ଦୁଇଦିନ ତଳେ ପବିତ୍ର ସାବିତ୍ରୀ ଅମାବାସ୍ୟା ଯାଇଥିବା ବେଳେ ନିଜ ସତ୍ୟବାନଙ୍କୁ ପାଇବା ପାଇଁ ଥାନାରୁ ଥାନା ଦୌଡୁଛନ୍ତି ସାବିତ୍ରୀ । ଡୁମଡୁମାର ରୀନା ସାହୁ ଗତ ୭ ବର୍ଷ ହେବ ବିବାହ କରିଛନ୍ତି । ଉଭୟ ପ୍ରେମ ବିବାହ କରିଥିବା ବେଳେ ବିବାହ ପୂର୍ବରୁ ଦୀର୍ଘ ୯ ବର୍ଷର ପ୍ରେମ ସମ୍ପର୍କ ମଧ୍ୟ ଥିଲା । କିନ୍ତୁ ଗତ ସାତ ମାସ ହେବ ତାଙ୍କ ସ୍ଵାମୀ ଅନ୍ୟ ଜଣେ ମହିଳାଙ୍କ ସହ ଆଫେୟାର ରଖିଥିବା ବେଳେ ନିଜ ଜୀବନ ପ୍ରତି ବିପଦ ଅଛି ଅନୁଭବ କରି ସେ ବାପଘରେ ଆସି ରହୁଛନ୍ତି ।
ତାଙ୍କର ସାଢେ ତିନି ବର୍ଷର ଗୋଟିଏ ପୁଅ ମଧ୍ୟ ଅଛି । ଗୋପୀନାଥପୁରର ବିଦ୍ୟାଳୟରେ ସହ ଶିକ୍ଷୟତ୍ରୀ ଥିବା ରୁନୁବାଳା ନାୟକଙ୍କ ସ୍ଵାମୀ ଓ ରୀନାଙ୍କ ସ୍ଵାମୀ ପିଲାବେଳ ବନ୍ଧୁ । ଯାହାଫଳରେ ଉଭୟ ପରିବାର ମଧ୍ୟରେ ଗତ କିଛି ବର୍ଷ ହେବ ସମ୍ପର୍କ ଗଢି ଉଠିଥିଲା । ରୁନୁବାଳାଙ୍କ ସ୍ବାମୀଙ୍କ ଆର୍ଥିକ ସ୍ଥିତି ସେତେ ଭଲ ନଥିବା ବେଳେ ରୀନା ଏବଂ ତାଙ୍କ ସ୍ଵାମୀଅଙ୍କ ଲାଇଫ ଷ୍ଟାଇଲ ଏକଦମ ଭିନ୍ନ ଥିଲା ଓ ସେମାନେ ଖୁବ ଖୁସିରେ ରହୁଥିଲେ ।
ଯାହାଫଳରେ ରୁନୁବାଳା ଧୀରେ ଧୀରେ ରୀନାଙ୍କ ସହ ବନ୍ଧୁତା ବଢାଇବାକୁ ଚେଷ୍ଟା କରିଥିଲେ ଓ ସେହି ବାହାନାରେ ତାଙ୍କ ସ୍ଵାମୀଙ୍କ ସଷ ମଧ୍ୟ ମିଶିଥିଲେ । ଏହା ପରଠାରୁ ରୀନାଙ୍କ ସ୍ବାମୀ ଓ ରୁନୁବାଳାଙ୍କ ମଧ୍ୟରେ ଆଫେୟାର ଗଢି ଉଠିଥିଲା । ଯାହା ସାମ୍ନାକୁ ଆସିବା ପରେ ଏହାକୁ ବିରୋଧ କରିଥିଲେ ରୀନା । ସେଥିପାଇଁ ତାଙ୍କ ସ୍ଵାମୀ ଓ ଶାଶୁଘର ଲୋକନ ସମେତ ରୁନୁବାଳା ଓ ତାଙ୍କ ଭଉଣୀ ମଧ୍ୟ ରୀନାଙ୍କୁ ମାଡ ମାରିବା ସହ ଜୀବନରେ ମାରିଦେବାକୁ ଧମକ ଦେଇଥିଲେ ।
ରୀନା ଏନେଇ ରଣପୁର ଥାନାରେ ଅଭିଯୋଗ କରିବା ପରେ ମଧ୍ୟ କୌଣସି କାର୍ଯ୍ୟାନୁଷ୍ଠାନ ନିଆଯାଇ ନଥିଲା । ତେବେ ସାବିତ୍ରୀ ଦିନ ତାଙ୍କ ସ୍ଵାମୀ କିଛି ସମୟ ପାଇଁ ଆସିଥିଲେ । ରୀନା ମୁଣ୍ଡିଆ ପରେ ସେ ପଳାଇଥିଲେ । ରୀନାଙ୍କ ସହ ତାଙ୍କ ସ୍ଵାମୀ କୌଣସି ଯୋଗାଯୋଗ ରଖି ନାହାନ୍ତି ।
ପରେ ତାଙ୍କ ସ୍ଵାମୀ ରୁନୁବାଳାଙ୍କ ସହ ସୋସିଆଲ ମିଡିଆରେ ଫଟୋ ଛାଡିଥିଲେ, ଯାହାପରେ ସେ ଏବେ ଖଣ୍ଡଗିରି ଥାନାରେ ଆଉ ଏକ ଅଭିଯୋଗ କରିଛନ୍ତି । ତାଙ୍କ ପୁଅ ପାଇଁ ସେ ଭରଣପୋଷଣ ଦାବି କରିବା ସହ ନ୍ୟାୟ ଚାହାନ୍ତି ବୋଲି ରୀନା କହିଛନ୍ତି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।