ପୁଣି ଥରେ ଆଉ ଏକ ଭିଡିଓ ଜାରି କରିଛନ୍ତି ସାଂସଦ ଅନୁଭବ ମହାନ୍ତି । ନିଜ ମନର ଦୁଃଖ ଓ କୋହକୁ ନିଜ ଭିତରେ ରଖି ପାରୁନାହାନ୍ତି ବୋଧହୁଏ, ସେଥିପାଇଁ ସମସ୍ତଙ୍କ ସହ ବାଣ୍ଟି ଦେଉଛନ୍ତି । ଅନୁଭବ ନିଜେ ଜାରି କରିଥିବା ଭିଡିଓରେ ନିଜର ଶେଷ ଇଚ୍ଛା ବିଷୟରେ କହିଛନ୍ତି । ଯାହା ତାଙ୍କର ଫ୍ୟାନ୍ସମାନଙ୍କୁ ଖୁବ ଭାବବିହ୍ଵଳ କରିଦେଉଛି । କିଛିଦିନ ତଳେ ସାଂସଦ ଅନୁଭବ ମହାନ୍ତି ସୋସିଆଲ ମିଡିଆରେ ଭିଡିଓ ପୋଷ୍ଟ କରିବ୍ବାର ସିଲସିଲା ଆରମ୍ଭ କରିଥିଲେ ।
ତାଙ୍କର ପ୍ରଥମ ତିନୋଟି ଭିଡିଓରେ ସେ ପତ୍ନୀ ବର୍ଷାଙ୍କ ସହ ପାରିବାରିକ ବିବାଦ ଓ ବିବାହ ପରର ସମ୍ବନ୍ଧକୁ ନେଇ ଅନେକ କଥା ଲୋକଲୋଚନକୁ ଆଣିଥିଲେ । ଯାହାପରେ ଅନୁଭବଙ୍କ ପ୍ରଶଂସକ ମାନେ ବର୍ଷାଙ୍କୁ ଆକ୍ଷେପ କରିବା ଆରମ୍ଭ କରି ଦେଇଥିଲେ । ବର୍ଷାଙ୍କ ପାଇଁ ଏସବୁ ଅସହ୍ୟ ହେବାରୁ ସେ ପ୍ରଥେମ ପୁରୀଘାଟ ଥାନା, ତା’ପରେ ସାଇବର ଥାନା ଓ ପରେ ହାଇକୋର୍ଟଙ୍କ ଦ୍ଵାରସ୍ଥ ହୋଇଥିଲେ ।
ଅନୁଭବ ତାଙ୍କ ନାରୀତ୍ଵକୁ ଅପମାନିତ କରୁଛନ୍ତି ବୋଲି ଅଭିଯୋଗ କରିଥିଲେ ପତ୍ନୀ ବର୍ଷା ପ୍ରିୟଦର୍ଶିନୀ । ବର୍ଷାଙ୍କ ଅଭିଯୋଗକୁ ଗ୍ରହଣ କରି ହାଇକୋର୍ଟ ଉଭୟ ବର୍ଷା ଏବଂ ଅନୁଭବ କେହି କାହା ବିରୁଦ୍ଧରେ ସୋସିଆଲ ମିଡିଆରେ କୌଣସି ଭିଡିଓ ପୋଷ୍ଟ କରିପାରିବେ ନାହିଁ ବୋଲି ନିର୍ଦ୍ଦେଶ ଦେଇଥିଲେ ।
ଏହାପରେ ଅନୁଭବ ମହାନ୍ତି କୋର୍ଟଙ୍କ ନିର୍ଦ୍ଦେଶକୁ ପାଳନ କରିଥିଲେ । ତେବେ ଗତକାଲି ପୁଣି ଥରେ ଅନୁଭବଙ୍କ ଏକ ନୂଆ ଭିଡିଓ ସାମ୍ନାକୁ ଆସିଛି । ଅନୁଭବ ଭିଡିଓ କରିଛନ୍ତି ସତ କିନ୍ତୁ କୋର୍ଟଙ୍କ ନିର୍ଦ୍ଦେଶର ପାଳନ କରିଛନ୍ତି । କାରଣ ସେ ନିଜ ନୂଆ ଭିଡିଓରେ ପ୍ରତ୍ଯକ୍ଷ କିମ୍ବା ପରୋକ୍ଷ ଭାବେ ପତ୍ନୀ ବର୍ଷାଙ୍କ ବିଷୟରେ କିମ୍ବା ତାଙ୍କ ସହ ବୈବାହିକ ସମ୍ବନ୍ଧ ବିଷୟରେ କିଛି ମଧ୍ୟ କହିନାହାନ୍ତି ।
ସେ କେବଳ ଏତିକି କହିଛନ୍ତି ଯେ, ସେ ଅନେକ କିଛି ସତ କହିବାକୁ ଚାହାନ୍ତି ହେଲେ ତାଙ୍କ ପାଟି ବାନ୍ଧି ଦିଆଯାଇଛି । ଅନୁଭବ ଅଧରାତିରେ ଏହି ଭିଡିଓ ଜାରି କରିଥିଲେ । ସେ ନିଜ ଭିଡିଓରେ କହିଥିଲେ କି ମୋତେ ଯଦି ମୋ ଶେଷ ଇଚ୍ଛା ବିଷୟରେ ପଚରା ଯାଏ ତେବେ ମୁଁ କହିବି କି, ମୁଁ ସବୁବେଳେ ଜୀବନକୁ ଭଲରେ ବଞ୍ଚିବାକୁ ଚାହିଁଛି ।
ଯଦି ଏହା ସମ୍ଭବ ହୁଏ ତେବେ ସେ ବହୁତ ଖୁସି ହେବେ । ଅନୁଭବ ନିଜ ଶେଷ ଇଚ୍ଛା କଥା କହିବା ପରେ ଏହା ତାଙ୍କ ଫ୍ୟାନ୍ସଙ୍କୁ ଭାବୁକ କରିଦେଇଛି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।