ଜୀବନରେ ସବୁ ଠିକ ଚାଲିଥିବା ବେଳେ କେତେବେଳେ କେଉଁ ଦୁଃଖର ପାହାଡ ଲଦି ହୋଇଯାଏ ତାହା କେହି ଚିନ୍ତା ସୁଦ୍ଧା କରି ନଥାନ୍ତି । ସେତେବେଳେ ହସଖୁସିରେ ଚାଲିଥିବା ସଂସାର ଏକଦମ ଭୁଷୁଡି ପଡିବା ଭଳି ଲାଗେ । ପରିବାର ଲୋକଙ୍କ ମୁହଁରୁ ହସ ଲିଭେଇ ଦିଏ ଏହିଭଳି ଅକସ୍ମାତ ଆସୁଥିବା କିଛି ପରୀକ୍ଷା । ଯାହା ଦେଖିବାକୁ ମିଳିଛି ଭୁବନେଶ୍ବର ବରମୁଣ୍ଡା ଅଞ୍ଚଳର ଭାସ୍କର ଦାସଙ୍କ ପରିବାରରେ । ଭାସ୍କରଙ୍କ ପତ୍ନୀ ଚିନ୍ମୟୀ ଦାସ ବର୍ତ୍ତମାନ କିଡନୀ ରୋଗରେ ପୀଡିତ ହୋଇଛନ୍ତି ।
ତାଙ୍କର 7ରୁ 8 ବର୍ଷର ଛୋଟ ପିଲାଟିଏ ଅଛି । ପତ୍ନୀଙ୍କର ଏଭକି ଅବସ୍ଥା ସହ ଚିକିତ୍ସା ପାଇଁ ଅନେକ ଅର୍ଥ ଖର୍ଚ୍ଚ ହେଉଛି । ଖାଲି ସେତିକି ନୁହେଁ ବରଂ ସେ ଭଲ ହେବ ପାଇଁ ଅନେକ ଅର୍ଥର ଆବଶ୍ୟକତା ମଧ୍ୟ ରହିଛି । ଏନେଇ ଭାସ୍କର କହିଛନ୍ତି କି, ସେ ଯେତେବେଳେ ଜାଣିବାକୁ ପାଇଲେ କି ତାଙ୍କ ପତ୍ନୀଙ୍କ କିଡନୀ ଖରାପ ହୋଇଯାଇଛି ବୋଲି ସେ ପାଗଳ ହୋଇ ଯାଇଥିଲେ । କଣ କରିବେ ତାଙ୍କ ମୁଣ୍ଡ କାମ କରି ନଥିଲା । ତେଣୁ ପରିବାର ଲୋକଙ୍କୁ ଫୋନ କରିଥିଲେ ଓ ଏକଥା ଜଣାଇଥିଲେ ।
ତିନି ଚାରି ମାସ ଧରି ଚିନ୍ମୟୀଙ୍କ ଡାଇଲିସିସ ଚାଲିଥିବା ବେଳେ ଡାକ୍ତର ଏବେ ତାଙ୍କୁ ଯଥାଶୀଘ୍ର କିଡନୀ ଟ୍ରାନ୍ସପ୍ଳାଣ୍ଟ ପାଇଁ ପରାମର୍ଶ ଦେଇଛନ୍ତି । ହେଲେ ପତ୍ନୀଙ୍କ ଚିକିତ୍ସା କରିବାରେ ସବୁଠୁ ବଡ ବାଧକ ସାଜିଛି ଅର୍ଥ । ଭାସ୍କର ଯାହା ଦରମା ପାଉଛନ୍ତି ସେସବୁ ପତ୍ନୀଙ୍କ ଚିକିତ୍ସାରେ ଶେଷ ହୋଇଯାଉଛି । ଘରଖର୍ଚ୍ଚ ତୁଲାଇବା ମଧ୍ୟ ମୁସ୍କିଲ ହୋଇପଡୁଛି ।
ପତ୍ନୀଙ୍କ ଚିକିତ୍ସା ପାଇଁ ଭାସ୍କର ପୂର୍ବରୁ ଭିଡିଓ ମାଧ୍ୟମରେ ଜନ ସାଧାରଣଙ୍କୁ ସାହାଯ୍ୟ ମାଗିଥିଲେ ମଧ୍ୟ ଏପର୍ଯ୍ୟନ୍ତ ଆବଶ୍ୟକକୀୟ ଅର୍ଥ ଯୋଗାଡ ହୋଇ ପାରିନାହିଁ । ମାତ୍ର 50 ହଜାର ଟଙ୍କା ଯୋଗାଡ ହୋଇଥିବା ବେଳେ ବିଜୁ ସ୍ୱାସ୍ଥ୍ୟ କାର୍ଡରେ ଆଉ ମାତ୍ର ଲକ୍ଷେ ଟଙ୍କା ପଡିଛି । ଯାହାକି ତାଙ୍କ ପତ୍ନୀଙ୍କ ଚିକିତ୍ସା ପାଇଁ ପର୍ଯ୍ୟାପ୍ତ ନୁହେଁ ବୋଲି ସେ କହିଛନ୍ତି ।
ପତ୍ନୀଙ୍କୁ କେମିତି ବଞ୍ଚାଇବେ ସେନେଇ ତାଙ୍କ ମୁଣ୍ଡ କାମ କରୁ ନଥିବା ବେଳେ ଏଭଳି ସ୍ଥିତିରେ ପୁରା ପରିବାର ବି-ଷ ଖାଇଦେବା ଛଡା ଆଉ କିଛି ବାଟ ନାହିଁ ବୋଲି ସେ ଦୁଃଖର ସହ କହିଛନ୍ତି । ତେବେ ଓଡିଶାବାସୀ ସାହାଯ୍ୟ କଲେ ତାଙ୍କ ଉଚିତ ସମୟରେ ସ୍ତ୍ରୀଙ୍କର କିଡନୀ ଟ୍ରାନ୍ସପ୍ଳାଣ୍ଟ ହୋଇପାରିବ ବୋଲି ସେ କହିଛନ୍ତି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।