ଗତ ଶୁକ୍ରବାର ଦିନ ରାତିରେ ବିବାହ ଉତ୍ସବରୁ ଫେରି ଯାତ୍ରାରେ ଯୋଗ ଦେବା ପାଇଁ ଯାଉଥିବା ବେଳେ ଦୁର୍ଘଟଣାର ସମୁଖୀନ ହୋଇଥିଲା ରାଣୀ ପଣ୍ଡାଙ୍କ କାର୍ । ଆଠଗଡ ଡାଳଖାଇ ନିକଟରେ ସାମ୍ନା ପଟୁ ଏକ ବାଇକ ଆସି ତାଙ୍କ କାର୍ରେ ଜୋରରେ ପିଟି ହେବା ପରେ ଭୟଙ୍କର ଦୁର୍ଘଟଣା ଘଟିଥିଲା । ଆଉ ଏହି ଦୁର୍ଘଟଣାରେ ବାଇକ ଆରୋହୀ ତଥା ଆଠଗଡ ରାଜନଗର ଗାଁର ସୁକାନ୍ତ ବେହେରା ପ୍ରାଣ ହରାଇଛନ୍ତି । ରାଣୀ ପଣ୍ଡା ଓ ତାଙ୍କ ଡ୍ରାଇଭରଙ୍କର ମଧ୍ୟ ମୁଣ୍ଡ ଏବଂ ଛାତିରେ ଆଘାତ ଲାଗିଛି ।
ତେବେ ଏୟାର ବେଲୁନ ଯୋଗୁଁ ତନକର ବିଶେଷ କିଛି କ୍ଷତି ହୋଇନି । କାର୍ ଟି ସାମ୍ନାପଟୁ ଭାଙ୍ଗି ଯାଇଥିବା ବେଳେ ମୃତ ସୁକାନ୍ତଙ୍କ ବାଇକ ଏକଦମ ଚୁରମାର ହୋଇଯାଇଛି । ସୁକାନ୍ତ ବିବାହିତ ଥିବାବେଳେ ଘରେ ତାଙ୍କ ବାପମା ‘ ପିଲାଛୁଆ ମଧ୍ୟ ଅଛନ୍ତି । ଘରର ଭେଣ୍ଡିଆ ପୁଅକୁ ହରେଇ ପରିବାର ଏକଦମ ଭାଙ୍ଗି ପଡିଛି । ରାଣୀ ପଣ୍ଡା ଆମ ପୁଅକୁ ମାରିଦେଲା ବୋଲି ସୁକାନ୍ତଙ୍କ ବାପାମା’ ବାରମ୍ବାର ଅଭିଯୋଗ ଆଣୁଥିବା ବେଳେ ଗତକାଲି ଇନଷ୍ଟାଗ୍ରାମରେ ଲାଇଭ ଆସି ସଫେଇ ଦେଇଥିଲେ ରାଣୀ ପଣ୍ଡା ।
ସେ କହିଛନ୍ତି କି ଏହି ଦୁର୍ଘଟଣାରେ ତାଙ୍କର କିଛି ଭୁଲ ନାହିଁ । ତାଙ୍କ ଡ୍ରାଇଭର ମାତ୍ର 50-60 ସ୍ପିଡରେ ଗାଡି ଚଲାଉଥିଲେ । ରାଣୀଙ୍କ ଛାତିରେ ମଧ୍ୟ ବେଶ ଜୋରରେ ଆଘାତ ଲାଗିଛି । ଗତ ଦୁଇଦିନ ହେବ ସେ ନିଜେ ମଧ୍ୟ ମେଡିକାଲରେ ଚିକିତ୍ସିତ ହେଉଛନ୍ତି । କିଛି ଲୋକେ ତାଙ୍କ ନାଁରେ ମିଥ୍ୟା ପ୍ରଚାର କରୁଥିବା ମଧ୍ୟ ରାଣୀ କହିଥିଲେ ।
ରାଣୀଙ୍କୁ ଏସବୁ ବହୁତ ଆଘାତ ଦେଇଛି ଓ ଫ୍ୟାନ୍ସଙ୍କୁ ସେ ନିଜ ଦୁଃଖ ଜଣାଇବା ବେଳେ ଭୋ ଭୋ କାନ୍ଦୁଥିଲେ । ଏହାରି ମଧ୍ୟରେ ସେ କହିଥିଲେ କି, ଯଦି ସେ ସୁକାନ୍ତଙ୍କୁ ମାରିଛନ୍ତି ବୋଲି ସମସ୍ତେ କହୁଛନ୍ତି ତେବେ ସେ ତାଙ୍କ ପରିବାରକୁ ପୋଷିବେ । ସୁକାନ୍ତଙ୍କ ପରିବାର ପାଇଁ 50 ହଜାର ଟଙ୍କା ପଠାଇଥିବା ମଧ୍ୟ ରାଣୀ କହିଛନ୍ତି । ତେବେ ଏହାକୁ ଖଣ୍ଡନ କରିଛନ୍ତି ମୃତ ସୁକାନ୍ତଙ୍କ ବାପା । ରାଣୀ ପଣ୍ଡା ତାଙ୍କ ଭାଇ ହାତରେ 35 ହଜାର ଟଙ୍କା ପଠାଇଥିବା ସେ କହିଛନ୍ତି ।
ରାଣୀ ସୁସ୍ଥ ହେବା ପରେ ତାଙ୍କ ପରିବାରକୁ ଭେଟିବାକୁ ଆସିବେ । ଆଉ 15 ହଜାର ଟଙ୍କା ରାଣୀ ହୁଏତ ପରେ ଦେଇପାରନ୍ତି । ତେବେ ସୁକାନ୍ତଙ୍କ ପରିବାରକୁ ସ୍ଥାନୀୟ ପୋଲିସ ଥାନା, ସରପଞ୍ଚ, ବିଧାୟକ ଓ ସାଙ୍ଗସାଥିଙ୍କ ଠାରୁ ମଧ୍ୟ ସହାୟତା ମିଳିଥିବା ବେଳେ ସରକାରଙ୍କ ତରଫରୁ କେବେ ସହାୟତା ମିଳୁଛି ଦେଖିବା ବାକି ରହିଲା । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।