ଭାବି ସ୍ଵାମୀଙ୍କୁ ଗିରଫ କରି ଚର୍ଚ୍ଚାରେ ଥିବା ଆସାମର ଲେଡି ସିଙ୍ଘମ ଏବେ ନିଜେ ଗିରଫ ହୋଇଛନ୍ତି । ତାଙ୍କ କାହାଣୀ କୌଣସି ଫିଲ୍ମର କାହାଣୀ ଠାରୁ କିଛି କମ୍ ନୁହେଁ । ନିଜ କାର୍ଯ୍ୟଦକ୍ଷତା ପାଇଁ କିଛି ମାସ ଧରି ଖୁବ ଚର୍ଚ୍ଚାରେ ରହି ଆସୁଥିଲେ ଏହି ମହିଳା ପୋଲିସ ଅଧିକାରୀ । କିନ୍ତୁ ଏବେ ସେ ନିଜେ ପୋଲିସ ଦ୍ଵାରା ଗିରଫ ହୋଇଥିବା ଶୁଣିବାକୁ ମିଳିଛି । ସେ ହେଉଛନ୍ତି ଆସାମର ଲେଡି ଭାବେ ପରିଚିତ ରାଜ୍ୟ ପୋଲିସର ସବଇନ୍ସପେକ୍ଟର ଜୁନମଣି ରାଭା ।
ଦିନେ ଠକେଇ ଓ ଦୁର୍ନୀତି ମାମଲାରେ ଭାବି ସ୍ଵାମୀଙ୍କୁ ଗିରଫ କରି ଚର୍ଚ୍ଚାରେ ଥିଲେ । ଭାବି ସ୍ଵାମୀଙ୍କୁ ଗିରଫ କରି ଜେଲ ହାୱା ଖୁଆଇଥିବା ଜୁନମଣି ଏବେ ନିଜେ ଗିରଫ ହୋଇଛନ୍ତି । ସେ ତାଙ୍କ ପୂର୍ବତନ ପ୍ରେମିକଙ୍କ ସହ ଏକାଧିକ ଭ୍ରଷ୍ଟାଚାର କରିଥିବା ଅଭିଯୋଗରେ ତାଙ୍କୁ ଗିରଫ କରିଛି ପୋଲିସ । ଏହି ମାମଲାଟି ଏକଦମ ଫିଲ୍ମ ଷ୍ଟାଇଲ ହୋଇଥିବାରୁ ସାରା ଦେଶରେ ଚର୍ଚ୍ଚାର ବିଷୟ ପାଲଟିଛି । ଠକେଇ ମାମଲାରେ ସେ ନିଜ ଭାବିସ୍ଵାମୀଙ୍କୁ ଗିରଫ କରି ଖୁବ ପ୍ରଶଂସା ସାଉଁଟି ଥିଲେ ।
କିନ୍ତୁ ଏହା ପଛରେ ଆଉ କିଛି ସତ ଥିବା ଜଣାପଡିବା ପରେ ପୁରା ପୋଲିସ ଡିପାର୍ଟମେଣ୍ଟର ଆଶ୍ଚର୍ଯ୍ୟର ସୀମା ନଥିଲା । କାରଣ ଭାବିସ୍ଵାମୀଙ୍କୁ ଗିରଫ କରିଥିବା ଏହି ଇନ୍ସପେକ୍ଟର ନିଜେ ହିଁ ଏହି ଠକେଇର ମୁଖ୍ୟ ଚରିତ୍ର ଥିଲେ । ସେ ନିଜ ପ୍ରେମିକ କଥା ଭାବିସ୍ଵାମୀଙ୍କ ସହ ମିଶି ଦୁର୍ନୀତି ଓ ଠକେଇରେ ସାମିଲ ଥିବା ଜଣାପଡିବା ଏବେ ସବୁଠୁ ବଡ ଖବର ପାଲଟିଛି । ଜୁନମଣି ଗତ ଏକ ବର୍ଷ ଧରି ରାଣା ପୋଗାଙ୍କ ସହ ଘନିଷ୍ଠ ସମ୍ପର୍କରେ ଥିଲେ ।
ଗତବର୍ଷ ଅକ୍ଟୋବରରେ ସେମାନେ ବିବାହ କରିବାକୁ ନିଷ୍ପତ୍ତି ନେବା ଶ ନିର୍ବନ୍ଧ ମଧ୍ୟ ହୋଇଥିଲା । ରାଣା ନିଜକୁ ତୈଳ ଓ ପ୍ରାକୃତିକ ଗ୍ଯାସ ନିଗମର ଜନସମ୍ପର୍କ ଅଧିକାରୀ ବୋଲି ପରିଚୟ ଦେଉଥିଲା । ମିଛ ପଦବୀର ସୁଯୋଗ ନେଇ ଲୋକଙ୍କୁ ଚାକିରି ଯୋଗାଇ ଦେବ କହି ସେ ଟଙ୍କା ଲୁଟୁଥିଲା । ଏଥିରେ ତାଙ୍କୁ ସବଇନ୍ସପେକ୍ଟର ଜୁନମଣି ରାଭା ନିଜେ ସହଯୋଗ କରୁଥିଲେ । ଏପରି ଭାବେ ଦୁହେଁ ଲକ୍ଷ ଲକ୍ଷ ଟଙ୍କା ଠକିଥିବା ବେଳେ ଚୋର ଘର ସବୁବେଳେ ଅନ୍ଧାର ରୁହେନାହିଁ ପରି ସେମାନେ ଧରା ପଡିଥିଲେ ।
ଏନେଇ ଦୁଇ ଠିକାଦାର ଜୁନମଣିଙ୍କ ନାଁରେ ଅଭିଯୋଗ ଦେବାପରେ ସତ ସାମ୍ନାକୁ ଆସିଥିଲା । ଏହାକୁ ଆଧାର କରି ଜୁନମଣିଙ୍କୁ ଲଗାତାର ଦୁଇଦିନ ଜେରା କରାଯିବା ପରେ ସେ ସବୁ ସତ ଓଗାଳି ଦେଇଥିଲେ । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।