ପିଣ୍ଟୁ ନନ୍ଦଙ୍କ ପରଲୋକ ହୋଇଥିବା ବେଳେ ତାଙ୍କୁ ଶେଷ ଥର ପାଇଁ ଦର୍ଶନ କରିବାକୁ ଆତ୍ମୀୟ ସ୍ଵଜନଙ୍କ ସମେତ ଓଲିଉଡ ଇଣ୍ଡଷ୍ଟ୍ରିର ଅନେକ କଳାକାର ମାନେ ପହଞ୍ଚିଛନ୍ତି । ଗୋଟିଏ ପଟେ ପିଣ୍ଟୁ ନନ୍ଦଙ୍କ ଅନ୍ତିମ ସଂସ୍କାରର ପ୍ରସ୍ତୁତି ଚାଲିଛି ଓ ଆଉ ଗୋଟେ ପଟେ କାନ୍ଦବୋବାଳିରେ ଫାଟି ପଡୁଛି ପୁରା ପରିବେଶ । ପିଣ୍ଟୁଙ୍କ ଅକାଳ ବିୟୋଗରେ ସବୁଆଡେ ଶୋକର କଳା ବାଦଲ ଘୋଟିଯାଇଛି । ପିଣ୍ଟୁ ନନ୍ଦ ତାଙ୍କ ସ୍ତ୍ରୀ ପ୍ରତିଭା ନନ୍ଦଙ୍କ ଠାରୁ ଅଲଗା ହୋଇ ଯାଇଥିବା ଖବର ଶୁଣିବାକୁ ମିଳିଥିବା ବେଳେ ତାଙ୍କ ସ୍ତ୍ରୀ ଶେଷ ଦର୍ଶନ ପାଇଁ ତାଙ୍କ ପାଖେ ଆସି ପହଞ୍ଚିଛନ୍ତି ।
ପିଣ୍ଟୁ ନନ୍ଦଙ୍କ ଦୁଇ ପୁଅ ମଧ୍ୟ ବାପାଙ୍କୁ ଶେଷ ଥର ଦେଖିବା ପାଇଁ ଆସି ପହଞ୍ଚିଛନ୍ତି । ଦେଢ ବର୍ଷରୁ ଅଧିକ ସମୟ ପିଣ୍ଟୁ ନନ୍ଦ ଓ ତାଙ୍କ ପତ୍ନୀ ପ୍ରତିଭା ନନ୍ଦଙ୍କର ଡିଭୋର୍ସ ହୋଇ ଯାଇଥିବା ବେଳେ ସେମାନେ ଅଲଗା ଅଲଗା ରହୁଥିଲେ ବୋଲି ସୂଚନା ରହିଛି । ପିଣ୍ଟୁଙ୍କ ଦେହ ଖରାପ ଥିବାବେଳେ ମଧ୍ୟ ପ୍ରତିଭାଙ୍କୁ ତାଙ୍କ ପାଖରେ ଦେଖିବାକୁ ମିଳି ନଥିଲା । ହେଲେ ପ୍ରତିଭା ଥରେ କି ଦୁଇଥର କୁଆଡେ ପିଣ୍ଟୁ ନନ୍ଦଙ୍କୁ ଦେଖିବାକୁ ହସ୍ପିଟାଲ ଯାଇଥିବା କଥା ଶୁଣିବାକୁ ମିଳୁଛି ।
ତେବେ ପିଣ୍ଟୁ ନନ୍ଦଙ୍କ ଦେହାନ୍ତ ହୋଇଥିବା ବେଳେ ପ୍ରତିଭା ଶେଷ ଥର ପାଇଁ ତାଙ୍କୁ ଦେଖା କରିବାକୁ ଆସିବେ କି ନାହିଁ ସେନେଇ ଅନେକ ଚର୍ଚ୍ଚା ଆଲୋଚନା ଉଠିଥିଲା । ହେଲେ ସେସବୁକୁ ଖାତିର ନକରି ନିଜ ଦୁଇ ପୁଅଙ୍କ ସହ ସ୍ଵାମୀଙ୍କୁ ଶେଷ ଦର୍ଶନ କରିବାକୁ ଆସି ପହଞ୍ଚିଛନ୍ତି ତାଙ୍କ ସ୍ତ୍ରୀ ପ୍ରତିଭା ।
ପିଣ୍ଟୁ ନନ୍ଦ ଏବଂ ତାଙ୍କ ପତ୍ନୀ ପ୍ରେମ ବିବାହ କରିଥିଲେ । ସେମାନଙ୍କ ମଧ୍ୟରେ ଅତୁଟ ଭଲପାଇବା ଥିଲା । କୌଣସି କାରଣବଶତଃ ଦୁହେଁ ଅଲଗା ହୋଇ ଯାଇଥିଲେ ସତ କିନ୍ତୁ ସେମାନଙ୍କ ପ୍ରେମରେ ସତ୍ୟତା ଥିଲା ତାହା ଆଜି ଦେଖାଇଛନ୍ତି ପ୍ରତିଭା । ସ୍ଵାମୀଙ୍କ ଅକାଳ ବିୟୋଗରେ ଦୁଃଖରେ ଭାଙ୍ଗି ପଡିଛନ୍ତି ଓ ଭୋ ଭୋ କାନ୍ଦୁଥିବାର ଦେଖିବାକୁ ମିଳିଛି ।
ତେବେ ପିଣ୍ଟୁ ନନ୍ଦ ନିଜ ସ୍ତ୍ରୀ କିମ୍ବା ପିଲାଛୁଆଙ୍କ କଥା ମିଡିଆରେ ବେଶୀ ପ୍ରକାଶ କରୁ ନଥିଲେ । ସେ ଯାହା ବି ହେଉ ସ୍ଵାମୀକୁ ହରେଇବାର ଦୁଃଖ ଜଣେ ସ୍ତ୍ରୀ ହିଁ ଅନୁଭବ କରି ପାରୁଥିବ । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।