ନନ୍ଦ ମଉସା ଲୁଗା ବ୍ୟବସାୟ କରିବା ପାଇଁ ଜଙ୍ଗଲ ରାସ୍ତା ଦେଇ ଯାଉଥିବା ବେଳେ ତାଙ୍କୁ ଅଜଗର ଗିଳି ଦେଇଥିବା ଅଭିଯୋଗ କରିଥିଲେ ଗ୍ରାମବାସୀ । ହେଲେ ବନବିଭାଗ ଏହାକୁ ଖଣ୍ଡନ କରିବା ସହ ଏହି ପ୍ରଜାତିର ଅଜଗର ମଣିଷ ଗିଳି ପାରିବ ନାହିଁ ବୋଲି କହିଥିଲା । ଏହି ଖବରକୁ ବହୁ ଚର୍ଚ୍ଚା ଆଲୋଚନା ହୋଇଥିଲେ ଏପର୍ଯ୍ୟନ୍ତ ନନ୍ଦା ମଉସାଙ୍କ ଖୋଜ ଖବର ମିଳିପାରିଲା ନାହିଁ । ଆଉ ଗତକାଲି ଏକ ୧୬ ଫୁଟିଆ ଅଜଗର ସାପର ପେଟରୁ ଏକ ଶବ ଉଦ୍ଧାର କରାଯାଇଛି ।
ଯାହାକି ସ୍ଥାନୀୟ ଲୋକଙ୍କୁ ବେଶ ଭୟଭୀତ କରିଛି । ତେବେ ଏହି ଶବଟି ନନ୍ଦ ମଉସାଙ୍କର ନୁହେଁ ବରଂ ଇଏ ଜଣେ ମହିଳା ବୋଲି ଜଣାପଡିଛି । ଏକ ୧୬ ଫୁଟିଆ ଅଜଗରର ପେଟ ଚିରି ଜଣେ ମହିଳାଙ୍କ ଶବକୁ ବାହାର କରିଛନ୍ତି ସ୍ଥାନୀୟ ଲୋକେ । ଯାହା ବର୍ତ୍ତମାନ ଚର୍ଚ୍ଚାର ବିଷୟ ପାଲଟିଛି । ତେବେ ଏଭଳି ଏକ ଘଟଣା ଦେଖିବାକୁ ମିଳିଛି ଇଣ୍ଡୋନେସିଆର ଜାମ୍ବି ପ୍ରଦେଶରେ । ତେବେ କହିରଖୁଛୁ ଯେ, ଘର ନିକଟରେ ଥିବା ରବର ବାଗାନ୍ ରୁ ରବର ସଂଗ୍ରହ କରିବା ପାଇଁ ମହିଳାଜଣକ ଯାଇଥିଲେ ।
ଉକ୍ତ ମହିଳାଙ୍କ ନାମ ହେଉଛି ହଜାର୍ ନାମୀ ଓ ତାଙ୍କ ବୟସ ୫୨ ବର୍ଷ । ହେଲେ ହଠାତ ମହିଳାଜଣକ ନିଖୋଜ ହୋଇ ଯାଇଥିଲେ । ଯେମିତି ନନ୍ଦ ମଉସା ନିଖୋଜ ହୋଇଥିଲେ । ଏହାପରେ ପାଖରେ ଥିବା ଅଜଗର ସାପକୁ ଦେଖିବା ସହ ତା’ ପେଟ ଫୁଲିଥିବା ସ୍ଥାନୀୟ ଲୋକେ ଦେଖିବାକୁ ପାଇଥିଲେ । ପରିବାର ଲୋକେ ତୁରନ୍ତ ଏ ସମ୍ପର୍କରେ ଜରୁରୀ ସେବା ବିଭାଗକୁ ସୂଚନା ଦେଇଥିଲେ ।
ଏହାପରେ ଅନୁସନ୍ଧାନ ଆରମ୍ଭ ହୋଇଥିଲା ଓ ଏତିକି ବେଳେ ଅନୁସନ୍ଧାନକାରୀ ମାନେ ପେଟ ଫୁଲିଥିବା ଗୋଟିଏ ଅଜଗରକୁ ପାଇଥିଲେ । ଯାହାପରେ ତାଙ୍କ ପେଟରେ ମଣିଷ ଥିବା ସ୍ପଷ୍ଟ ହୋଇଥିଲା । ତେଣୁ ସେହି ୧୬ ଫୁଟିଆ ଅଜଗରକୁ ମାରି ତା’ ପେଟ ଭିତରୁ ନିଖୋଜ ମହିଳାଙ୍କ ଶବକୁ ଉଦ୍ଧାର କରା ଯାଇଥିଲା । ଗାଁ ମୁଖିଆଙ୍କ କହିବା କଥା, ସାପକୁ ଦେଖି ସନ୍ଦେହ ହେବାରୁ ତା’ ପେଟ ଭିତରେ କଣ ଅଛି ଜାଣିବାକୁ ସେମାନେ ସାପକୁ କାଟି ପକାଇଥିଲେ ।
ଆଉ ସାପ ପେଟରୁ ହିଁ ନିଖୋଜ ମହିଳା ବାହାରିଲେ । ଯାହାକୁ ଦେଖିବା ପରେ ପୁଣି ଥରେ ତାଜା ହୋଇ ଉଠିଛି ନନ୍ଦ ମଉସାଙ୍କ ଘଟଣା । ନନ୍ଦ ମଉସା ଏବେ ଯାଏଁ କୁଆଡେ ଗଲେ ସମସ୍ତେ ପ୍ରଶ୍ନ କରୁଛନ୍ତି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।