ଦେଶରେ କୋଭିଡ 19 ମହାମାରୀ ଯୋଗୁଁ ପ୍ରଭାବିତ ହେଉଥିବା ଅର୍ଥବ୍ୟବସ୍ଥାକୁ ଶକ୍ତି ଯୋଗାଇବା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଙ୍ଗଳବାର ଦିନ 20 ଲକ୍ଷ କୋଟି ଟଙ୍କାର ଆର୍ଥିକ ପ୍ୟାକେଜ ଘୋଷଣା କରିଛନ୍ତି । ବୁଧବାର ଦିନ ଅର୍ଥମନ୍ତ୍ରୀ ନିର୍ମଳା ସୀତାରମଣ ଏହି ପ୍ୟାକେଜର ବ୍ୟବହାର ସମ୍ପର୍କରେ ସୂଚନା ଦେଇଛନ୍ତି । ଏହି ସମୟରେ ସେ କହିଛନ୍ତି କି ଆତ୍ମନିର୍ଭରଶୀଳ ହେବା ପାଇଁ ଭାରତର ସମ୍ପୂର୍ଣ୍ଣ ସାମର୍ଥ୍ୟ ରହିଛି । ଲୋକଙ୍କ ଆକାଉଣ୍ଟକୁ ସିଧାସଳଖ ଟଙ୍କା ପହଞ୍ଚାଇବାର ସରକାର ଚେଷ୍ଟା କରୁଛନ୍ତି ।
ଅର୍ଥମନ୍ତ୍ରୀ କହିଛନ୍ତି କି ସମାଜର ଅନେକ ବିଭାଗ ସହ କଥା ହେବା ପରେ ଏକ ପ୍ୟାକେଜ୍ ପ୍ରସ୍ତୁତ କରାଯାଇଛି । ପ୍ୟାକେଜ୍ ମାଧ୍ୟମରେ ଅଭିବୃଦ୍ଧି ବୃଦ୍ଧି କରିବାକୁ ପଡିବ । ଭାରତକୁ ଆତ୍ମନିର୍ଭରଶୀଳ ହେବାକୁ ପଡିବ, ତେଣୁ ଏହାକୁ ଆତ୍ମନିର୍ଭରଶୀଳ ଭାରତ ଅଭିଯାନ କୁହାଯାଉଛି ।
ସାମ୍ବାଦିକ ସମ୍ମିଳନୀରେ ଅର୍ଥମନ୍ତ୍ରୀ କହିଛନ୍ତି କି ସ୍ଥାନୀୟ ବ୍ରାଣ୍ଡକୁ ବିଶ୍ୱରେ ସ୍ୱୀକୃତି ଦେବାକୁ ପଡ଼ିବ । ଆତ୍ମନିର୍ଭରଶୀଳ ଭାରତର ଅର୍ଥ ହେଉଛି ଆତ୍ମବିଶ୍ୱାସୀ ଭାରତ । ସ୍ଥାନୀୟ ସ୍ତରରେ ଉତ୍ପାଦ ତିଆରି କରି ବିଶ୍ୱ ଉତ୍ପାଦନରେ ଯୋଗଦାନ କରନ୍ତୁ, ସେମାନେ କେବଳ ନିଜ ଭିତରେ ହିଁ ସୀମିତ ନ ରୁହନ୍ତୁ ।
ସଙ୍କଟରେ ଫସି ରହିଥିବା ମଧ୍ୟମ, କ୍ଷୁଦ୍ର ଏବଂ ମାଇକ୍ରୋ ଶିଳ୍ପ (MSME) ପାଇଁ 20 ହଜାର କୋଟି ପ୍ଯାକେଜ ଘୋଷଣା କରା ଯାଇଛି । ଚାରି ବର୍ଷ ପାଇଁ MSMEକୁ ବିନା ଗ୍ୟାରେଣ୍ଟିରେ 3 ଲକ୍ଷ କୋଟି ପର୍ଯ୍ୟନ୍ତ ଲୋନ ଦିଆଯିବ । ଏହା ଦ୍ଵାରା ୪୫ ଲକ୍ଷ MSME ଙ୍କୁ ଲାଭ ମିଳିବ । MSME କୁ ଗୋଟିଏ ବର୍ଷ ପର୍ଯ୍ୟନ୍ତ କିସ୍ତି ଦେବାରୁ ରିହାତି ମିଳିବ । କୁଟୀର ଓ ଲଘୁ ଉଦ୍ଯୋଗ ପାଇଁ ୬ ଟି ପଦକ୍ଷେପ ନିଆଯାଇଛି ।
