ଦିନକୁ ଦିନ ବଢୁଥିବା ପେଟ୍ରୋଲ ଦାମ ଭିତରେ ଯଦି କେହି ଆପଣଙ୍କୁ କୁହେ କି, ଏମିତି ଏକ ବାଇକ ମିଳିଯିବ ଯାହା ୧ ଲିଟର ତେଲରେ ୮୦କିମି ପର୍ଯ୍ୟନ୍ତ ଯାଇପାରିବ ଓ ତାହାର ଦାମ୍ ମଧ୍ୟ ଖୁବ ଥିବ ତେବେ ଆପଣଙ୍କୁ କେମିତି ଲାଗିବ ? ପେଟ୍ରୋଲ ଦର ଦିନକୁ ଦିନ ଆକାଶ ଛୁଆଁ ହେବା ଯୋଗୁଁ ଲୋକଙ୍କ ସୁବିଧା ପାଇଁ ଅନେକ ଗାଡି କମ୍ପାନୀ ଏହାର ବିକଳ୍ପ ଚିନ୍ତା କରୁଛନ୍ତି । ଲୋକମାନେ ମଧ୍ୟ କମ୍ ତେଲ ଖର୍ଚ୍ଚ ହେଉଥିବା ଗାଡି ଧରିବାକୁ ଅଧିକ ପସନ୍ଦ କରୁଛନ୍ତି ।
ପେଟ୍ରୋଲ ବୃଦ୍ଧି ସମସ୍ଯାକୁ ଆଖିରେ ରଖି ଟିଭିଏସ ମୋଟର କମ୍ପାନୀ ଏକ ନୂଆ ବାଇକ ଲଞ୍ଚ କରିଛି । ନିଜ ଗାଡି TVS Radeon କୁ ନେଇ ଏହିପରି ଏକ ଦାବି କରିଛି ଦୁଇଚକିଆ ଯାନ କମ୍ପାନୀ ଟିଭିଏସ ମୋଟର । ଏହି ପାର୍ବଣ ଋତୁରେ କମ୍ପାନୀ ଏହି ଗାଡିକୁ ଦୁଇ ଡୁଆଲ ଟୋନ କଳା ଓ ଲାଲ ରଙ୍ଗରେ ଲଞ୍ଚ କରିଛି । ଏହା ବ୍ଯତୀତ ଏହି ବାଇକରେ ଆଉ କୌଣସି ପରିବର୍ତ୍ତନ କରାଯାଇ ନାହିଁ । ଗାଡିର ତେଲ ଟାଙ୍କି ଉପରେ ଏହି ଦୁଇ ଡୁଆଲ ଟୋନର ରଙ୍ଗ ଏକା ସାଙ୍ଗେ ଦେଖିବାକୁ ମିଳୁଛି ।
ଏହାସହ ଏହାର ହେଡଲାଇଟର ରଙ୍ଗ ମଧ୍ୟ ବଡି କଲରର ରଖାଯାଇଛି । ଏହି ଗାଡି ୧୧୦ସିସି ସେଗମେଣ୍ଟର ବାଇକ ଅଟେ । TVS Radeon କମ୍ ମୂଲ୍ୟର ବାଇକ ହେବା ସହ ଅଧିକ ମାଇଲେଜ ମଧ୍ୟ ଦେଉଛି ବୋଲି କମ୍ପାନୀ ଦାବି କରିଛି । ମାତ୍ର ଏକ ଲିଟର ତେଲରେ ଏହା ୭୯.୩ କିମି ପର୍ଯ୍ୟନ୍ତ ଯାଇପାରେ । ଦିଲ୍ଲୀର ଏକ୍ସ ଶୋ’ରୁମରେ ଏହି ଗାଡିର ମୂଲ୍ୟ ୬୯ ହଜାର ଟଙ୍କାରୁ ଆରମ୍ଭ ହେଉଛି । ଏହାର ଡିସ୍କ ଭ୍ୟାରିଆଣ୍ଟ ପ୍ରାୟ ୭୨ ହଜାର ଟଙ୍କାର ଅଟେ ।
ଏହି ଗାଡିଟି ଲଞ୍ଚ ହେବା ପରେ ଏବେ ଏହାକୁ ନେଇ ଲୋକଙ୍କ ମନରେ ଆଗ୍ରହ ବଢୁଛି । ବାଇକଟି ଷ୍ଟାଇଲିଶ ହେବା ସହ ଭଲ ମାଇଲେଜ ଦେଉଛି ବୋଲି କମ୍ପାନୀ ପକ୍ଷରୁ କୁହାଯିବା ପରେ ଏହି ଗାଡିର ଚାହିଦା ଏବେ ଭାରତୀୟ ମାର୍କେଟରେ ଦେଖିବାକୁ ମିଳିବ ବୋଲି ଆଶା କରାଯାଉଛି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମେ ପେଜ୍ କୁ ଲାଇକ କରନ୍ତୁ ।