତେ ଅନେଇ ବସିଛନ୍ତି । ଏତିକି ବେଳେ ସାମ୍ନାକୁ ଆସିଛନ୍ତି ଚର୍ଚ୍ଚିତ ଓଡିଆ ଫିଲ୍ମ ନିର୍ଦ୍ଦେଶକ ଅଶୋକ ପତି ।
ସେ ବାବୁଶାନଙ୍କୁ ଅନେକ ଫିଲ୍ମରେ ନିର୍ଦ୍ଦେଶନା ଦେଇଛନ୍ତି ଓ ତାଙ୍କ ପରିବାର ସହ ମଧ୍ୟ ଖୁବ ଭଲ ସମ୍ପର୍କ ରହିଛି । ବାବୁଶାନ ଚେନ୍ନାଇରୁ ଫେରିବା ପରେ ପୂର୍ବ ଦୁଇ ରାତ୍ରି ଅନିଦ୍ରା ଥିବାରୁ ଏବେ ଗଣମାଧ୍ୟମକୁ ଆସିବା ପାଇଁ ଉଚିତ ମନେ କରିନାହାନ୍ତି । ତେଣୁ ଦୁଇଦିନ ବିଶ୍ରାମ କରିବା ପରେ ସେ ଗଣମାଧ୍ୟମ ସାମ୍ନାକୁ ଆସି ନିଜର ପକ୍ଷ ରଖିବେ ବୋଲି ବାବୁଶାନଙ୍କ ମା’ ଅପରାଜିତା ମହାନ୍ତି ନିଜେ ସୂଚନା ଦେଇଥିଲେ ।
ଏହାକୁ ପୁଣି ଥରେ ପୁନରାବୃତ୍ତି କରିଛନ୍ତି ଫିଲ୍ମ ନିର୍ଦ୍ଦେଶକ ଅଶୋକ ପତି । ସେ କହିଛନ୍ତି କି, ବାବୁଶାନ ବିଶ୍ରାମ ନେବା ପରେ ନିଶ୍ଚିତ ଭାବେ ସାମ୍ନାକୁ ଆସିବେ ଓ ନିଜର ପକ୍ଷ ରଖିବେ । ବାବୁଶାନ ଓଡିଆ ଫିଲ୍ମ ଇଣ୍ଡଷ୍ଟ୍ରିର ହୀରା ବୋଲି ସେ କହିଛନ୍ତି । ଓଡିଆ ଫିଲ୍ମ ଜଗତକୁ ସେ ଅନେକ ସୁପରହିଟ୍ ଫିଲ୍ମ ଭେଟି ଦେଇଛନ୍ତି ଓ ଆଗକୁ ମଧ୍ୟ ସେହିଭଳି ଫିଲ୍ମ କରିବେ ବୋଲି ଅଶୋକ ପତି କହିଛନ୍ତି ।
ଏପରିକି ବାବୁଶାନଙ୍କ ସହ ଫିଲ୍ମ ପ୍ଲାନିଂ ହୋଇଗଲାଣି ବୋଲି ସେ କହିଛନ୍ତି । କିଛି ସମୟ ପାଇଁ ବାବୁଶାନ ବାଟବଣା ହୋଇ ଯାଇଥିଲେ । କିନ୍ତୁ ସେ କେବେବି ତାଙ୍କ ପରିବାରକୁ ଛାଡିକି ଯାଇ ନଥିଲେ । ମଣିଷ ହିସାବରେ ଯାହାବି ଛୋଟବଡ ଭୁଲ ହୋଇଛି ତାହା ନିଶ୍ଚିତ ଭାବେ ସମାଧାନ ହୋଇଯିବ ଓ ବାବୁଶାନ ପୁଣି ଥରେ କଳା ଜଗତ ପ୍ରତି ନିଜ କର୍ତ୍ତବ୍ୟ ଜାରି ରଖିବେ ବୋଲି ସେ କହିଛନ୍ତି ।
ଦୀର୍ଘ ଅଢେଇ ବର୍ଷ ହେଲା ଅଶୋକ ପତି ବି ଓଡିଶାରେ କାମ କରିନାହାନ୍ତି । ସେ ବାହାରେ ରହି କାମ କରୁଥିଲେ, ତେଣୁ ସେ ଓଡିଶା ଆସିଛନ୍ତି ଓ ବାବୁଶାନଙ୍କ ସହ ପୁଣି ଥରେ କାମ କରିବେ ବୋଲି କହିଛନ୍ତି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।