ଜୀବନରେ କିଛି ଅସମ୍ଭବ ନଥାଏ । ଏହି କଥାକୁ ସତ କରି ଦେଖାଇଛନ୍ତି ଏକ ନେତ୍ରହୀନ ଝିଅ । ଆଜି ଆମେ ଆପଣଙ୍କୁ ଏମିତି ଏକ ନେତ୍ରହୀନ ଝିଅର ସଫଳତା ବିଷୟରେ କହିବୁ ଯାହା ବିଷୟରେ ଜାଣିଲେ ଆପଣଙ୍କୁ ବହୁତ ପ୍ରେରଣା ମିଳିବ । ଆଖି ହେଉଛି ଶରୀରର ବହୁତ ମହତ୍ତ୍ଵପୂର୍ଣ୍ଣ ଅଂଶ । ଯଦି ଆପଣଙ୍କର ଆଖି ଖରାପ ହେଇଯିବ ତେବେ ଆପଣଙ୍କ ଜୀବନରେ ବହୁତ ସାରା କଷ୍ଟ ଆସିବ ଯାହା ବିଷୟରେ ଆପଣ ଭାବି ପାରିବେ ନାହିଁ । ହେଲେ ଏମିତି କିଛି କମ ଲୋକ ଅଛନ୍ତି ଯେଉଁମାନେ ନେତ୍ରହୀନ ହେବାର ବାହାନା ନକରି ଜୀବନରେ ଆଗକୁ ବଢନ୍ତି । ତେବେ ଆସନ୍ତୁ ଜାଣିବା ସେହିପରି ଜଣେ ନେତ୍ରହୀନ ଝିଅ ବିଷୟରେ ।
୨୩ ବର୍ଷର ତପସ୍ଵିନୀ ଦାସ ଏକ ଏମିତି ଝିଅ ଯିଏ ନେତ୍ରହୀନ ହୋଇ ମଧ୍ୟ ଓଡିଶା ସିଭିଲ ସର୍ଭିସ ଏକ୍ସାମ ୨୦୧୮କୁ ପ୍ରଥମ ପ୍ରୟାସରେ କ୍ଲିଅର କରିଛନ୍ତି । ତପସ୍ଵିନୀ ଜେନେରାଲ କ୍ୟାଟାଗୋରୀର ଅଟନ୍ତି ଓ ୬ ଜାନୁୟାରୀରେ ଜାରି ହୋଇଥିବା ରେଜଲ୍ଟରେ ସେ ୧୬୧ ତମ ରାଙ୍କ ହାସଲ କରିଛନ୍ତି । ଜଣେ ନେତ୍ରହୀନ ଝିଅର ଏହି ସଫଳତା ବହୁତ ପ୍ରଶଂସନୀୟ ଅଟେ । ଏହି ତଥ୍ୟ ସୁଲଚନା ଦାସ ଟ୍ଵିଟରରେ ଦେଇଛନ୍ତି । ସେ ବିକଳାଙ୍ଗ ମାନଙ୍କ ପାଇଁ ଷ୍ଟେଟ କମିଶନର ଅଟନ୍ତି ।
ମିଡିଆ ରିପୋର୍ଟରେ ତପସ୍ଵିନୀ କହିଛନ୍ତି କି “ଯେଉଁ ଲୋକମାନଙ୍କର ଆଖି ଅଛି ସେମାନେ ଦେଖିପାରିବେ ଓ ପଢିପାରିବେ, ହେଲେ ମୋତେ ବହିର ରେକର୍ଡିଙ୍ଗ ଉପରେ ନିର୍ଭର ହେବାକୁ ପଡୁଥିଲା । ମୁଁ ପ୍ରଥମେ ବହି ପଢୁଥିଲି ଓ ପରେ ତାକୁ ଅଡିଓ ଫର୍ମମାଟ ରେ କନଭର୍ଟ କରୁଥିଲି । ମୁଁ ମୋର ଜୀବନର କୌଣସି ପରୀକ୍ଷାରେ ହାର ମାନିନୀ, ତେଣୁ ମୁଁ ନିଜକୁ କହିଲି ଚାଲ ଏହାକୁ ମଧ୍ୟ ଚେଷ୍ଟା କରି ଦେଖିବା” ।
Congratulations to Tapaswini Das of Bhubaneswar who has cleared the Odisha Civil Service Examination 2018 despite being visually impaired. She would become the first visually challenged lady OAS officer of Odisha. pic.twitter.com/SKo2Hu6JRL
— Sulochana Das (@SulochanaDas1) January 7, 2020
ତପସ୍ଵିନୀର ପିତା କହିଛନ୍ତି କି ତପସ୍ଵିନୀ ଯେତେବେଳେ ଦ୍ଵିତୀୟ ଶ୍ରେଣୀରେ ଥିଲେ ସେତେବେଳେ ଏକ ଅସଫଳ ସର୍ଜରୀ ଦ୍ଵାରା ସେ ନେତ୍ରହୀନ ହୋଇଯାଇଥିଲେ । ସେତେବେଳେ ତାଙ୍କ ପିତାଙ୍କର ମନ ଭାଙ୍ଗିଯାଇଥିଲା । ହେଲେ ସେ ମାଟ୍ରିକ ପରୀକ୍ଷା ବହୁତ ଭଲ ନମ୍ବରରେ ପାସ କରିଥିଲେ । ସେଥିପାଇଁ ତପସ୍ଵିନୀ ବ୍ରାଇଲେ ସ୍କ୍ରିପ୍ଟ ମାନେ ନେତ୍ରହୀନଙ୍କ ଲିପି ର ସାହାରା ନେଇଥିଲେ । ଏହାପରେ ତପସ୍ଵିନୀ ଗ୍ରାଜୁଏସନରେ ମଧ୍ୟ ଭଲ ପଦର୍ଶନ କରିଥିଲେ । ସେ ତାଙ୍କର କ୍ୟାରିୟରରେ ଏକ ଭଲ ବିଦ୍ୟାର୍ଥୀ ରୂପେ ପରିଚିତ ।
ଯେତେବେଳେ ସୋସିଆଲ ମିଡିଆରେ ଏହି ଖବର ଲୋକମାନେ ଜାଣିଲେ, ସମସ୍ତେ ତପସ୍ଵିନୀଙ୍କୁ ଶୁଭକାମନା ଦେଇଥିଲେ । ଲୋକମାନେ ତାଙ୍କୁ ଧନ୍ୟବାଦ ଦେଇଥିଲେ କାରଣ ସେ ସମସ୍ତଙ୍କ ପାଇଁ ପ୍ରେରଣା ହୋଇଥିଲେ । ବର୍ତ୍ତମାନ ସପସ୍ଵିନୀ ଭୁବନେଶ୍ବରର ଉତ୍କଳ ୟୁନିଭର୍ସିଟିରେ ପଲିଟିକାଲ ସାଇନ୍ସରେ ପିଜି କରୁଛନ୍ତି । ଭବିଷ୍ୟତରେ ସେ UPSC ପରୀକ୍ଷା କ୍ରାକ କରିବା ପାଇଁ ଚାହୁଁଛନ୍ତି ।