ବ୍ରହ୍ମପୁର ଦମ୍ପତ୍ତି ତପସ୍ଵିନୀ ଦାଶ ଏବଂ ଡାକ୍ତର ସୁମିତ କୁମାର ସାହୁଙ୍କ ବୈବାହିକ ମାମଲା ଏବେ ଦାଣ୍ଡରେ ପଡି ହାଟରେ ଗଡୁଛି । ସ୍ଵାମୀଙ୍କ ଘର ଆଗରେ ଧାରଣାରେ ବସିବାର ପ୍ରଥମ ଦିନରୁ ଦିନ ହିଁ ଚର୍ଚ୍ଚାର ବିଷୟ ପାଲଟିଥିଲା ତପସ୍ଵିନୀ ଓ ସୁମିତଙ୍କ ମାମଲା । ତପସ୍ଵିନୀ ସୁମିତଙ୍କୁ ବିବାହ କରିଥିବା କଥା ଦାବି କରିଥିବା ବେଳେ ସୁମିତ ନିଜେ ମଧ୍ୟ ଏହାକୁ ମାନିଥିଲେ । ତେବେ ସେମାନଙ୍କ ମଧ୍ୟରେ କୌଣସି ମନୋମାଳିନ୍ୟ କାରଣରୁ ତପସ୍ଵିନୀ ନିଜ ବାପଘରକୁ ପଳାଇଥିଲେ ।
କିନ୍ତୁ ପରେ ଉଭୟଙ୍କ ଘର ଲୋକ ବୈଦିକ ରୀତିରେ ସେମାନଙ୍କ ବିବାହ କରିବା ପାଇଁ ରାଜି ହୋଇଥିଲେ । କିନ୍ତୁ କଥା ଦେଇ ଠକି ଦେଇଥିଲେ ସୁମିତ ଓ ତାଙ୍କ ଘରଲୋକ । ଆଉ ଏହାପରେ ଆରମ୍ଭ ହୋଇଥିଲା ତପସ୍ଵିନୀଙ୍କ ଧାରଣା । ଯାହା ଓଡିଶା ବ୍ଯତୀତ ଓଡିଶା ବାହାରେ ମଧ୍ୟ ଚର୍ଚ୍ଚାର ବିଷୟ ପାଲଟିଛି । ତେବେ ଅନେକ ଶୁଭେଚ୍ଛୁ ତପସ୍ଵିନୀଙ୍କୁ ସମର୍ଥନ କରିବା ସହ ସୁମିତ ଓ ତପସ୍ଵିନୀ ଏକାଠି ରୁହନ୍ତୁ ବୋଲି ଆଶା ବାନ୍ଧିଛନ୍ତି ।
ତପସ୍ଵିନୀଙ୍କ ଆବେଦନକୁ ଦୃଷ୍ଟିରେ ରଖି ଏସଡ଼ିଜେଏମ କୋର୍ଟ ଉଭୟ ସୁମିତ ଏବଂ ତପସ୍ଵିନୀଙ୍କୁ ସାତ ଦିନ ପର୍ଯ୍ୟନ୍ତ ଏକାଠି ସ୍ଵାମୀ-ସ୍ତ୍ରୀ ପରି ରହିବା ପାଇଁ ନିର୍ଦ୍ଦେଶ ଦେଇଥିଲେ । ଏହାକୁ ମାନ୍ୟ କରି ସେମାନେ ଏକାଠି ରହୁଥିଲେ ଏବଂ ଏହି ସମୟରେ କାହାରି ପରିବାର କିମ୍ବା ବନ୍ଧୁବାନ୍ଧବ ସେମାନଙ୍କୁ ଯୋଗାଯୋଗ କରିପାରିବେ ନାହିଁ ବୋଲି ମଧ୍ୟ ସର୍ତ୍ତ ରଖିଥିଲେ କୋର୍ଟ । କିନ୍ତୁ ସାତ ଦିନ ପୂରଣ ହେବା ପରେ କୋର୍ଟ ଏହି ସମସ୍ତ ସର୍ତ୍ତାବଳୀ ହଟାଇବା ସହ ଆହୁରି ସାତ ଦିନ ସେମାନଙ୍କୁ ଏକାଠି ରହିବାକୁ କହିଥିଲେ ।
କିନ୍ତୁ କୋର୍ଟଙ୍କ ଆଦେଶର ୨୪ ଘଣ୍ଟା ପୂରଣ ନ ହେଉଣୁ ତପସ୍ଵିନୀଙ୍କୁ ଗେଷ୍ଟହାଉସରେ ଛାଡି ଫେରାର ହୋଇ ଯାଇଛନ୍ତି ସୁମିତ, ଆଉ ତପସ୍ଵିନୀ ଏବେ ବି ସେହି ଗେଷ୍ଟହାଉସରେ ସୁମିତଙ୍କ ଫେରିବା ବାଟକୁ ଚାହିଁ ବସିଛନ୍ତି । ତେବେ ଏହାକୁ ନେଇ ନିଜ ପ୍ରତିକ୍ରିୟା ପ୍ରକାଶ କରିଛନ୍ତି କଂଗ୍ରେସ ବିଧାୟକ ସୁର ରାଉତରାୟ । କୋର୍ଟ ଯେତେବେଳେ ତପସ୍ଵିନୀ ଓ ସୁମିତଙ୍କ ଏକାଠି ରହଣି ପାଇଁ ପ୍ରଥମ ସାତଦିନର ରାୟ ଶୁଣାଇଥିଲେ ସେତେବେଳ ସୁର ଭାଇ ଖୁବ୍ ଖୁସି ହୋଇଥିଲେ ଓ ଜଜ୍ ଙ୍କୁ ମଧ୍ୟ ଖୁବ୍ ପ୍ରଶଂସା କରିଥିଲେ ।
ସ୍ଵାମୀ-ସ୍ତ୍ରୀ ଏକା ରହିଲେ ସେମାନଙ୍କ ମଧ୍ୟରେ ନିଶ୍ଚୟ ବୁଝାମଣା ହେବ ଓ ଭଲପାଇବା ବୃଦ୍ଧି ହେବ ବୋଲି କହିଥିଲେ ସୁର ଭାଇ । କିନ୍ତୁ ସୁମିତ ଫେରାର ହେବା ପରେ ସୁର ଭାଇଙ୍କ ଆଶା ନିରାଶାରେ ବଦଳି ଯାଇଛି । ସ୍ଵାମୀ-ସ୍ତ୍ରୀଙ୍କ ଏକୁଟିଆ ସାତ ଦିନିଆ କବାଟ ପଛ ଫର୍ମୁଲା ଏଠାରେ କାର୍ଯ୍ୟ କରିନାହିଁ ।
ସେମାନେ ଏତେ ଦିନ ଏକାଠି ରହି ମଧ୍ୟ କିଛି କରି ପାରିଲେନି ବୋଲି କହି ସେ ନିରାଶା ବ୍ୟକ୍ତ କରିଛନ୍ତି । ତେବେ ସୁର ଭାଇଙ୍କ କହିବା ଶୈଳୀ ଶୁଣିଲେ ଆପଣା ନିଜ ହସ ସମ୍ଭାଳି ପାରିବେନି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍କୁ ଲାଇକ କରନ୍ତୁ ।