ଦିନକୁ ଦିନ ଇଣ୍ଟରନେଟର ବ୍ୟବହାର ଯେତେ ବଢୁଛି ସେତେ ଅଧିକ ସାଇବର ଅପରାଧ ମଧ୍ୟ ବଢିବାରେ ଲାଗିଛି । ସାଇବର ଅପରାଧୀ ମାନେ ଗ୍ରାହକଙ୍କୁ ଠକିବା ପାଇଁ ଦିନକୁ ଦିନ ନୂଆ ନୂଆ ପନ୍ଥା ସବୁ ବାହାର କରୁଛନ୍ତି । ସାଇବର ଅପରାଧର ଶିକାର ହୋଇ ଅନେକ ଲୋକ ନିଜ ସଞ୍ଚିତ ଅର୍ଥ ହରାଇ ଦେଉଛନ୍ତି । ସାଇବର ଅପରାଧ ରୋକିବା ପାଇଁ ପ୍ରଶାସନ ଯେତେ ଜାଗ୍ରତ ହେଉଛନ୍ତି ଅପରାଧୀ ସେତେ ନୂଆ ପନ୍ଥା ଅବଲମ୍ବନ କରି ସାଧାରଣ ଲୋକଙ୍କ ଠାରୁ ଟଙ୍କା ଠକି ନେଉଛନ୍ତି ।
ଏହିପରି ଏକ ଦୁଃଖଦ ଘଟଣା ଦେଖିବାକୁ ମିଳିଛି ବାଲେଶ୍ଵରରେ । ସେଠାକର ଏକ ଦମ୍ପତ୍ତି ଇଣ୍ଡସଇଣ୍ଡ ବ୍ଯାଙ୍କରେ ୫ ଲକ୍ଷ ଲେଖାଏଁ ଦୁଇଟି ଫିକ୍ସ ଡିପୋଜିଟ କରିଥିଲେ ଓ ସଞ୍ଚୟ ଖାତାରେ ମଧ୍ୟ ୨ ଲକ୍ଷ ୪୫ ହଜାର ଭଳି ଟଙ୍କା ରଖିଥିଲେ । ସେମାନଙ୍କର ଗୋଟିଏ ମାତ୍ର ପିଲା । ଯାହାର ପାଠପଢା ଓ ଭବିଷ୍ୟତ ପାଇଁ ସେମାନେ ଟଙ୍କା ଜମା କରିଥିଲେ । କିନ୍ତୁ ସେମାନେ ଯେତେବେଳେ ଟଙ୍କା ଉଠାଇବା ପାଇଁ ବ୍ଯାଙ୍କକୁ ଆସିଥିଲେ ସେତେବେଳେ ବ୍ଯାଙ୍କ କର୍ମଚାରୀ ତାଙ୍କୁ କହିଥିଲେ କି ତାଙ୍କ ଏଫଡ଼ି ଚାଲି ଯାଇଛି ।
କିନ୍ତୁ କେମିତି ଚାଲି ଯାଇଛି ତାହା ବ୍ଯାଙ୍କ କର୍ମଚାରୀ କହି ପାରି ନଥିଲେ । ଏହାପରେ ସେମାନଙ୍କୁ ଏକ ଷ୍ଟେଟମେଣ୍ଟ କାଢି ଧରେଇ ଦେଇଥିଲେ । ୧୦ ଲକ୍ଷ ଟଙ୍କା ତ ଗଲାଣି କିନ୍ତୁ ସେଭିଙ୍ଗ ଆକାଉଣ୍ଟରେ ଯେଉଁ ଅଢେଇ ଲକ୍ଷ ଟଙ୍କା ଅଛି ତାହା କେମିତି ସୁରକ୍ଷିତ ରହିବ ବୋଲି ସେମାନେ ବ୍ଯାଙ୍କ କର୍ମଚାରୀଙ୍କୁ କହିଥିଲେ । କିନ୍ତୁ ସେମାନେ କେବଳ ଏକ ଷ୍ଟେଟମେଣ୍ଟ କାଢି ସାଇବର ଥାନାକୁ ନେଇ ଯିବା ପାଇଁ କହିଥିଲେ । ସାଇବର ଥାନା କିନ୍ତୁ ରାତିରେ ଆରମ୍ଭ ହେବ କହି ସେମାନେ ତାଙ୍କୁ ଅପେକ୍ଷା କରିବାକୁ କହିଥିଲେ ।
ଆଉ ଏହାର ଅଳ୍ପ ସମୟ ମଧ୍ୟରେ ଉକ୍ତ ଦମ୍ପତ୍ତିଙ୍କ ସେଭିଙ୍ଗ ଆକାଉଣ୍ଟରେ ଥିବା ଅଢେଇ ଲକ୍ଷ ଟଙ୍କା ମଧ୍ୟ ଗାଇବା ହୋଇଗଲା ବୋଲି ବ୍ଯାଙ୍କ କର୍ମଚାରୀ ଫୋନ କରି ଜଣାଇଥିଲେ । ସ୍ଥାନୀୟ ପୋଲିସ ଥାନା ମଧ୍ୟ ଏହି ଦମ୍ପତ୍ତିଙ୍କ ଅଭିଯୋଗ ନରଖି ସେମାନଙ୍କୁ ସାଇବର ଥାନା ଯିବାକୁ କହିଥିଲେ । କଷ୍ଟ ଅର୍ଜିତ ଧନ ଏହିଭଳି ଗାୟବ ହୋଇଯିବା ଦେଖି ଏହି ଦମ୍ପତ୍ତି ମୁଣ୍ଡରେ ହାତ ଦେଇ ଦେଇଛନ୍ତି ।
ଜୀବନସାରା ଏତିକି ହିଁ ପୁଞ୍ଜି ସେମାନେ ରଖିଥିଲେ ତାଙ୍କ ପିଲାର ଭବିଷ୍ୟତ ପାଇଁ । କିନ୍ତୁ ବ୍ଯାଙ୍କରେ ଟଙ୍କା ରଖିବା ପରେ ମଧ୍ୟ ତାହା ସୁରକ୍ଷିତ ରହି ପାରିନାହିଁ । ସାଇବର ହ୍ୟାକର ଟଙ୍କା ହୟାକ କରି ନେଇଥିବା ସନ୍ଦେହ କରୁଛନ୍ତି ବ୍ଯାଙ୍କ କର୍ମଚାରୀ । କିନ୍ତୁ ବ୍ଯାଙ୍କର ମ୍ୟାନେଜର ମଧ୍ୟ ସାମ୍ନାକୁ ଆସୁ ନାହାନ୍ତି କି କିଛି ବୟାନ ଦେଇ ପାରୁ ନାହାନ୍ତି ।
ଏମିତିରେ ସମୁଦାୟ ୧୨ ଲକ୍ଷ ଟଙ୍କା ତଥା ସମସ୍ତ ସଞ୍ଚିତ ଧନ ଦିନକରେ ହରାଇ ବାଲେଶ୍ଵରର ଏହି ଦମ୍ପତ୍ତି ଏକଦମ ଭାଙ୍ଗି ପଡିଛନ୍ତି । ଆଶା କରୁଛୁ ଯେ ସାଇବର ବିଭାଗ ଶୀଘ୍ର ଖୋଳତାଡ କରି ଉକ୍ତ ଦମ୍ପତ୍ତିଙ୍କୁ ନ୍ୟାୟ ପ୍ରଦାନ କରିବ । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍କୁ ଲାଇକ କରନ୍ତୁ ।