In a major initiative, we announce Rs 3 lakh crores collateral-free automatic loans for businesses, including SMEs. Borrowers with up Rs 25Cr outstanding and Rs100 Cr turnover are eligible: Finance Minister Nirmala Sitharaman #EconomicPackage pic.twitter.com/56YHRLl1bz
— ANI (@ANI) May 13, 2020
ମଧ୍ୟମ, କ୍ଷୁଦ୍ର ଏବଂ ମାଇକ୍ରୋ ଶିଳ୍ପ (MSME) କୁ ବିସ୍ତାର ପାଇଁ 50 ହଜାର କୋଟି ଆବଣ୍ଟିତ । ଏହି ପାଣ୍ଠି ସହିତ, MSME ସ୍ଥଗିତ କାର୍ଯ୍ୟ ଆରମ୍ଭ କରିବାକୁ ସକ୍ଷମ ହେବେ । ଏହା ସେମାନଙ୍କର ଦକ୍ଷତା ବୃଦ୍ଧିରେ ସାହାଯ୍ୟ କରିବ ।
୧ କୋଟି ନିବେଶ କରୁଥିବା ୟୁନିଟକୁ ମାଇକ୍ରୋ ଉଦ୍ଯୋଗ ଧରାଯିବ । ୧୦ କୋଟି ନିବେଶ କରୁଥିବା ୟୁନିଟ କୁ ଲଘୁ ଉଦ୍ଯୋଗ ଧରାଯିବ । ୨୦ କୋଟି ନିବେଶ କରୁଥିବା ୟୁନିଟକୁ ମଧ୍ୟମ ଉଦ୍ଯୋଗ ଧରାଯିବ । MSME କୁ ଇ- ମାର୍କେଟ ସହ ଯୋଡାଯିବ । ୪୫ ଦିନ ଭିତରେ MSME କୁ ସରକାରୀ ବାକି ଅର୍ଥ ମିଳିବ ।
୧୫ ହଜାର ରୁ କମ ଦରମା ପାଉଥିବା କର୍ମଚାରୀଙ୍କ ପିଏଫ ସରକାର ଅଗଷ୍ଟ ପର୍ଯ୍ୟନ୍ତ ଜମା କରିବେ । ଫଳରେ ୭୨ ଲକ୍ଷ ୨୨ ହଜାର କର୍ମଚାରୀ ଲାଭବାନ ହେବେ । ବିଜୁଳି କମ୍ପାନୀ ଙ୍କ ପାଇନ ପାଇଁ ୯୦ ହଜାର କୋଟି ଟଙ୍କାର ସହାୟତା ମିଳିବ । କଂଷ୍ଟ୍ରକ୍ସନ କମ୍ପାନୀଙ୍କୁ ୬ ମାସର ରିହାତି ଦିଆଯିବ । ରେଲୱେ, ସଡକ, ଓ ହାଇୱେ କାମ କରୁଥିବା କମ୍ପାନୀଙ୍କୁ ମିଳିବ ରିହାତି । ପ୍ରୋଜେକ୍ଟ ପୂରଣ ପାଇଁ ଅଧିକ ୬ ମାସ ସମୟ ଦିଆଯିବ । NBFC ପାଇଁ ୩୦ ହଜାର କୋଟି ଟଙ୍କାର ସ୍କିମ । ଆଶା କରୁଛୁ କି ଆପଣଙ୍କୁ ଆମର ଏହି ତଥ୍ୟ ନିଶ୍ଚୟ ପସନ୍ଦ ଆସିଥିବ । ତଥ୍ୟଟି ଭଲ ଲାଗିଥିଲେ ଗୋଟିଏ ସେୟାର କରି ଆମ ପେଜକୁ ଲାଇକ କରନ୍ତୁ ।