ଭୋଜିଭାତ ସବୁ ରେଡ୍ଡି ଥିଲା, ଆଉ ଅଧା ଲୋକ ଖାଇ ବି ସାରିଥିଲେ । ବାକି କିଛି ଲୋକ ବସି ବାହାଘର ଦେଖିବାରେ ବ୍ୟସ୍ତ ଥିଲେ । ଏତିକି ବେଳେ ହଠାତ ସେ ସ୍ଥାନକୁ ଗୋଟିଏ ଛୁଆକୁ କାଖେଇ ଜଣେ ମହିଳା ପଶି ଆସିଥିଲେ । ସେଠାରେ ପହଞ୍ଚିବା ମାତ୍ରେ ସେ ବାହାଘର ବନ୍ଦ କରିବାକୁ ଚିଲେଇଲେ ଆଉ ବରକୁ ବେଦୀରୁ ଉଠେଇ ଆଣି ଖୁବ ଗାଳିଗୁଲଜ କଲେ । ତୋର କେତେଟା ରଖିବାର ଦମ୍ ଅଛି ବୋଲି କହି ଗାଳି ଦେଉଥିଲେ ମହିଳା । ଅତିଥି ହୋଇ ଆସିଥିବା ଲୋକେ କିଛି ବୁଝିପାରୁ ନଥାନ୍ତି ।
କିଛି ଲୋକେ ପୁଅର ସମର୍ଥନ କରି ମହିଳାଙ୍କ ଆଡକୁ ଆଙ୍ଗୁଳି ଉଠାଉଥିବା ବେଳେ ସେପଟେ ଦୁଇଜଣ ସାମାଜିକ କର୍ମୀ ମହିଳାଙ୍କ ସମର୍ଥନରେ ବାହାରି ବରକୁ ଦୋଷ ଦେଇ ଚାଲିଥାନ୍ତି । ପୁରା କେଉଁ ସିନେମାର ସିନ୍ ଭଳି ଗୋଟିଏ ପରେ ଗୋଟିଏ ଘଟଣା ଘଟି ଚାଲିଥିଲା । ବୁଝାବୁଝି କରିବା ପରେ ଜଣା ପଡିଥିଲା କି ବର ସୁଜିତ ବାଗ୍ ଆଗରୁ ବିବାହ କରିଛନ୍ତି । ଆଉ ଏହି ମହିଳା ହେଉଛନ୍ତି ତାଙ୍କର ପତ୍ନୀ ।
ସୁଜିତ ଏବେ ଦ୍ଵିତୀୟ ବାହାଘର ପାଇଁ ବର ବେଶରେ ସଜବାଜ ହୋଇ ମଣ୍ଡପକୁ ଆସିଥିଲେ । କିନ୍ତୁ ସେସବୁକୁ ଭଣ୍ଡୁର କରି ଦେଇଛନ୍ତି ତାଙ୍କର ପ୍ରଥମ ପତ୍ନୀ । ପ୍ରଥମ ପତ୍ନୀଙ୍କୁ ନ ଜଣାଇ ସ୍ଵାମୀ ସୁଜିତ ଦ୍ଵିତୀୟ ବିବାହ କରୁଥିଲେ । ଆଉ ତାଙ୍କୁ ରେଡ୍ ହ୍ୟାଣ୍ଡରେ ଧରିଛନ୍ତି ପତ୍ନୀ । ଏପରିକି ପ୍ରଥମ ସ୍ତ୍ରୀଙ୍କ ଔରସରୁ ସୁଜିତଙ୍କର ଦୁଇ ସନ୍ତାନ ମଧ୍ୟ ଅଛନ୍ତି ।
ସମ୍ବଲପୁର ଟାଉନ ଥାନା ଅନ୍ତର୍ଗତ ଗୁରୁପଡା ସ୍ଥିତ କଲ୍ୟାଣ ମଣ୍ଡପରେ ଏହି ବିବାହ ଅନୁଷ୍ଠିତ ହେଉଥିଲା । ଏହି ସମୟରେ ମହିଳା ଜଣକ ତାଙ୍କର ଦୁଇ ଛୁଆକୁ ଧରି ପହଞ୍ଚି ସେଠାରେ ହଙ୍ଗାମା ଆରମ୍ଭ କରି ଦେଇଥିଲେ । ଦୁଇ ବର୍ଷ ହେଲାଣି ସେମାନେ ଅଲଗା ହୋଇ ରହିଛନ୍ତି ।
ସ୍ଵାମୀଙ୍କ ଭୁଲ ଦେଖିଲେ ବୋଲି ସେ ଓଲଟା ତାଙ୍କ ଚରିତ୍ର ଉପରେ ଆଙ୍ଗୁଳି ଉଠେଇ ସ୍ତ୍ରୀ ପିଲାଛୁଆଙ୍କୁ ଛାଡି ଅଲଗା ରହୁଛନ୍ତି ସୁଜିତ । ସୁଜିତଙ୍କ ଘରଲୋକ ମଧ୍ୟ ସେମାନଙ୍କ ଝଗଡା ସମାଧାନ କରିବାକୁ କେବେ ଚେଷ୍ଟା କରି ନାହାନ୍ତି ବୋଲି ସେ ଅଭିଯୋଗ ଆଣିଛନ୍ତି ।
ଦୁଇ ପିଲା ଥାଇ ଓ ପ୍ରଥମ ପତ୍ନୀଙ୍କ ସହ ଛାଡପତ୍ର ନହୋଇ ଥିବା ସତ୍ତ୍ୱେ ସ୍ଵାମୀ ଦ୍ଵିତୀୟ ବିବାହ କରିବାକୁ ସ୍ତ୍ରୀ ଆସି ତାଙ୍କ ବିବାହ ଭଣ୍ଡୁର କରି ଦେଇଛନ୍ତି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।