ପ୍ରଥମେ ୧୧ଦିନ ଏବଂ ଏହାପରେ ଦୁଇ ସପ୍ତାହ ବିତିଲା ପରେ ଗତକାଲି ଠାରୁ ତପସ୍ଵିନୀ ପୁଣି ତାଙ୍କ ତପସ୍ୟାରେ ବସିଛନ୍ତି । ସ୍ତ୍ରୀର ଅଧିକାର ମିଳୁ ବୋଲି ତପସ୍ଵିନୀ ପୁଣି ଶ୍ଵଶୁର ଘର ସାମନାରେ ଧାରଣାରେ ବସିଛନ୍ତି । ତେବେ ଦେଖାଯାଉ ତପସ୍ଵିନୀଙ୍କୁ ତାଙ୍କ ଅଧିକାର କେବେ ମିଳିବ ଓ କେବେ ଏହି ଘଟଣାର ସମାଧାନ ହେବ । ଏନେଇ ତପସ୍ଵିନୀ ଗତକାଲି ଆଉ ଥରେ ଏସଡ଼ିଜେଏମ କୋର୍ଟରେ ପିଟିସନ ଦାଖଲ କରିଛନ୍ତି ।
ଏନେଇ ଗତ ୧୩ ତାରିଖରେ ଏସଡ଼ିଜେଏମ କୋର୍ଟ ଯେଉଁ ପିଟିସନ ଦେଇଥିଲେ ଡାକ୍ତର ସୁମିତ କୁମାର ସାହୁ ଏହାର ଅବମାନନା କରିଛନ୍ତି । କୋର୍ଟଙ୍କ ଆଦେଶ ଅନୁସାରେ ତପସ୍ଵିନୀଙ୍କ ଦାୟିତ୍ଵ ବହନ ନକରି ସୁମିତ କୁଆଡେ ଫେରାର ହୋଇ ଯାଇଛନ୍ତି । ଯାହାକୁ ନେଇ ଏକ ଅଡିଓ ମଧ୍ୟ ସୁମିତ ଭାଇରାଲ କରିଛନ୍ତି । ଏବେ ଶୀତର ପ୍ରକୋପ ବଢୁଛି ଆଉ ଏପରି ପରିସ୍ଥିତିରେ ମଧ୍ୟ ହାର ମାନି ନାହାନ୍ତି ତପସ୍ଵିନୀ ।
ତପସ୍ଵିନୀଙ୍କ ମୁଖ୍ୟ ପିଟିସନ ଉପରେ କିଛି ଶୁଣାଣି ହେବ ଆଶା କରି ତପସ୍ଵିନୀ ଗତକାଲି କୋର୍ଟକୁ ଯାଇଥିଲେ । ଯେଉଁଥିରେ ତାଙ୍କ ରହିବା ଏବଂ ଖାଇବା ପାଇଁ କିଛି ସୁବିଧା ଯୋଗାଇ ଦେବାକୁ ସେ ଆବେଦନ କରିଥିଲେ । କିନ୍ତୁ ସୁମିତଙ୍କ ଓକିଲ ସେହି ପିଟିସନ ଉପରେ ୧୫ଦିନ ସମୟ ମାଗିଥିଲେ । ତଥାପି ଆସନ୍ତା ସୋମବାର ଦିନ ସେହି ପିଟିସନ ଉପରେ ଶୁଣାଣି ହେବ ବୋଲି ମାନନୀୟ କୋର୍ଟ କହିଛନ୍ତି ।
ସୁମିତ ତପସ୍ଵିନୀଙ୍କୁ ଛାଡି ଫେରାର ହେବା ପରେ ତପସ୍ଵିନୀଙ୍କୁ ଥରେ ହେଲେ ବି କଲ୍ କରି ନାହାନ୍ତି । ତାଙ୍କ କାର୍ଯ୍ୟକ୍ଷେତ୍ର ହସ୍ପିଟାଲକୁ ମଧ୍ୟ ଯାଉ ନାହାନ୍ତି । ଏପରିକି ସିଡ଼ିଏମଓ ସାରଙ୍କ ଫୋନ ମଧ୍ୟ ଉଠାଉ ନାହାନ୍ତି । ଅନ୍ୟପଟେ ସୁମିତଙ୍କ ଅଡିଓ କଲ୍ ରେକର୍ଡକୁ ନେଇ ମଧ୍ୟ ତପସ୍ଵିନୀ ପ୍ରଶ୍ନ ଉଠାଇଛନ୍ତି । ନିଜ ରେକର୍ଡରେ ସୁମିତ ଯେଉଁ ଶବ୍ଦ ସବୁ ବ୍ୟବହାର କରିଛନ୍ତି ତାହା ସୁମିତଙ୍କ ନିଜର ନୁହେଁ ବୋଲି ସେ କହିଛନ୍ତି ।
କାରଣ ସୁମିତଙ୍କୁ ଭଲଭାବେ ଓଡିଆ ଆସେ ନାହିଁ ବୋଲି କହିଛନ୍ତି ତପସ୍ଵିନୀ । ସୁମିତ ତାଙ୍କୁ ଘରକୁ ନେଉ ନଥିବା ବେଳେ ତପସ୍ଵିନୀ ନିଜ ସଂଘର୍ଷ ଜାରି ରଖିଛନ୍ତି । ନିଜ ଅଧିକାର ପାଇଁ ଏତେ ଶୀତ କାକରରେ ମଧ୍ୟ ବାହାରେ ତମ୍ବୁ ପକାଇ ରହୁଛନ୍ତି ତପସ୍ଵିନୀ । ଗତ ରାତି ତ ତପସ୍ଵିନୀ ତମ୍ବୁରେ କାଟିଦେଲେ । ଦେଖାଯାଉ ଏହିପରି ଶୀତ କାକରରେ ଆଉ କେତେ ରାତି ବିତାଇବା ତପସ୍ଵିନୀଙ୍କ ଭାଗ୍ୟରେ ଲେଖାଅଛି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍କୁ ଲାଇକ କରନ୍ତୁ ।